زندگی

[مغزل]

نقوی صاحب، اردو میں زحمت کیجے ناں ۔۔

 

[راجہ صاحب]

نہیں مانگا تھا میں زندگی بھر کے لئے اس کو
مگر دو گام چل کر ہی وہ ناتا توڑ بیٹھا ہے

 

[شمشاد]

عشق سے پیدا نوائے زندگی میں زیر و بم
عشق سے مٹی کی تصویروں میں سوزِد مبدم
(علامہ)

 

[نوید صادق]

ہر طرف ہیں موت کی پرچھائیاں
زندگی لے کس طرح انگڑائیاں

(خرم شہزاد خرم)

 

[کاشفی]

زندہ ہوں اس طرح کہ غمِ زندگی نہیں
جلتا ہوا دِیا ہوں مگر روشنی نہیں
(بہزاد لکھنوی)

 

[شمشاد]

ترے آستاں سے جدا ہوا تو سکونِ دل نہ مجھے ملا
مری زندگی کے نصیب میں جو رہی تو دربدری رہی
(سید نصیر الدین نصیر)

 

[کاشفی]

اک معمہ ہے سمجھنے کا نہ سمجھانے کا
زندگی کاہے کو ہے خواب ہے دیوانے کا
(فانی بدایونی)

 

[شمشاد]

تیری نگہ سے تجھ کو خبر ہے کہ کیا ہوا
دل زندگی سے بارِ دگر آشنا ہوا
(قیوم نظر)

 

[کاشفی]

جو زندگی کے لیئے زہر بھی ہے، امرت بھی
بڑے ریاض سے وہ تلخیء حیات ملی
(احتشام حسین احتشام)

 

[شمشاد]

منتِ حضرتِ عیسیٰ نہ اٹھائیں گے کبھی
زندگی کے لیے شرمندہء احساں ہوں گے؟
(مومن)

 

[کاشفی]

زندگی جس سے عبارت ہے سو وہ زیست کہاں
یوں تو کہنے کے لئیے کہہ دے کہ ہاں جیتے ہیں
(خواجہ میر درد)

 

[راجہ صاحب]

غمِ زندگی غم بندگی غم دو جھاں غم جاوداں
میری ھر نظر تیری منتظر تیری ھر نظر میرا امتحاں

اقبال

 

[شمشاد]

اسی کشمکش میں گزریں مری زندگی کی راتیں
کبھی سوز و سازِ رومی، کبھی پیچ و تابِ رازی
(علامہ)

 

[راجہ صاحب]

تنگ آ چکے ہیں کشمکشِ زندگی سے ہم
ٹھکرا نہ دیں جہاں کو کہیں‌ بے دلی سے ہم


ساحر

 

[شمشاد]

وہی درد جو بھی کسک بنا، اسے تیرے نام لگا دیا
اسی طور ہم نے تلاش کی ہیں یہ زندگی کی مُسرتیں
(نزہت عباسی)

 

[راجہ صاحب]

کثرت آرائ خیالِ ما سوا کی وہم تھی
مرگ پر غافل گمانِ زندگی کرتے رہے

غالب

 

[شمشاد]

میں زندگی کے ہر اک مرحلے سے گزرا ہوں
کبھی میں خار بنا اور کبھی گلاب ہوا
(سعد اللہ شاہ)

 

[راجہ صاحب]

ترے وعدے پر ستمگر، ابھی اور صبر کرتے
اگر اپنی زندگی کا ہمیں اعتبار ہوتا

داغ

 

[شمشاد]

جو زندگی کے سارے دُکھ درد بانٹتا تھا
اس سائے سے صفی اب محروم ہو چکا ہے
(عتیق الرحمٰن صفی)

 

[راجہ صاحب]

زندگی کو کوئی جانے بھی تو جانے کیسے
اِس کہانی میں تو کردار بہت ملتے ہیں