سید الشہداء حضرت حسین رضی اللہ عنہ کی شہادت پر ایک شعر

[کاشفی]

ہاں نگاہِ غور سے دیکھ اے گروہِ مومنیں!​

جارہا ہے کربلا خیرالبشر کا جانشیں​

​

آسماں ہے لرزہ بر اندام، جنبش میں زمیں​

فرق پر ہے سایہ افگن شہپرِ روح الامیں​

​

اے شگوفو،السَّلام، اے خفتہ کلیو الوداع​

اے مدینے کی نظر افروز گلیو الوداع​

 

[کاشفی]

ہوشیار، اے ساکت و خاموش کُوفے! ہوشیار​

آرہے ہیں دیکھ وہ اعدا قطار اندر قطار​

​

ہونے والی ہے کشاکش درمیانِ نور و نار​

اپنے وعدوں پر پہاڑوں کی طرح رہ استوار​

​

صبح قبضہ کر کے رہتی ہے اندھیری رات پر​

جو بہادر ہیں، اَڑے رہتے ہیں اپنی بات پر​

 

[محمد عثمان مضطر]

کل ایک پنجاب سروس کمیشن کے ٹیسٹ میں یہ سوال تھا کہ’’اسلام زندہ ہوتا ہے ہر کربلا کہ بعد ‘‘ کس مشہور شاعر کا مصرعہ ہے ۔۔۔۔

 

[سیدہ شگفتہ]

کل ایک پنجاب سروس کمیشن کے ٹیسٹ میں یہ سوال تھا کہ’’اسلام زندہ ہوتا ہے ہر کربلا کہ بعد ‘‘ کس مشہور شاعر کا مصرعہ ہے ۔۔۔۔

پھر کیا جواب لکھا؟

کے

 

[عبد الرحمٰن]

زمین و آسمان میں حسین سا کوئی نہیں
خدا کے اس جہاں میں حسین سا کوئی نہیں

 

[محمد عثمان مضطر]

پھر کیا جواب لکھا؟

کے

میں تو مولانا ظفر علی خان لگا اآیا لیکن مولانا محمد علی جوہر تھے یہ

 

[عبد الرحمٰن]

شبیر کے دیوانوں کو سمجھائے نہ دنیا ۔۔
یہ خوب سمجھ بوجھ کے دیوانے ہوئے ہیں ۔۔

 

[عبد الرحمٰن]

اور یہ اقبال

اسلام کے دامن میں بس اس کے سوا کیا ہے
اک ضرب یداللہی ، اک سجدہ شبیری

بہت ہی لاجواب انتخاب

 

[سید شہزاد ناصر]

یہ شعر جوش کا ہی ہے بلکہ انکی ایک رباعی ہے، جوش کے کلیات میں موجود ہے، شاید یادوں کی برات میں بھی ہے کہیں، دیگر کئی ایک کتب میں بھی جوش کے نام سے ہے جیسے ڈاکٹر تقی عابدی کی عروس سخن میں ایک مقالہ ہے اس میں

کیا صرف مُسلمان کے پیارے ہیں حُسین

چرخِ نوعِ بَشَر کے تارے ہیں حُسین
انسان کو بیدار تو ہو لینے دو
ہر قوم پکارے گی، ہمارے ہیں حُسین

​

خاکسار کے بلاگ پر جوش کی چند رباعیوں کے ساتھ موجود ہے۔

آپ کہنا کہنا درست ہے یہ رباعی پی ٹی وی کے ابتدائی دور میں کئی بار جوش نے پڑھی اور اس وقت سے زد زبان عام ہے

 

[محمد تابش صدیقی]

ثبات و صبر، رضائے خدا، وفا کیشی
نظرؔ یہ چار ہیں اجزائے ارمغانِ حسینؓ
نظرؔ لکھنوی

 

[محمد عدنان اکبری نقیبی]

کسی شہید کا خوں رائیگاں نہیں جانا
جہانِ نو کے یزیدو سنو پیامِ حسینؓ
شکیب جلالی