روشن صبح

[جاسمن]

122 تعلیمی ادارے پشاور اسکول کے ہلاک شدگان کے ناموں سے منسوب
وزیراعظم نے کہا کہ پشاور کے آرمی پبلک اسکول میں ہلاک ہونے والوں کو یاد رکھنا ملک کی بقا کے لیے ضروری ہے۔ وزیراعظم کا کہنا تھا کہ وہ معصوم بچے روشنی کی بنیاد بنے۔

15.12.2015

پاکستان کے وزیراعظم نواز شریف نے وفاقی دارالحکومت اسلام آباد کے 122 تعلیمی اداروں کو پشاور کے آرمی پبلک اسکول پر حملے میں ہلاک ہونے والوں کے ناموں سے منسوب کرنے کی منظوری دی ہے۔

گزشتہ سال 16 دسمبر کو پشاور میں آرمی پبلک اسکول پر حملے میں لگ بھگ 150 افراد ہلاک ہوئے جن میں اکثریت طالب علموں کی تھی۔

اس سانحہ کو بدھ کو ایک سال مکمل ہو رہا ہے۔

وزیراعظم نواز شریف کے دفتر سے جاری ہونے والے ایک بیان کے مطابق اسلام آباد کے اسکولوں اور کالجوں کو حملے میں ہلاک ہونے والوں کے ناموں سے منسوب کرنے کا مقصد معاشرے سے انتہاپسندی اور عدم برداشت کے رویے کا خاتمہ ہے۔


وزیراعظم نے کہا کہ ملک کے دشمن پاکستان میں نفرت اور عدم برداشت پھیلانا چاہتے ہیں لیکن اُنھیں ایسا کرنے کی اجازت نہیں دی جائے گی۔

اُن کا کہنا تھا کہ تعلیم اور علم پھیلانے کے ساتھ ساتھ دہشت گردی کے خلاف جنگ جاری رہے گی۔

واضح رہے کہ خیبر پختونخواہ کی صوبائی حکومت نے 16 دسمبر کو سرکاری طور پر منانے کا اعلان کیا ہے جب کہ پشاور کے آرمی پبلک اسکول پر حملے میں ہلاک والوں سے اظہار یکجہتی کے لیے پاکستانی پارلیمان میں بھی قرار دادیں منظور کی گئیں۔

http://www.urduvoa.com/content/pakistan-named-122-school-after-aps-students-names/3103353.html

 

[جاسمن]

'برادرانہ چائے کا کپ'، فرانس کی مساجد نے دروازے کھول دیے
گروپ کے سربراہ نے اخباری نمائندوں کو بتاہا کہ مساجد نے شہریوں کو 'عام مسلمانوں' سے ملنے کی دعوت دی ہے، تاکہ وہ تواضح کی محافل، ورکشاپس کی تقاریب اور گفتگو میں شرکت کریں، یا پھر پانچ میں سے کسی بھی نماز کی ادائگی کے دوران شریک ہو سکیں

09.01.2016

واشنگٹن—
فرانس کی سینکڑوں مساجد نے ہفتے اور اتوار کو عام لوگوں کے لیے اپنے دروازے کھولے رکھنے کا اعلان کیا ہے، تاکہ غیر مسلمانوں کو اپنی ثقافت سے آگاہ کر سکیں، ایسے وقت جب اسلامی انتہا پسندانہ حملوں کے نتیجے میں اُن کے عقیدے کے بارے میں منفی تاثر پھیل رہا ہے۔

اِس مہم میں فرانس کی تمام 2500 مساجد شریک نہیں ہیں، جن میں سب سے زیادہ معروف پیرس کی جامع مسجد ہے۔ اس سعی کی حمایت ملک کی سرکردہ مسلمان تنظیم، 'فرینچ کونسل آف مسلم فیتھ' کر رہی ہے۔

گروپ کے سربراہ، انوار قبیش نے اخباری نمائندوں کو بتاہا ہے کہ مساجد نے شہریوں کو 'عام مسلمانوں' سے ملنے کی دعوت دی ہے، تاکہ وہ تواضح کی محافل، ورکشاپس کی تقاریب اور گفتگو میں شریک ہو سکیں، یا پھر پانچ میں سے کسی بھی نماز کی ادائگی کے دوران شریک ہو سکیں۔

ایسی تقاریب کو 'برادرانہ چائے کا کپ' کہا جاتا ہے۔ اس کا آغاز مزاحیہ رسالے 'چارلی ہیبڈو' پر ہونے والے دہشت گرد حملوں کی پہلی برسی کے موقع پر کیا گیا، جو 7 جنوری سے 11 جنوری تک منائی جارہی ہے۔
http://www.urduvoa.com/content/brotherly-cup-of-tea-french-mosques/3138228.html

 

[جاسمن]

کراچی میوزیم: 350 سال پرانے پتھروں سے نیا دروازہ تعمیر
”کراچی میوزیم کا مرکزی گیٹ شاہ جہاں مسجد کے ساڑھے تین سو سال قدیم پتھروں سے صرف آٹھ ماہ کی مختصر مدت میں تعمیر کیا گیا ہے۔ اگلے مرحلے میں پکا قلعہ اورقلعہ رنی کوٹ کو بحال کیا جائے گا۔ ان اقدامات کا مقصد ثقافت کو فروغ دینا ہے۔ “.....شرمیلا فاروقی

