عید اور چاند رات کے موضوعات پر اشعار!

[فرقان احمد]

وفا کا سندیس لے کر اترے تمہارے آنگن میں
گواہ رفاقتوں کا محبتوں کا بن کر ۔۔۔۔ ہلال عید

 

[فرقان احمد]

کتنی مشکل سے فلک پر یہ نظر آتا ہے
عید کے چاند نے بھی انداز تمہارے سیکھے

 

[فرقان احمد]

ایک لمحے کو کبھی میں تجھے دیکھا تھا​

عمر بھر میری نظر میں نہ جچا عید کا چاند​

 

[فرقان احمد]

ہلال عید بھی نکلا تھا وہ بھی آئے تھے​

مگر انہی کی طرف تھی نظر زمانے کی​

 

[فرقان احمد]

مزہ بہار کہن کا چکھا ہی جاتی ہے
ہم اہل ہوں کہ نہ ہوں عید آ ہی جاتی ہے

 

[فرقان احمد]

جب تو نہیں تو عید میں رنگ وفا نہیں​

سب قسمتوں کے کھیل ہیں تجھ سے گلہ نہیں​

 

[محمد بلال اعظم]

اُس سے ملنا تو اُسے عید مُبارک کہنا
یہ بھی کہنا کہ مری عید مُبارک کر دے
دلاور علی آزر​

 

[فرقان احمد]

پلکوں پہ حسرتوں کے ستارے سجا لیے
اس دھج سے خواہشوں نے کیا اہتمام عید

 

[محمد بلال اعظم]

عید کا چاند تم نے دیکھ لیا
چاند کی عید ہوگئی ہوگی
ادریس آزاد​

 

[فرقان احمد]

کیا لطفِ عید آپ اگر ہم سے دور ہوں
گزرے گا روزِ عید تصور میں آپ کے

 

[فرقان احمد]

چاک دامن کو جو دیکھا تو ملا عید کا چاند
اپنی تصویر کہاں بھول گیا ۔۔۔۔۔ عید کا چاند

ان کے ابرو ئے خمیدہ کی طرح تیکھا ہے
اپنی انکھوں میں بڑی دیر تک چبھا عید کا چاند

 

[فرقان احمد]

اس سے كیا حاصل دلوں میں شوق كا جذبه نه تھا

بنده پرور عید ملنا تو كوئی ۔۔۔۔۔۔۔۔۔۔۔۔۔۔۔۔ بے جا نہ تھا

 

[محمد تابش صدیقی]

میری تک بندی ملاحظہ فرمائیے

روزہ داروں کے لئے اللہ کا انعام ہے
عید اخلاص و محبت کا ہی اک پیغام ہے
دیجیے صدقہ غریب و مفلس و نادار کو
اس خوشی میں ان کو شامل کرنا بھی اک کام ہے​

 

[فرقان احمد]

جانے کیوں آپ کے رخسار دہک اٹھتے ہیں
جب کبھی کان میں چپکے سے کہا عید کا چاند

 

[فرقان احمد]

یہ دعا مانگتے ہیں ہم ۔۔۔۔۔۔۔۔۔۔۔ عید کے دن
باقی نہ رہے آپ کا کوئی غم ۔۔۔۔ عید کے دن

آپکے آنگن میں ہر روز خواہشوں بھرا چاند اُترے
اور مہکتا رہے پھولوں سے چمن ۔۔۔ عید کے دن

 

[فرقان احمد]

آج کے دن صاف ہوجاتا ہے دل اغیار کا
آؤ مل لو عید ۔۔۔۔ یہ موقع نہیں تکرار کا

 

[فرقان احمد]

میرے بچپن کے دن، کتنے اچھے تھے دن
٭٭٭٭٭٭٭٭٭٭٭٭٭٭٭٭

بے وزن اشعار جو بھلائے نہیں بھولتے

گرم گرم روٹی توڑی نہیں جاتی
آپ سے دوستی چھوڑی نہیں جاتی
٭٭٭٭٭٭٭٭٭٭٭
سویاں پکی ہیں سب نے چکھی ہیں
آپ کیوں رو رہے ہیں آپ کے لئے بھی رکھی ہیں
٭٭٭٭٭٭٭٭٭٭٭
چاول چُنتے چُنتے نیند آ گئی
صبح اٹھ کر دیکھا تو عید آ گئی
٭٭٭٭٭٭٭٭٭٭٭
عید آئی ہے اٹک اٹک کے
آپ چل رہے ہیں مٹک مٹک کے
٭٭٭٭٭٭٭٭٭٭٭

 

[فرقان احمد]

میرے یاروں کو مبارک عید ہو
غم گساروں کو مبارک عید ہو
عاشق و معشوق، رند و پارسا
آج چاروں کو ۔۔۔۔۔ مبارک عید ہو

 

[فرقان احمد]

ہماری عید تو جب ہے کہ دیکھیں تیرے ابرو کو
ہلال عید کو اے مہ جبیں ۔۔۔۔ دیکھا تو کیا دیکھا

 

[فرقان احمد]

سب لوگ تو دیکھتے ہیں کھڑے چاند عید کا
مشتاق ہوں میں رشک قمر ۔۔۔۔۔۔ تیری دید کا