لائبریری ایوارڈز

[سیدہ شگفتہ]

لائبریری ایوارڈز

اجراء


پروگرام


افتتاحی پوسٹ : فرحت کیانی ، سیدہ شگفتہ

لائبریری ذیلی ٹیم فہرست : ابن سعید

لائبریری اراکین کے لیے مراعات : نبیل

ایوارڈز : ماوراء


​

 

[فرحت کیانی]

السلام علیکم

لائبریری ایوارڈز تقریب میں خوش آمدید!

 

[فہیم]

کس کس کیٹگری میں ایوارڈ دیے جائیں گے؟

 

[arifkarim]

کس کس کیٹگری میں ایوارڈ دیے جائیں گے؟

سب سے زیادہ غیر فعال رکن کو!

 

[فہیم]

سب سے زیادہ غیر فعال رکن کو!

ارے عارف بھائی
اگر ہم لوگوں نے یہاں کچھ آلتو فالتو باتیں شروع کردیں تو شاید منتظمین برس پڑیں ہم پر
اس لیے یہاں صرف سنجیدگی سے باتیں کی جائیں

 

[فرحت کیانی]

اردو محفل فورم کی عمارت میں داخل ہوتے ہی ہماری نظر ایک ترتیب سے تعمیر کئے گئے مختلف ڈیپارٹمنٹس پر پڑتی ہے۔ ہر ڈیپارٹمنٹ کے ماتھے پر اس کا نام جلی حروف میں جگمگا رہا ہے اور ساتھ ساتھ سب ڈیپارٹمنٹس کی تفصیل بھی مہیا کی گئی ہے۔ آن لائن کورس، اردو کمپیوٹنگ اور انفارمیشن ٹیکنالوجی، اردو ویب پراجیکٹس، محفلِ ادب، روز مرہ زندگی کے منتخب موضوعات، فن و فنکار، مذہب و نظریات، حالاتِ حاضرہ، گپ شپ اور ایسی ہی مزید کئی کہکشائیں آباد ہیں۔ انہی میں سے ایک کہکشاں کا نام ہے ڈیجیٹل اردو لائبریری پراجیکٹ۔ جس کے باسیوں کی ایک الگ ہی دنیا ہے۔ جو اپنی ہی دھن میں مگن ہیں۔

اس عمارت میں داخل ہوں تو پہلے دروازے پر ' استقبالیہ ' کا بورڈ لگا ملتا ہے۔ یہاں آپ کو لائبریری سے متعلقہ تمام ضروری معلومات مل جائیں گی۔ بشمول لائبریری رکنیت فارم کے

اگلا سیکشن 'لائبریری کے بارے' میں ہے۔ جہاں لائبریری اراکین مشاورت میں مشغول ملتے ہیں۔ کہیں برقیانے کے لئے فرمائشی پروگرام جاری ہے تو کہیں پراجیکٹ میں کسی نئی پیش رفت کا اعلان

آگے چلیں تو آن لائن کتب کا طلسم ہوشربا شروع ہوتا ہے۔ آپ ایک بار داخل ہو جائیں تو واپسی کا راستہ ملتا ہے اور نہ ہی دل چاہتا ہے۔
اب آ ہی گئے ہیں تو ذرا ان سیکشنز میں جھانکیں اور دیکھیں کہ وہ کیا ہے جو لائبریری اراکین کو یہاں سے کہیں اور کا رخ نہیں کرنے دیتا۔
قرآن و سنت
تاریخ و فلسفہ
ریفرنس سیکشن
اردو نثر
اردو شاعری
امیر خسرو
اقبالیات
غالبیات
سر سید احمد خان
غیر افسانوی ادب
گوشہ اطفال

ان سیکشنز میں جھانکنے کے بعد معلوم ہوتا ہے کہ لائبریری اراکین کی کس قدر خدمات ہیں ڈیجیٹل لائبریری کے لئے اور آنے والی نسلوں کے لئے۔ اور انہی خدمات کا ایک چھوٹا سا اعتراف ہے لائبریری ایوارڈز کا اجراء۔

 

[فرحت کیانی]

کس کس کیٹگری میں ایوارڈ دیے جائیں گے؟

فہیم ابھی فہرست کا اعلان ہو جائے گا۔

سب سے زیادہ غیر فعال رکن کو!