وسیم صدیقی
14.01.2016

کراچی —
صوبہٴ سندھ کے محکمہٴ ثقافت نے نیشنل میوزیم کراچی کو ’انمول‘ بنا دیا ہے۔ٹھٹھہ کی تاریخی شاہ جہاں مسجد کے 350 سال قدیم پتھروں کو کراچی منتقل کرکے میوزیم کے داخلی دروازے پر بالکل ویسا ہی دروازہ تعمیر کردیا گیا ہے جیسا شاہ جہاں نے مسجد کی تعمیر کے وقت تعمیر کرایا تھا۔ وہی رنگ و روپ، وہی مخصوص مغلیہ دور کا طرز تعمیر۔

محکمہٴ ثقافت کا یہ اقدام واقعی قابل ستائش اور انمول ہے۔ اس سے صوبے کی ثقافت کو فروغ ملے گا اور نئی نسل کو اسے سمجھنے اور دیکھنے کا قیمتی موقع۔

وزیر اعلیٰ سندھ سید قائم علی شاہ کی معاون خصوصی برائے ثقافت و سیاحت شرمیلا فاروقی جنہوں نے باقاعدہ اس دروازے کا افتتاح کیا۔

تاریخی جامع مسجد شاہ جہاں، ٹھٹھہ
نام سے بھی ظاہر ہے کہ یہ مسجد مشہور مغل بادشاہ شاہجہاں نے 1054 ہجری بمطابق 1647 عیسوی میں تعمیر کرائی تھی۔تاریخی حوالوں کے مطابق مسجد کی تعمیر پر9 لاکھ شاہجہانی روپے خرچ ہوئے جو شاہی خزانے سے ادا کیے گئے تھے۔

مسجد کی بنیادیں 12تا 15 فٹ گہری ہیں جو پہاڑی پتھروں پر مشتمل ہیں۔ مسجد کے پانچ دروازے ہیں جن میں ایک مرکزی دروازہ اور دو چھوٹے دروازے اطراف میں ہیں جبکہ ایک ایک دروازہ شمالی اور جنوبی دیواروں کے وسط میں ہے۔

مسجد میں چھوٹے بڑے 100گنبد ہیں جن میں6 بڑے اور باقی چھوٹے ہیں۔ کل 94 ستون ہیں۔ یہاں ایک وقت میں 20 ہزار افراد نماز ادا کرسکتے ہیں۔


مسجد کے گنبدوں کو اس طرح ترتیب دیا گیا ہے کہ خطیب و امام کی تلاوت و خطبہ بغیر کسی صوتی آلے کے پوری مسجد میں صاف سنائی دیتی ہے۔مسجد میں ہوا کی آمد ورفت کا انتظام اس طرح رکھا گیا ہے کہ پوری مسجد میں کہیں ہوا کی کمی کا احساس نہیں ہوتا۔

اپنی اہمیت کے باعث یہ مسجد 1993ء سے یونیسکو کے عالمی ثقافتی ورثے کی عبوری فہرست میں شامل ہے۔
http://www.urduvoa.com/content/national-museum-enterence-gate-inaugurated/3145747.html

 

[جاسمن]

امریکہ کئی مسلم ممالک کی نسبت اسلامی طرز زندگی کے زیادہ قریب: مسلم رہنما​

مسلمانوں کا کہنا ہے کہ وہ امریکہ میں ایسا محسوس کرتے ہیں جیسے وہ اپنے گھر میں ہیں اور اس کی ایک وجہ یہ ہے کہ ان کے لیے جمہوریت کوئی غیر مانوس چیز نہیں۔ مسلمان عالم دین فیصل رؤف کہتے ہیں کہ اسلامی قانون جمہوری اصولوں پر بنا ہے۔​

• 
  
  

