قطعہ: ابر تھا، بارش تھی، وقتِ گُل تھا، تم تھے، میں نہ تھا

[نامعلوم اول]

یہ قطعہ آج صبح ہی کہا ہے۔​

​

ابر تھا، بارش تھی، وقتِ گُل تھا، تم تھے، میں نہ تھا​

قہقہے تھے،خندۂ قُلقُل تھا، تم تھے، میں نہ تھا​

اک طرف آہیں تھیں، غم تھا، رنج تھے اور اک طرف​

قُمریاں تھیں، نغمۂ بُلبُل تھا، تم تھے، میں نہ تھا​

​

نوٹ: اس قطعہ کے پس منظر اور اس کے پیچھے کارفرما فلسفے کی بحث یہاں ملاحظہ کی جائے۔​

 

[نیرنگ خیال]

واہ عمران بھائی۔۔ کیا خوب ہے۔۔
آپ نے بھی کمال ہی کر دیا۔۔ بہت سی داد اس ناچیز کی طرف سے قبول فرمایئے

"میں نہ تھا" کو لے کر عدم کی بھی اک بہت خوبصورت غزل ہے۔۔ پیش خدمت ہے اس میں سے اک شعر

عشق جب دم توڑتا تھا، تم نہ تھے​

موت جب سر دُھن رہی تھی، میں نہ تھا​

 

[محمد وارث]

خوب قطعہ ہے جناب

 

[الف عین]

خوب۔ ماشاء اللہ۔

 

[مدیحہ گیلانی]

واہ عمدہ