عید اور چاند رات کے موضوعات پر اشعار!

[فرقان احمد]

یہ شام عید ہے اے میرے ناقہ محمل
چمک کے چل کہ دیار حبیب تک پہنچیں

 

[فرقان احمد]

وہ چاند عید کا اترے جو دل کے آنگن میں
ہم عید روز منائیں ۔۔۔۔۔۔۔ وہ اتنا دلکش ہے!

 

[فرقان احمد]

کون سی چیز میں اس عید کا تحفہ بھیجوں
پیار بھیجوں کہ ۔۔۔۔۔۔۔ دعاؤں کا ذخیرہ بھیجوں
بربط قلب کی پر سوز ۔۔۔۔۔۔ صدائیں بھیجوں
دل مجروح کی پاکیزہ ۔۔۔۔۔۔۔۔۔ دعائیں بھیجوں

 

[فہد اشرف]

غرۂ شوال! اے نور نگاہ روزہ دار
آ کہ تھے تیرے لیے مسلم سراپا انتظار

تیری پیشانی پہ تحریر پیام عید ہے
شام تیری کیا ہے ، صبح عیش کی تمہید ہے

 

[حمیرا عدنان]

گئے برس کی عید کا دن کیا اچھا تھا
چاند کو دیکھ کے اس کا چہرہ دیکھا تھا

 

[قاضی واجد الدائم]

تم کو روزِ سعید مبارک
خوشیوں کی تمہید مبارک
ایسے دن کی نوید مبارک
عید مبارک، عید مبارک

 

[کمال احمد قادری]

قریب آرہی ہے مسرت کی ساعت
وہ اللہ کی خاص رحمت کی ساعت

مبارک ہو اے اہل ایمان تم کو
سعادت، سرور اور فرحت کی ساعت

 

[مریم افتخار]

عید کے دن نہ سہی، عید کے بعد سہی
عید تو ہم بھی منائیں گے تری دید کے بعد

 

[مریم افتخار]

اپنوں میں جو ہے شاد اسے عید مبارک
اور ہم ہیں جسے یاد اسے عید مبارک
اپنا تو کسی طور سے کٹ جائے گا یہ دن
تم جس سے ملو آج اسے عید مبارک

 

[محمد عدنان اکبری نقیبی]

نئی خوشی کے ساتھ فلک کی سیاہ چادر پر
سرشام ہلال عید جب نظر آیا
کچھ تو ہو گئے فرط مسرت سے پاگل
کچھ نے جھوٹی تسلی سے دل کو بہلایا

 

[محمد عدنان اکبری نقیبی]

اس سے ملنا تو اسے عید مبارک کہنا
یہ بھی کہنا کہ مری عید مبارک کر دے

 

[محمد عدنان اکبری نقیبی]

کمال احمد قادری بھائی میرے غلط املا کی نشان دہی بھی فرما دیں۔

 

[فرقان احمد]

ارے واہ! اب تو اچھی خاصی 'کولیکشن' ہو گئی ہے یہاں ۔۔۔!!!

 

[محمد عدنان اکبری نقیبی]

سب لوگ تو دیکھتے ہیں کھڑے چاند عید کا
مشتاق ہوں میں رشک قمرتیری دید کا

 

[محمد عدنان اکبری نقیبی]

اپنی خوشیاں بھول جا سب کا درد خرید
سیفیؔ تب جا کر کہیں تیری ہوگی عید​

 

[محمد عدنان اکبری نقیبی]

مل کے ہوتی تھی کبھی عید بھی دیوالی بھی
اب یہ حالت ہے ڈر ڈر کے گلے ملتے ہیں

 

[محمد عدنان اکبری نقیبی]

تم بن چاند نہ دیکھ سکا ٹوٹ گئی امید
بن درپن بن نین کے کیسے منائیں عید

 

[فرقان احمد]

غیروں میں ہیں جو شاد، اُنہیں عید مبارک
جن کو نہیں ہم یاد ۔۔۔۔۔۔۔۔۔ اُنہیں عید مبارک
معصوم سے ارمانوں کی معصوم سی دُنیا
جو کر گئے برباد ۔۔۔۔۔۔۔۔۔۔۔۔ اُنہیں عید مبارک

 

[کمال احمد قادری]

میرے غلط املا کی نشان دہی بھی فرما دیں۔

معذرت محمد عدنان اکبری نقیبی بھائی! موبائل یوز کر رہا ہوں، انجانے میں "ناقص املا" کی ریٹنگ پر ٹپ ہوگیا، میں نے ارادتًا ایسا نہیں کیا۔

 

[فرقان احمد]

کچھ ستارے تری پلکوں پہ بھی روشن ہوں گے
کچھ رُلائے گا مجھے بھی تِرا غم، عید کے دِن!