​

​

• ​
• 
  
  ​

​

14.01.2016
دسمبر 2015 کے اوائل میں مسلمان اور ان کے عقائد امریکی صدارتی انتخاب کی مہم کا سب سے گرم اور منقسم کرنے والا موضوع بن گیا۔
ریپبلکن پارٹی کے صف اول کے امیدوار ڈونلڈ ٹرمپ نے مسلمانوں کے بارے میں اپنا مؤقف بالکل واضح کرتے ہوئے اعلان کیا کہ ’’ڈونلد جے ٹرمپ مسلمانوں کے امریکہ داخلے پر مکمل پابندی کا مطالبہ کرتا ہے۔’’
ٹرمپ نے 9/11 کے دہشت گرد حملوں کا مختصر تذکرہ کرنے کے بعد کہا کہ مسلمان امریکہ کے خلاف جہاد کرنا چاہتے ہیں۔ ’’ہمارے پاس اس کے علاوہ کوئی اور راستہ نہیں۔‘‘
ان کے مؤقف سے ریپبلکن پارٹی کے اندر ایک لہر پیدا ہوئی جس نے امریکی مسلمانوں سمیت مسلم دنیا کے بارے میں پارٹی کی رائے کو تقسیم کر دیا اور ڈیموکریٹک پارٹی کے اراکین کو بھی ناراض کیا۔
اس مطالبے کے ایک ماہ بعد تک صدر اوباما اس کے خلاف بولتے رہے۔ منگل کو اسٹیٹ آف دی یونین خطاب میں اوباما نے کہا کہ ’’جب سیاستدان مسلمانوں کی توہین کرتے ہیں ۔۔۔ اس سے ہم زیادہ محفوظ نہیں ہو جاتے۔ یہ بالکل غلط ہے۔‘‘
مگر اس تنازع کی زد میں آئے مسلمان کیا کہتے ہیں؟
مسلمانوں کا کہنا ہے کہ وہ امریکہ میں ایسا محسوس کرتے ہیں جیسے وہ اپنے گھر میں ہیں اور اس کی ایک وجہ یہ ہے کہ ان کے لیے جمہوریت کوئی غیر مانوس چیز نہیں۔ مسلمان عالم دین فیصل رؤف کہتے ہیں کہ اسلامی قانون جمہوری اصولوں پر بنا ہے۔
انہوں نے وائس آف امریکہ کو بتایا کہ ’’(امریکی) آزادی کا اعلامیہ اسلامی قانون کے مقاصد سے بالکل مطابقت رکھتا ہے۔ ہمارے حاکموں کو الیکشن کے ذریعے عوام سے قانونی جواز حاصل کرنا ہوتا۔ یہ سب طریقے اسلامی قانون کے عین مطابق ہیں۔‘‘
فیصل اسلام کے مغربی ممالک سے تعلقات کو بہتر بنانے اور جدت کو فروغ دینے کے لیے کام کرنے والی تنظیم ’کورڈوبا انیشی ایٹیو‘ کے بانی ہیں، اپنی نئی کتاب ’ڈیفائننگ اسلامک سٹیٹ ہڈ‘ میں وہ عصر حاضر میں امریکہ میں مسلمانوں کی زندگی کے بارے میں بات کرتے ہیں۔
’’بہت سے مسلمان یہ محسوس کرتے ہیں کہ ان کے لیے امریکہ میں رہنا ان ممالک کی نسبت جہاں سے وہ آئے ہیں، اسلامی طرز زندگی سے زیادہ مطابقت رکھتا ہے اور میں خود اس مؤقف سے اتفاق کرتا ہوں۔‘‘ فیصل امریکہ میں پیدا ہوئے اور پلے بڑھے۔
ان کی کتاب چھ سالہ تحقیق پر مشتمل ہے جس میں دنیا بھر سے مسلم علمائے دین اور رہنماؤں سے رائے حاصل کی گئی۔ ان کا اس بات پر اتفاق تھا کہ اسلام کے چھ بنیادی مقاصد ہیں یعنی جان، عزت، مال، خاندان، دانش اور مذہب کی حفاظت، جو تمام امریکی طرز زندگی سے مطابقت رکھتے ہیں۔
نیو جرسی میں ایک نوجوان مسلم رہنما محمود محمود مقامی برادری کے ساتھ کام کرتے ہیں۔ وہ امریکہ میں مسلمانوں اور غیر مسلموں کے ساتھ اچھے تعلقات پر مکمل یقین رکھتے ہیں اور فیصل کی بات سے متفق ہیں۔ ’’امریکہ کی طرز زندگی مسلمان ملکوں کی نسبت زیادہ اسلامی ہے۔‘‘
’’آپ مسلم ممالک میں ہر جگہ اقربا پروری دیکھتے ہیں۔ بدعنوانی، عورتوں سے بدسلوکی، غریبوں کی حقوق تلفی، سماجی انصاف کی کمی اور غربت ہر جگہ ہے۔ اگر آپ امریکہ میں ان مسائل کو دیکھیں تو یہاں لوگ اینی رائے کا کھل کر اظہار کر سکتے ہیں۔‘‘
امریکہ جس طرح بدعنوانی اور دیگر مسائل کو ختم کرنے کی کوشش کرتا ہے محمود کے خیال میں یہ بہت مذہبی بات ہے۔ ’’یہ سب بنیادی اقدار ہیں جو ہر مذہب کا حصہ ہیں۔ اگر آپ ہمسایوں کا خیال رکھنے اور غریبوں کا خیال رکھنے کی بات کریں تو میں بہت سی باتوں سے اتفاق کرتا ہوں کہ ایسا ہونا چاہیئے۔‘‘
فیصل کا کہنا ہے کہ امریکہ اور مسلم دینا کو ایک دوسرے سے علیحدہ نہیں کیا جا سکتا۔ ’’دیکھیں، امریکہ کے مسلم دنیا میں وسیع مفادات ہیں۔ ہماری فوج عراق اور افغانستان میں ہے۔ ہمارے اڈے ترکی میں ہیں۔ ہمارے مسلم دنیا کے ساتھ تعلقات، ہماری وہاں موجودگی، ہم اسے علیحدہ نہیں کر سکتے۔ ہمارے اقتصادی مفادات ہیں۔‘‘
اس لیے فیصل کے بقول ڈونلڈ ٹرمپ کا مطالبہ قابل عمل نہیں۔
’’آپ یہ نہیں کہہ سکتے کہ آپ مسلمانوں کو یہاں نہیں آنے دیں گے۔ اگر آپ ایسا کرنے کی کوشش کریں گے تو آپ کو معلوم ہو گا کہ امریکہ کا مسلم دنیا کے ساتھ رشتہ کتنا گہرا ہے۔ ایسا کرنا ممکن ہی نہیں۔‘‘
​

 

[جاسمن]

