شعر و شاعر (اشعار اور خالق)

[طارق شاہ]

اب تلک جِن کی جُدائی کا قلق جی کو نہ تھا !
آج تُو بِچھڑا تو، وہ بھی سب کے سب آنکھوں میں تھے

احمد فراؔز

 

[طارق شاہ]

چشمِ تر ، اور داغ سینے کے، کسے دِکھلا ئیے
دِل سمجھتا ہی نہیں ، کیونکر اِسے سمجھایئے

نظیؔر اکبر آبادی

 

[طارق شاہ]

چُھوٹ جاویں غم کے ہاتھوں سے، جو نِکلے دَم کہیں
خاک ایسی زندگی پر، تم کہِیں اور ہم کہِیں

نظیؔر اکبر آبادی

 

[طارق شاہ]

پِھر کہاں یہ دِلبری، یہ آن، ہنس لے بول لے!
دَم غنیمت ہےارے نادان ہنس لے بول لے

نظیؔر اکبر آبادی

 

[طارق شاہ]

اِک سُخن مُطربِ زیبا ، کہ سُلگ اُٹّھے بدن !
اِک قدح ساقئِ مہوش، جو کرے ہوش تمام

ذکرِ صُبحے، کہ رُخِ یار سے رنگِیں تھا چَمن
یادِ شبہاکہ، تنِ یار تھا آغوشِ تمام

فیض احمد فیضؔ

 

[طارق شاہ]

کون قاتل بچا ہے شہر میں، فیضؔ !
جس سے ، یاروں نے رسم و راہ نہ کی

فیض احمد فیضؔ

 

[طارق شاہ]

تیرے دستِ سِتَم کا عجز نہیں !
دِل ہی کافر تھا ،جس نے آہ نہ کی

فیض احمد فیؔض

 

[طارق شاہ]

شیخ صاحب سے، رسم و راہ نہ کی !
شُکر ہے، زندگی تباہ نہ کی

فیض احمد فیؔض

 

[طارق شاہ]

بنی ایذا ہی چارۂ ایذا
زخم کی آگ نشتروں سے گئی

محشؔر بدایونی

 

[طارق شاہ]

چھاؤں کیا دی نئی فصیلوں نے!
آشنا دُھوپ بھی گھروں سے گئی

محشؔر بدایونی

 

[طارق شاہ]

کوہساروں سے کیا ہَوا کو مِلا
سر ہی ٹکرا کے پتّھروں سے گئی

محشؔر بدایونی

 

[طارق شاہ]

صبر جب سےغرض چشیدہ ہُوا
ہر فراغت قلندروں سے گئی

محشؔر بدایونی

 

[طارق شاہ]

شرح ِبے دردئ حالات نہ ہونے پائی
اب کے بھی، دِل کی مدارات نہ ہونے پائی

پِھر وہی وعدہ، جو اِقرار نہ ہونے پایا
پِھر، وہی بات جو اثبات نہ ہونے پائی

فیض احمد فیؔض

 

[طارق شاہ]

کوئی صُورت دِکھے وہی صُورت !
معجزہ کُچھ تو، اے فلک دیکھوں

شفیق خلؔش

 

[طارق شاہ]

اِس تن کی طرف دیکھو، جو قتل گہِ دِل ہے
کیا رکھّا ہے مقتل میں، اے چشمِ تماشائی

فیض احمد فیضؔ

 

[طارق شاہ]

اُمِّیدِ تلطّف میں رنجِیدہ رہے دونوں !
تُو اور تِری محفِل، مَیں اور مِری تنہائی

فیض احمد فیضؔ

 

[طارق شاہ]

چَھن گیا سِینہ بھی، کلیجا بھی !
یار کے تِیر، جان لے جا بھی

مِیرتقی مِیؔر

 

[طارق شاہ]

اب سوزِ محبّت سے، سارے جو پھپھولے ہیں
ہے شکل مِرے دِل کی سب شیشہ حبابی کی

مِیرتقی مِیؔر

 

[طارق شاہ]

اب ضُعف سے ڈھتا ہے بیتابی، شتابی کی
اِس دل کے تڑپنے نے کیا خانہ خرابی کی

مِیرتقی مِیؔر

 

[طارق شاہ]

"حال کہہ چُپ رہا ، تو مَیں بولا !
کِس کا قصّہ تھا، ہاں کہے جا بھی

کہنے لاگا! نہ واہی بک اِتنا
کیوں ہُوا ہے سڑی، ابے جا بھی"

مِیر تقی مِیرؔ