شعر و شاعر (اشعار اور خالق)

[طارق شاہ]

ہم سے کہیں کہ، زہر ہے بِسیار گوئی بھی
یہ بات ناگوارِ طبیعت اگر نہ ہو

شفیق خلشؔ

 

[طارق شاہ]

جانبِ دِل اِک غُبارِ بے کسی
ناگہاں شورِ جَرَس بن کر اُٹھا

کیا مِٹائے گا کوئی اپنا نِشاں
یہ پھریرا بارہاگِر کر اُٹھا

ناصؔر کاظمی

 

[طارق شاہ]

خوشی تو کیا کہ غمِ تازہ کا شگُوں بھی نہیں
فضائے دِل میں کسی یاد کا فسُوں بھی نہیں

وہ روز آتے ہیں ، مِلتے ہیں، حال پُوچھتے ہیں!
یہ اور بات کہ، دِل کو قرار یُوں بھی نہیں

ناصؔر کاظمی

 

[طارق شاہ]

غَمِ ہجرِ حبِیب ایک طرف
صدمۂ عُمرِ رائیگاں بھی ہے

ناصؔر کاظمی

 

[طارق شاہ]

قصِیدہ اِک بہارِ ناز کا تھا
سو مِثلِ برگِ گُل تشبِیب آئی

زُلیخائے سُخن نے مُدتّوں بعد
قبا کے بند کھولے، گُنگُنائی

بہت دِن ہوگئے تھے شعر لِکھے
نہ آمد تھی، نہ فصلِ لب کُشائی

تِرا احمد فراؔز اب بھی تِرا ہے
کُجائی ، اے نِگارِ من! کُجائی

احمد فراؔز

 

[طارق شاہ]

تھی مگر اب خوشی نہیں
غم کا وہ ڈھال لے گیا

میری ہنسی لبوں سے، وہ
ماہِ شوال لے گیا

وہ جو نہیں، غزل نہیں
کشف و کمال لے گیا

دِل تھا خلِش جوسِینے میں !
شاہِ جَمال لے گیا

شفیق خلؔش

 

[طارق شاہ]

دِل میں آ بیٹھی غزل سی وہ غزال
یہ تصوّر کی گھڑی اچھّی لگی

احمد فراؔز

 

[طارق شاہ]

ذِکر اُس غیرتِ مریم کا جب آتا ہے فراؔز
گھنٹیاں بجتی ہیں لفظوں کے کلیساؤں میں

احمد فراؔز

 

[طارق شاہ]

تُم اپنی شمعِ تمنّا کو رَو رَہے ہو فراؔز
اِن آندھیوں میں تو پیارے چراغ سب کے گئے

احمد فراؔز

 

[طارق شاہ]

رقصِ طرب کِدھر گیا ، نغمہ طراز کیا ہُوئے
غمزہ و ناز کیا ہُوئے، عشوہ و فن کو کیا ہُوا

جِس کی نَوائے دِلستاں زخمۂ سازِ شوق تھی
کوئی بتاؤ اُس بُتِ غنچہ دہن کو کیا ہُوا

چشمکِ دَم بَدَم نہیں، مشکِ خِرام و رم نہیں
میرے غزال کیا ہُوئے، میرے ختن کو کیا ہُوا

مجاؔزلکھنوی

 

[طارق شاہ]

نیند تو کیا آئے گی فراؔز
موت آئی تو سو لیں گے

احمد فراؔز

 

[طارق شاہ]

نہ مِزاج ابرِ کَرَم کا ہے، نہ عِلاج بارِشِ غم کا ہے
تِری دوستی کو مَیں کیا کرُوں، جو نہ دُھوپ کی ہےنہ چھاؤں کی

احمد فراؔز

 

[طارق شاہ]

آسماں آس لِئے ہے کہ یہ جادُو ٹُوٹے
چُپ کی زنجِیر کٹے، وقت کا دامن چُھوٹے

دے کوئی سنکھ دُہائی، کوئی پائل بولے
کوئی بُت جاگے، کوئی سانولی گُھونگٹ کھولے

فیضؔ صاحب

 

[طارق شاہ]

اب کبھی شام بُجھے گی نہ اندھیرا ہوگا
اب کبھی رات ڈَھلے گی نہ سویرا ہوگا

فیضؔ صاحب

 

[طارق شاہ]

مرہَمِ یاس سے ما ئل بہ شِفا ہونے لگا
زخمِ اُمّید کوئی پِھر سے ہَرا ہونے لگا

فیض احمد فیضؔ

 

[طارق شاہ]

ہزار جامہ دری صد ہزار بخیہ گری
تمام شورش و تمکیں نثارِ بے خبری

اضغر گونڈوی

 

[طارق شاہ]

کہِیں ہے عِشق، کہِیں ہے کشِش، کہِیں حرکت
بھرا ہے خامۂ فِطرت میں رنگِ فِتنہ گری

اضغر گونڈوی

 

[طارق شاہ]

بہشتِ تصوّر کے جلوے ہیں، میں ہُوں
جُدائی سلامت، مزے آ رہے ہیں

خمار بارہ بنکوی

 

[طارق شاہ]

قیامت کے آنے میں رِندوں کو شک تھا
جو دیکھا، تو واعظ چلے آ رہے ہیں

خمار بارہ بنکوی

 

[طارق شاہ]

کِس شوق سے وہ دیکھ رہے تھے ہجوم کو !
جب مَیں نظر پڑا، تو درِیچے سے ہٹ گئے

شہزاؔد احمد