بھارت میں مسلمان چھاگئے،ہندوﺅں کو پیچھے چھوڑ دیا
جمعہ‬‮ 15 جنوری‬‮ 2016

نئی دہلی(نیوزڈیسک)مسلمانوں کی تعداد ہندﺅں کے بعد سب سے زیادہ ،اگر یہ ہی صورتحال رہی تو آئندہ بیس سے تیس سال میں بھارت میں مسلمان چھاجائیںگے،دلچسپ امر یہ ہے کہ بھارت میں 2001کی مردم شماری کے مطابق مسلمان نوجوانوں کی تعداد ہندونوجوانوں سے زیادہ ہوچکی۔ 2001ء میں ہندوستان کی کل 45 فیصد آبادی میں نوجوان شامل تھے جن میں 44 فیصد ہندو، 52 فیصد مسلمان اور 35 فیصد جین تھے۔تاز ہ ترین مردم شماری کے صحیح اعداد و شمار سامنے نہ لانا بھی سوال اٹھارہاہے۔ بھارت میں ہونے والی مردم شماری کے بعد بھارتی حکومت پریشان ہوگئی۔بھارتی میڈیاکے مطابق بھارت میں بسنے والے اگر تمام مذاہب کی آبادی کو ملایا جائے تو یہاں رہنے والی 41 فیصد آبادی بیس سال کی عمر سے کم لوگوں کی ہے۔ 60 سال کی عمر سے اوپر کے لوگوں کی تعداد صرف 9 فیصد بنتی ہے۔ بیس سے پچیس سال کی عمر کے نوجوانوں کی تعداد آبادی کا 50 فیصد ہے۔ مردم شماری کے اعدادوشمار کے مطابق ہندوستان میں مختلف مذاہب کے بچوں کے تناسب میں کمی آئی ہے اور بزرگوں کی تعداد میں اضافہ دیکھنے کو ملا ہے۔ غور طلب ہے کہ 2001ء کی مردم شماری کے مقابلے میں نوجوان آبادی میں کمی آئی ہے۔ 2001ء میں ہندوستان کی کل 45 فیصد آبادی میں نوجوان شامل تھے جن میں 44 فیصد ہندو، 52 فیصد مسلمان اور 35 فیصد جین تھے۔ ان اعدودوشمار سے پتا چلتا ہے کہ ملک میں آبادی بڑھنے کی شرح میں کمی آئی ہے۔ سب سے زیادہ گرواٹ ہندو، عیسائی اور بدھ مت مذہب میں آئی ہے۔ اس کے بعد سکھوں اور جینوں میں یہ گراوٹ دیکھی گئی ہے۔ بتایا جا رہا ہے کہ ہندوستان میں بسنے والے مسلمان بزرگوں کی تعداد بہت کم ہے۔ مسلمانوں میں 60 یا اس سے زائد عمر کے افراد کی تعداد آبادی کا صرف چھ اعشاریہ چار فیصد ہے جو قومی اوسط سے کم ہے۔ 2001ء میں ان کی تعداد پانچ اعشاریہ آٹھ تھی۔ جین اور سکھ مذہب کے بزرگوں کی آبادی 12 فیصد ہے جو قومی اوسط سے 30 فیصد زیادہ ہے۔اس مردم شماری کے مطابق مسلمانوں کی تعداد ہندﺅں کے بعد سب سے زیادہ ہے۔
http://javedch.com/interesting-and-weird/2016/01/15/131059

 

[جاسمن]

پاکستان میں ٹرکوں پر بنے نقش و نگار دنیا بھر میں مقبول

بده‬‮ 13 جنوری‬‮ 2016 | ​

کراچی(نیوز ڈیسک)پاکستان میں ٹرکوں پر بنے نقش و نگار، ٹرک آرٹ کے نام سے دنیا بھر میں مقبول ہورہے ہیں۔آئی ایم کراچی مہم کے تحت اب یہی گل بوٹے شہر کی دیواروں، پلوں اور دیگر عوامی مقامات پر بنائے جارہے ہیں تاکہ دیدہ زیبی میں اضافہ ہوسکے۔شہر قائد میں آئی ایم کراچی مہم جاری ہے،دنیا کا مقبول ترین ٹرک آرٹ کارساز فلائی اوور کی دیواروں اور پلرزکو خوبصورت بنانے میں استعمال کیا جارہا ہے۔دنیا بھر میں ٹرک آرٹ کی مقبولیت میں ’پھول پتی‘ نامی تنظیم کا بھی اہم کردار ہے، جس کے ڈائریکٹر علی سلمان کا کہنا ہےکہ شہر کی دیواروں کوخوبصورت بنانے کا کام روزانہ کی بنیادپر جاری رہے گا۔فلائی اوور پر پینٹنگ کرنے والے آرٹسٹ کا کہناہے کہ ہر شخص اپنی ذمہ داری کو محسوس کرے تو شہر کا کونا کونا صاف ستھرا اور ماحول دوست بن سکتا ہے
http://javedch.com/interesting-and-weird/2016/01/13/130548

 

[سارہ خان]

پاکستان میں ٹرکوں پر بنے نقش و نگار دنیا بھر میں مقبول

بده‬‮ 13 جنوری‬‮ 2016 | ​

کراچی(نیوز ڈیسک)پاکستان میں ٹرکوں پر بنے نقش و نگار، ٹرک آرٹ کے نام سے دنیا بھر میں مقبول ہورہے ہیں۔آئی ایم کراچی مہم کے تحت اب یہی گل بوٹے شہر کی دیواروں، پلوں اور دیگر عوامی مقامات پر بنائے جارہے ہیں تاکہ دیدہ زیبی میں اضافہ ہوسکے۔شہر قائد میں آئی ایم کراچی مہم جاری ہے،دنیا کا مقبول ترین ٹرک آرٹ کارساز فلائی اوور کی دیواروں اور پلرزکو خوبصورت بنانے میں استعمال کیا جارہا ہے۔دنیا بھر میں ٹرک آرٹ کی مقبولیت میں ’پھول پتی‘ نامی تنظیم کا بھی اہم کردار ہے، جس کے ڈائریکٹر علی سلمان کا کہنا ہےکہ شہر کی دیواروں کوخوبصورت بنانے کا کام روزانہ کی بنیادپر جاری رہے گا۔فلائی اوور پر پینٹنگ کرنے والے آرٹسٹ کا کہناہے کہ ہر شخص اپنی ذمہ داری کو محسوس کرے تو شہر کا کونا کونا صاف ستھرا اور ماحول دوست بن سکتا ہے
http://javedch.com/interesting-and-weird/2016/01/13/130548

