غزل ٣

[عباد اللہ]

گاہے کشٹ اٹھائے گاہے خواری کی
گاہے آپ ہی اپنی ماتم داری کی

گاہے زخمِ طلب پر مرہم رکھا ہے
گاہے ہر خواہش کی دل آزاری کی

پل پل مرنے کے آزار اٹھائے ہیں
جینے کی مقدور تلک فنکاری کی

ہم سے خود پر جبر کی رسم آغاز ہوئی
ہم نے اپنے دشمنِ جاں سے یاری کی

خود ہی سے اک بیر بلا کا تھا ہم کو
سو ہر لمحہ خود ہی سے غداری کی

ایک متاعِ عمر سے ہم. نے کام لیا
نقشِ پائے یار کی نذر گزاری کی

اس کی استغنا میں فرق نہیں آیا
ہم. نے بے جا گریہ و آہ و زاری کی

کٹتی جاتی ہے سب رشتوں کی زنجیر
جانے یہ کیا منزل ہے ناداری کی

ہم اس کے اک سادہ دل سے بندے ہیں
شیخ نے تو رب سے کیا کچھ عیاری کی

میری فکر و نظر کا ایک دبستاں ہے
جس میں غزل بھی طرز ہے عرض گزاری کی
عباد اللہ

 

[عاطف ملک]

پل پل مرنے کے آزار اٹھائے ہیں
جینے کی مقدور تلک فنکاری کی

واہ
بہت ہی خوب

ہم سے خود پر جبر کی رسم آغاز ہوئی
ہم نے اپنے دشمنِ جاں سے یاری کی

زبردست۔۔۔۔۔۔لاجواب

ہم اس کے اک سادہ دل سے بندے ہیں
شیخ نے تو رب سے کیا کچھ عیاری کی

بہت خوبصورت غزل ہے۔
آپ ہی کی طرز اور آپ ہی کا خاصہ ہے ایسا کلام
ہماری طرف سے "زبردست" کی ریٹنگ قبول فرمائیں

سرگوشی: آپس کی بات

اور اپنی پرائیویسی کی settings پر بھی نظرِ ثانی فرما لیں یا ہمیں ہی احبابِ خاص میں شمولیت کا شرف بخش دیجیے

 

[الف عین]

اصلاح سے ماروا ہے یہ غزل۔ اور ماشاء اللہ بہت اچھی ہے۔ پسند آئی۔
صرف مطلع کے دوسرے مصرع میں خواری بطور فعل سمجھ میں نہیں آیا۔ جن معنوں میں یہاں لیا گیا ہے، ان میں ’خواری ہونا ‘مستعمل ہے۔

 

[عباد اللہ]

واہ
بہت ہی خوب

زبردست۔۔۔۔۔۔لاجواب

بہت خوبصورت غزل ہے۔
آپ ہی کی طرز اور آپ ہی کا خاصہ ہے ایسا کلام
ہماری طرف سے "زبردست" کی ریٹنگ قبول فرمائیں

سرگوشی: آپس کی بات

اور اپنی پرائیویسی کی settings پر بھی نظرِ ثانی فرما لیں یا ہمیں ہی احبابِ خاص میں شمولیت کا شرف بخش دیجیے

شکریہ عاطف باقی سب باتیں تو اپنی جگہ مگر زبردست کی ریٹنگ تم نے نہیں دی اللہ پوچھے

 

[عباد اللہ]

اصلاح سے ماروا ہے یہ غزل۔ اور ماشاء اللہ بہت اچھی ہے۔ پسند آئی۔
صرف مطلع کے دوسرے مصرع میں خواری بطور فعل سمجھ میں نہیں آیا۔ جن معنوں میں یہاں لیا گیا ہے، ان میں ’خواری ہونا ‘مستعمل ہے۔

شکریہ سر ہم سمجھتے تھے کہ جس طرح غم خواری کرنا درست ہے اسی طرح صرف خواری کرنا بھی درست ہو مطلع بدل دیتے ہیں

 

[صائمہ شاہ]

خوب صورت کلام

 

[عباد اللہ]

خوب صورت کلام

نوازش

 

[عاطف ملک]

شکریہ عاطف باقی سب باتیں تو اپنی جگہ مگر زبردست کی ریٹنگ تم نے نہیں دی اللہ پوچھے

میری پروفائل پر مطلوبہ سہولیات میسر نہیں ہیں

 

[الف عین]

معذرت۔ میرا مطلب تھا ’خوار ہونا‘ درست ہے۔ خواری ’کی‘نہیں جاتی، لیکن’ہو‘ سکتی ہے۔