:ڈ پہلے بتانا تھا ناں۔

ارے عارف بھائی
اگر ہم لوگوں نے یہاں کچھ آلتو فالتو باتیں شروع کردیں تو شاید منتظمین برس پڑیں ہم پر
اس لیے یہاں صرف سنجیدگی سے باتیں کی جائیں

بالکل نہیں۔ آپ کو باتیں کرنے کی مکمل آزادی ہے۔ سنجیدگی کی بھی قید نہیں۔

 

[ماوراء]

فرحت، کیا خوب انداز میں عمارت کا تعارف کروایا ہے۔ شگفتہ پروگرام میں ایک بات تو لکھنا بھول ہی گئیں۔۔۔کہ میں نے اور فرحت نے کس طرح ہال اورسٹیج کو سجایا ہے۔ اور ایوارڈز کس ترتیب سے ہم نے لگائے ہیں۔ ہماری محنت کو آپ یہاں دیکھ سکتے ہیں۔


اور ایوارڈز کی جھلک بھی آپ لوگ دیکھ لیں۔

 

[محمد وارث]

اور یقیناً کچھ کھانے پینے کا انتظام بھی ہوگا

 

[فرحت کیانی]

شکریہ ماوراء!
اب لوگ اپنی اپنی سیٹ سنبھالیں تو تقریب کا باقاعدہ آغاز کیا جائے۔

 

[فرحت کیانی]

اور یقیناً کچھ کھانے پینے کا انتظام بھی ہوگا

بالکل ہے۔ ماوراء کھانے پینے کا کیا ہوا؟

 

[ماوراء]

وارث، کھانے پینے کا انتظام تقریب کے بعد ان شاءاللہ۔
فی الحال سب اپنی نشستیں سنبھال لیں۔۔مہمانِ خصوصی تشریف لا چکی ہیں۔

اوور ٹو شگفتہ

 

[سیدہ شگفتہ]

السلام علیکم

اگر سب لوگ پہنچ گئے ہوں تو میں بھی آجاؤں

 

[فرحت کیانی]

وعلیکم السلام
جی شگفتہ! آپ بھی آ جائیں۔ اپنی سیٹ سنبھالیں جلدی سے۔

 

[ابن سعید]

اور میں کب سے یہاں بیٹھا اپنی رپورٹ فائل کو فائنل ٹچ دے رہا ہوں۔ بھئی ایک گلاس پانی ہی میری طرف بھجوا دیا جائے۔

 

[سیدہ شگفتہ]

یا اللہ یہ سعود بھائی نے میرے سیٹ پر بیٹھنے سے پہلے ہی مائیک اپنے قبضے میں کر لیا ہے کہ انہیں کہیں جانا ہے سو انہیں پہلے بولنے دیا جائے

 

[سیدہ شگفتہ]

سعود بھائی مائیک مجھے یا فرحت کو ہی واپس کرنا ہے بلکہ فرحت کو کہیں کسی اور کو دے دیں

 

[ماوراء]

سعود بھیا، پہلے بتانا تھا نا۔۔میں اور فرحت تو صبح سے آ کر بیٹھیں ہوئیں ہیں۔۔ہم دونوں نے ناشتہ بھی کمپیوٹر کے سامنے کیا ہے۔

 

[ابن سعید]

در اصل ایک فون کال آگئی ہے اور فوری پہونچنے کا حکم دیا گیا ہے۔ اب خود اندازہ لگا لیں کہ یہ نادر شاہی حکم کس کا ہو سکتا ہے۔

بہر حال یہ رہی میری رپورٹ فائل خود ہی ملاحظہ فرما لیں۔

 

[سیدہ شگفتہ]

کوئی شور نہ کرے سعود بھائی بولنے لگے ہیں اب