ٹرکوں پر بہ چبھتے ہوئے تیز رنگ استعمال ہوتے ہیں ۔۔ دیواروں پر رنگ کچھ ہلکے رکھنے چاہییں ۔۔۔

 

[زیک]

بھارت میں مسلمان چھاگئے،ہندوﺅں کو پیچھے چھوڑ دیا
جمعہ‬‮ 15 جنوری‬‮ 2016

نئی دہلی(نیوزڈیسک)مسلمانوں کی تعداد ہندﺅں کے بعد سب سے زیادہ ،اگر یہ ہی صورتحال رہی تو آئندہ بیس سے تیس سال میں بھارت میں مسلمان چھاجائیںگے،دلچسپ امر یہ ہے کہ بھارت میں 2001کی مردم شماری کے مطابق مسلمان نوجوانوں کی تعداد ہندونوجوانوں سے زیادہ ہوچکی۔ 2001ء میں ہندوستان کی کل 45 فیصد آبادی میں نوجوان شامل تھے جن میں 44 فیصد ہندو، 52 فیصد مسلمان اور 35 فیصد جین تھے۔تاز ہ ترین مردم شماری کے صحیح اعداد و شمار سامنے نہ لانا بھی سوال اٹھارہاہے۔ بھارت میں ہونے والی مردم شماری کے بعد بھارتی حکومت پریشان ہوگئی۔بھارتی میڈیاکے مطابق بھارت میں بسنے والے اگر تمام مذاہب کی آبادی کو ملایا جائے تو یہاں رہنے والی 41 فیصد آبادی بیس سال کی عمر سے کم لوگوں کی ہے۔ 60 سال کی عمر سے اوپر کے لوگوں کی تعداد صرف 9 فیصد بنتی ہے۔ بیس سے پچیس سال کی عمر کے نوجوانوں کی تعداد آبادی کا 50 فیصد ہے۔ مردم شماری کے اعدادوشمار کے مطابق ہندوستان میں مختلف مذاہب کے بچوں کے تناسب میں کمی آئی ہے اور بزرگوں کی تعداد میں اضافہ دیکھنے کو ملا ہے۔ غور طلب ہے کہ 2001ء کی مردم شماری کے مقابلے میں نوجوان آبادی میں کمی آئی ہے۔ 2001ء میں ہندوستان کی کل 45 فیصد آبادی میں نوجوان شامل تھے جن میں 44 فیصد ہندو، 52 فیصد مسلمان اور 35 فیصد جین تھے۔ ان اعدودوشمار سے پتا چلتا ہے کہ ملک میں آبادی بڑھنے کی شرح میں کمی آئی ہے۔ سب سے زیادہ گرواٹ ہندو، عیسائی اور بدھ مت مذہب میں آئی ہے۔ اس کے بعد سکھوں اور جینوں میں یہ گراوٹ دیکھی گئی ہے۔ بتایا جا رہا ہے کہ ہندوستان میں بسنے والے مسلمان بزرگوں کی تعداد بہت کم ہے۔ مسلمانوں میں 60 یا اس سے زائد عمر کے افراد کی تعداد آبادی کا صرف چھ اعشاریہ چار فیصد ہے جو قومی اوسط سے کم ہے۔ 2001ء میں ان کی تعداد پانچ اعشاریہ آٹھ تھی۔ جین اور سکھ مذہب کے بزرگوں کی آبادی 12 فیصد ہے جو قومی اوسط سے 30 فیصد زیادہ ہے۔اس مردم شماری کے مطابق مسلمانوں کی تعداد ہندﺅں کے بعد سب سے زیادہ ہے۔
http://javedch.com/interesting-and-weird/2016/01/15/131059

یہ اعداد و شمار بالکل غلط ہیں۔ اگر 45 فیصد نوجوان ہیں اور اس کا 52 فیصد مسلمان ہیں تو کل آبادی کا 23 فیصد مسلمان نوجوان ہوئے جو کہ صریحاً غلط ہے

 

[جاسمن]

ایشیا کپ بلائنڈ ٹی ٹوئنٹی،پاکستان کی ہندوستان کو شکست



کوچی: پاکستان نے ایشیا کپ بلائنڈ ٹی ٹوئنٹی کپ میں ہندوستان کو 19 رنز سے شکست دے کر گروپ میں مسلسل دوسری کامیابی حاصل کرلی۔

ہندوستان کے شہر کوچی میں کھیلے گئے میچ میں ٹاس ہندوستان نے جیتا اور پاکستان کو پہلے بیٹنگ کی دعوت دی۔

پاکستان نے بدر منیر اور نثار علی کی شاندار نصف سنچریوں کی مدد سے مقررہ 20 اوورز میں9 وکٹوں کے نقصان پر191 رنز بنائے۔

ہندوستان کی جانب سے اجیت ریڈی اور شکرام ماجی نے ایک ایک وکٹ حاصل کیں۔

ہدف کے تعاقب میں ہندوستان کے ابتدائی بلے بازوں نے پراعتماد آغاز فراہم کیا لیکن پوری ٹیم 6 وکٹوں کے نقصان پر 172 رنز بنا سکی۔

ہندوستان کے پرکاش نے 75 رنز بنائے جبکہ پاکستان کی جانب سے انیس جاوید نے 2 وکٹیں حاصل کیں۔

پاکستان نے پہلے میچ میں نیپال کو9 وکٹوں سے شکست دے کر گروپ میں پہلی کامیابی حاصل کی تھی۔

پاکستان اپنا اگلا میچ جمعرات کو سری لنکا کے خلاف کھیلے گا۔
http://www.dawnnews.tv/news/1032311/

 

[جاسمن]

