خوب! ترجمہ درست ہے۔
لفظی ترجمہ تو یہی ہے، لیکن اگر اِس کا اردو ترجمہ 'چائے خانہ مسجد کے پہلو میں تھا' کیا جائے تو بہتر ہے۔ گویندہ کی طرف سے 'بود' کی بجائے 'بودهاست' استعمال کیے جانے سے یہ معلوم ہو رہا ہے کہ گویندے کو اِس بات پر ذرا شک ہے یا پھر اُسے یہ چیز کسی دیگر شخص سے یا شواہد کی بنیاد پر معلوم ہوئی ہے۔
گلِ مراد کو تو اپنی آغوش میں ڈھونڈتا ہے۔
'یافتن' ڈھونڈنے اور تلاش کرنے کے معنی میں نہیں بلکہ حاصل کر لینے، ڈھونڈ نکالنے، دستیاب کر لینے یا کسی چیز کے مل جانے کے معنوں میں استعمال ہوتا ہے۔ بہ علاوہ، میں نے آپ کو ایک بار بتایا تھا کہ فارسی میں مضارع اور می + مضارع سے مستقبل کے معنی بھی مراد لیے جا سکتے ہیں۔ بیتِ مذکور میں بھی 'مییابی' مستقبل کے معنی میں استعمال ہوا ہے۔
خوب! آپ نے بہت حد تک مفہوم درستی سے بیان کر دیا ہے۔ میں شادمان ہوں کہ اب آپ شاہنامۂ فردوسی کی زبان و اسلوب بھی سمجھنے لگے ہیں۔ ماشاءاللہ!
آپ کے ان کلماتِ پُر مہر و الفت کا تہِ دل سے سپاس گزار ہوں۔ہمیشہ شاد باشید۔
میں تو آپ کی دی گئی مشقوں کے لئے ہمیشہ بےچین ہوتا ہوں۔اس سے فارسی شاعری کے ان اسالیب سے آگاہی کا موقع ملتا ہے جو میری نظر سے نہیں گزریں یا جن پر نگاہ نہیں کیا۔
بہت بہت شکریہ!
آدِینه
ماوراءالنہر میں 'نہر' سے دریائے آمو (جیحون) مراد ہے جو افغانستان اور تاجکستان کی سرحد پر بہتا ہے۔ مسلم جغرافیہ میں اِس دریا کے اُس طرف کی سرزمین کو 'ماوراءالنہر' کا نام دیا گیا تھا۔ موجودہ تاجکستان اور ازبکستان اُس خطّے میں واقع ہیں، اور سمرقند و بخارا وہاں کے سیاسی، دینی، ادبی و ثقافتی مراکز رہے ہیں۔
تشکرماوراءالنہر میں 'نہر' سے دریائے آمو (جیحون) مراد ہے جو افغانستان اور تاجکستان کی سرحد پر بہتا ہے۔ مسلم جغرافیہ میں اِس دریا کے اُس طرف کی سرزمین کو 'ماوراءالنہر' کا نام دیا گیا تھا۔ موجودہ تاجکستان اور ازبکستان اُس خطّے میں واقع ہیں، اور سمرقند و بخارا وہاں کے سیاسی، دینی، ادبی و ثقافتی مراکز رہے ہیں۔
فُرات اور دجلہ کے مابین کی سرزمین کو 'بین النہرین' کہتے ہیں۔
'کردن میخواستند' ماوراءالنہری محاورہ ہے۔ لیکن معلوم ہونا چاہیے کہ عصرِ حاضر کی نَوِشتاری ماوراءالنہری فارسی میں اِس کی بجائے ایرانی فارسی ہی کی طرح 'میخواستند بکنند' کے نحو کو ترجیح دی جاتی ہے، اور 'کردن میخواستند' وغیرہ کو عامیانہ اور گفتاری تصور کیا جانے لگا ہے۔
مردُمِ ایران 'استی' کی بجائے 'هستی' استعمال کرتے۔