پروفیسر حامد کے دہشت گردوں سے مقابلے کی داستان

اسسٹنٹ پروفیسر سید حامد حسین— ڈان نیوز فوٹو​

چارسدہ: باچا خان یونیورسٹی حملے میں اپنے شاگردوں کو بچانے کی کوشش میں جان قربان کرنے والے کیمسٹری کے استاد کو 'شہید' اور 'جنٹلمین' جیسے القاب کے ذریعے خراج عقیدت پیش کیا جا رہا ہے۔
بدھ کی صبح جب طالبان نے حملہ کیا تو یونیورسٹی میں کیمسٹری کے اسسٹنٹ پروفیسر سید حامد حسین نے اپنے شاگردوں کوکمرے میں ہی رہنے کا حکم دیا۔
ان کے طالبعلموں نے بتایا کہ حامد حسین نے کیسے موقت سے قبل طالبان کو فائرنگ کے ذریعے مصروف رکھا جس کی وجہ سے انہیں جان بچانے کے لیے وقت ملا۔
ایک طالب علم نے رپورٹرز کو بتایا کہ انہوں نے تین دہشت گردوں کو 'اللہ اکبر' کے نعرے بلند کرتے ہوئے اپنے ڈیپارٹمنٹ کی سیڑیوں کی جانب بڑھتے دیکھا۔ 'ایک طالب علم نے کھڑکی سے کمرے سے باہر چھلانگ لگا دی۔ ہم نے اسے پھر اٹھتے نہیں دیکھا ۔'
طالبعلم نے بتایا کہ اس نے حامد حسین کو پستول اٹھائے دہشت گردوں پر فائرنگ کرتے ہوئے دیکھا۔ اس کا کہنا تھا کہ 'پھر وہ (حامد حسین) نیچے گر گئے اور دہشت گرد جیسے ہی(رجسٹرار) آفس میں داخل ہوئے ہم وہاں سے بھاگ گئے۔'
جیولوجی کے طالب علم ظہور احمد نے بتایا کہ جیسے ہی پہلی گولی چلنے کی آواز آئی تو حامد حسین نے اسے کمرے سے باہر نکلنے سے منع کیا ۔
طالبعلم کے مطابق اس نے حامد حسین کو گولی لگتے ہوئے اور دو دہشت گردوں کو فائرنگ کرتے ہوئے دیکھا۔ 'میں اندر بھاگا اور پھر پیچھے کی دیوار کو عبور کرتے ہوئے بھاگنے میں کامیاب ہوا۔'
سوشیالوجی کے ایک طالبعلم نے حامد حسین کو 'قابل قدر اور بڑا انسان 'قرار دیتے ہوئے خبر رساں ادارے اے ایف پی کو بتایا کہ دہشت گردوں نے براہ راست ان پر فائرنگ کی ۔
پروفیسر حامد حسین کو ٹوئٹر پر بھی بڑے پیمانے پر خراج عقیدت پیش کیا گیا اور صحافی اور استاد رضا احمد رومی نے ایک ٹوئیٹ میں پروفیسر حامد کو 'شہید تعلیم' قرار دیا۔
[FONT=NafeesWebNaskhRegular, sans-serif]http://www.dawnnews.tv/news/1032314/[/FONT]

 

[جاسمن]

چارسدہ کا ہیرو،بہادر ڈرائیور کی حاضر دماغی نے سینکڑوں طالبات کی جانیں بچالیں
21 جنوری 2016

چارسدہ (مانیٹرنگ ڈیسک)چارسدہ کا ہیرو بہادر ڈرائیور جس کی حاضر دماغی نے سینکڑوں طالبات کی جانیں بچا لیں ۔ ایکسپریس نیوز نے یونیورسٹی انتظامیہ کے حوالے سے بتایا ہے کہ بس سٹینڈ پر ڈرائیور حضرات موجود تھے کہ دہشتگردوں نے یونیورسٹی پر حملہ کر دیا اس دوران دہشتگردوں نے گارڈ پر فائرنگ کی جسے پہلی گولی کندھے میں لگی ۔ یونیورسٹی انتظامیہ نے بتایاکہ ڈرائیور اکرام نے جیسے ہی فائرنگ کی آواز سنی اوراور سکیورٹی گارڈ کو گرتے دیکھا تو وہ فوری طور پر گرلز ہاسٹل کی جانب بھاگا اور طالبات کو حملے سے باخبر کیا اور فوری طور پر انہیں یہاں سے نکلے کی ہدایت کی ۔ یونیورسٹی انتظامیہ کا کہنا ہے کہ ڈرائیور اکرام کی بہادری اور حاضر دماغی نے سینکڑوں طالبات کی جانیں بچالیں اور یوں گرلز ہاسٹل میں کوئی شہادت نہیں ہوئی ۔ بتایا گیا کہ طالبات کا یونیورسٹی سے نکلنے میں کامیاب ہونا ڈرائیور اکرام کی بہادری کی وجہ سے ممکن ہوا ۔

http://dailypakistan.com.pk/front-page/21-Jan-2016/323320

 

[جاسمن]

سٹاک ایکسچینج میں نئے شیئرز کا اجرا فارم انگریزی کے ساتھ اردو میں بھی ہو گا
21 جنوری 2016

کراچی(اکنامک رپورٹر) پاکستان اسٹاک ایکسچینج میں نئے شیئرز کا اجرا فارم اب انگریزی کے ساتھ اردو میں بھی ہو گا ،سیکیوریٹیز اینڈ ایکسچینج کمیشن آف پاکستان(ایس ای سی پی) نے نوٹس جاری کر دیا ہے ۔ایس ای سی پی کے جاری اعلامیہ کے مطابق سرمایہ کاروں کے سہولت کے لئے پاکستان اسٹاک ایکسچینج میں نئی کمپنیوں کے شیئرز کے اجرا کا فارم اب اردو میں بھی جاری کیا جائے گا جبکہ کمپنیاں تمام نوٹسز بھی انگریزی کے ساتھ ساتھ اردو زبان میں بھی جاری کرنے کی پابند ہونگی ۔ایس ای سی پی کے مطابق کمپنیاں انگریزی سے اردو زبان میں ترجمہ کرتے وقت اس بات کا خیال رکھیں کہ کسی جملے کا مطلب تبدیل نہ ہو اگر کسی لفظ کے اردو ترجمے میں مشکل ہو اور وہ انگریزی میں ہی عام فہم ہو اس صورت میں اسے انگریزی میں ہی لکھ دیا جائے ۔ایس ای سی پی کے مطابق نئے شیئرز کا اجرا فارم اب اردو میں بھی ہو گا اور تمام نوٹسز اردو زبان میں بھی جاری کیے جائیں گے۔
یہ فیصلہ عوام کی سہولت کے لئے کیا گیا ہے اور ترجمے کے دوران کسی بات کا مطلب تبدیل نہیں ہونا چاہئے جبکہ انگریزی کے عام فہم الفاظ کا اردومیں ترجمہ ضروی نہیں ہے۔
http://dailypakistan.com.pk/commerce/21-Jan-2016/323216

 

[جاسمن]

پاکستان میں آئندہ ماہ پیٹرولیم مصنوعات 14 روپے لیٹر سستی ہونے کا امکان
21 جنوری 2016

کراچی(این این آئی)عرب لائٹ خام تیل کی عالمی قیمتیں کریش کرگئیں، پاکستان میں اگلے ماہ پیٹرولیم مصنوعات 14 روپے فی لیٹر تک سستی ہونے کا امکان پیدا ہوگیا ہے۔عالمی منڈی میں عرب لائٹ خام تیل کی قیمتیں ساڑھے 23ڈالر فی بیرل تک کریش کرگئیں، پاکستان میں یکم فروری سے پیٹرول 10روپے، مٹی کا تیل اور ڈیزل 14روپے فی لٹر تک سستا ہونے کا امکان ہے، پاکستان اپنی پیٹرولیم مصنوعات عرب لائٹ خام تیل سے بناتا ہے۔
انڈسٹری ذرائع کا کہنا ہے کہ عرب لائٹ کے عالمی نرخ 23 ڈالر 44 سینٹس فی بیرل تک گرگئے ہیں جس کے باعث اگلے ماہ پاکستان میں پیٹرولیم مصنوعات کی قیمتوں میں زبردست کمی متوقع ہے۔نرخوں میں رد و بدل کا حتمی فیصلہ 26 جنوری تک درآمدی خام تیل کی قیمتوں کے حساب سے کیا جائے گا۔
http://dailypakistan.com.pk/commerce/21-Jan-2016/323222

 

[جاسمن]

پاکستان کا وہ سبزی فروش جو رات کو اپنی دکان کھلی چھوڑ جاتا ہے، ایسا کیوں کرتا ہے اور کبھی کسی نے چوری کیوں نہ کی؟ وجہ جان کر آپ کو بھی پاکستانیوں پر بے حد فخر ہوگا




'http://dailypakistan.com.pk/daily-bites/18-Jan-2016/321875

لاہور(مانیٹرنگ ڈیسک) سعودی عرب جیسے ممالک کے متعلق آپ نے سن رکھا ہو گا کہ وہاں دکاندار نماز کے اوقات میں اپنی دکانیں کھلی چھوڑ کے چلے جاتے ہیں۔ یہ بات اچنبھے کی نہیں، اللہ پر بھروسہ ہو تو یہ کام پاکستان میں بھی ہو سکتا ہے اور لاہور کے اس شخص نے کرکے بھی دکھا دیا ہے۔ اس شخص کا نام محمد حبیب ہے اور اس کی گلبرک کی مین مارکیٹ میں سبزیوں کی دکان ہے۔ سعودی عرب والے تو محض نماز کے اوقات میں دکان کھلی چھوڑ کے جاتے ہیں مگر آپ جان کر حیران ہوں گے کہ محمد حبیب رات کو اپنی دکان کھلی چھوڑ کے گھر چلا جاتا ہے۔
رات کے وقت جس شخص کو سبزی درکار ہوتی ہے وہ دکان پر آتا ہے، اپنی مطلوبہ سبزی اٹھا کر لے جاتا ہے۔ مگر جانے سے پہلے ایک کام کرتا ہے کہ وہاں پڑے ہوئی رسید بک میں اس کا اندراج کر دیتا ہے، کہ میں نے فلاں سبزی اتنی مقدار میں لی ہے۔ اگلے دن جب محمد حبیب یا اس کا بھائی فرخ جاوید آتا ہے تو رسید بک دیکھ کر رات کو سبزی لیجانے والے افراد سے رقم وصول کر لیتے ہیں۔ارسلان نامی ایک شخص اس علاقے میں رہتا ہے، اس نے محمد حبیب کی اس عادت کا مشاہدہ کیا اور پھر اس کے متعلق معلومات حاصل کرکے فیس بک پر صارفین سے شیئر کیں۔
ارسلان نے فیس بک پر لکھا ہے کہ ”میں نے اس دکان کے ایک گاہک سے بھی بات کی ہے۔ اس گاہک کا کہنا ہے کہ محمد حبیب رات کو اس لیے دکان کھلی چھوڑ کر جاتا ہے تاکہ اس کے گاہکوں کو دشواری کا سامنا نہ کرنا پڑے اور جو دن میں مصروفیت کے باعث سبزی نہیں خرید سکتے وہ رات کو آ کر لے سکیں۔“ گاہک کا کہنا تھا کہ ”محمد حبیب یہ سب کچھ اپنے گاہکوں کی ایمانداری کے بل پر کر رہا ہے۔ وہ گاہکوں پر مکمل بھروسہ کرتا ہے اور گاہک بھی ایمانداری کا مظاہرہ کرتے ہیں۔ “

]]

 

[حمیرا عدنان]

بھارت میں مسلمان چھاگئے،ہندوﺅں کو پیچھے چھوڑ دیا
جمعہ‬‮ 15 جنوری‬‮ 2016

نئی دہلی(نیوزڈیسک)مسلمانوں کی تعداد ہندﺅں کے بعد سب سے زیادہ ،اگر یہ ہی صورتحال رہی تو آئندہ بیس سے تیس سال میں بھارت میں مسلمان چھاجائیںگے،دلچسپ امر یہ ہے کہ بھارت میں 2001کی مردم شماری کے مطابق مسلمان نوجوانوں کی تعداد ہندونوجوانوں سے زیادہ ہوچکی۔ 2001ء میں ہندوستان کی کل 45 فیصد آبادی میں نوجوان شامل تھے جن میں 44 فیصد ہندو، 52 فیصد مسلمان اور 35 فیصد جین تھے۔تاز ہ ترین مردم شماری کے صحیح اعداد و شمار سامنے نہ لانا بھی سوال اٹھارہاہے۔ بھارت میں ہونے والی مردم شماری کے بعد بھارتی حکومت پریشان ہوگئی۔بھارتی میڈیاکے مطابق بھارت میں بسنے والے اگر تمام مذاہب کی آبادی کو ملایا جائے تو یہاں رہنے والی 41 فیصد آبادی بیس سال کی عمر سے کم لوگوں کی ہے۔ 60 سال کی عمر سے اوپر کے لوگوں کی تعداد صرف 9 فیصد بنتی ہے۔ بیس سے پچیس سال کی عمر کے نوجوانوں کی تعداد آبادی کا 50 فیصد ہے۔ مردم شماری کے اعدادوشمار کے مطابق ہندوستان میں مختلف مذاہب کے بچوں کے تناسب میں کمی آئی ہے اور بزرگوں کی تعداد میں اضافہ دیکھنے کو ملا ہے۔ غور طلب ہے کہ 2001ء کی مردم شماری کے مقابلے میں نوجوان آبادی میں کمی آئی ہے۔ 2001ء میں ہندوستان کی کل 45 فیصد آبادی میں نوجوان شامل تھے جن میں 44 فیصد ہندو، 52 فیصد مسلمان اور 35 فیصد جین تھے۔ ان اعدودوشمار سے پتا چلتا ہے کہ ملک میں آبادی بڑھنے کی شرح میں کمی آئی ہے۔ سب سے زیادہ گرواٹ ہندو، عیسائی اور بدھ مت مذہب میں آئی ہے۔ اس کے بعد سکھوں اور جینوں میں یہ گراوٹ دیکھی گئی ہے۔ بتایا جا رہا ہے کہ ہندوستان میں بسنے والے مسلمان بزرگوں کی تعداد بہت کم ہے۔ مسلمانوں میں 60 یا اس سے زائد عمر کے افراد کی تعداد آبادی کا صرف چھ اعشاریہ چار فیصد ہے جو قومی اوسط سے کم ہے۔ 2001ء میں ان کی تعداد پانچ اعشاریہ آٹھ تھی۔ جین اور سکھ مذہب کے بزرگوں کی آبادی 12 فیصد ہے جو قومی اوسط سے 30 فیصد زیادہ ہے۔اس مردم شماری کے مطابق مسلمانوں کی تعداد ہندﺅں کے بعد سب سے زیادہ ہے۔
http://javedch.com/interesting-and-weird/2016/01/15/131059

جاوید چوہدری کا کام بھی سنسنی پھیلانا ہے

 

[جاسمن]

خیبر پختونخواہ سے تیل اور گیس کا بڑا ذخیر ہ دریافت
19 جنوری 2016

اسلام آباد (مانیٹرنگ ڈیسک )خیبرپختونخواہ سے تیل اور قدرتی گیس کا بڑا ذخیرہ دریافت کر لیا گیا ہے جہاں سے تیل اور گیس کی فراہمی متوقع ہے۔ وزارت پیٹرولیم کی جانب سے جاری اعلامیے کے مطابق ہنگو میں تیل اور گیس کا بڑا ذخیرہ دریافت کیا گیا ہے ۔تیل کا ذخیرہ 4912میٹر کی گہرائی سے دریافت ہوا جس سے یومیہ ساڑھے تین ہزار بیرل تیل کی پیداوار ہو گی جس سے ملک کی تیل کی صنعت کو مزید استحکام ملے گا ۔ہنگو کے علاقے سے دریافت ہونے والی گیس کا پریشر 5822پی ایس آئی ہے۔اعلامیے میں کہا گیا کہ 2002سے ہنگری کی کمپنی کی طرف سے یہ ساتویں دریافت ہے۔
http://dailypakistan.com.pk/islamabad/19-Jan-2016/322721

 

[جاسمن]

دورہ سعودی عرب میں جنرل راحیل شریف کاوزیراعظم کے ساتھ وہ سلوک جسے جان کر آپ کے دل میں آرمی چیف کی عزت مزید بڑھ جائے گی، آنے والوں کو بھی بڑا سبق دے دیا‎
18 جنوری 2016


ریاض (نیوز ڈیسک)وزیراعظم نوازشریف اور آرمی چیف جنر ل راحیل شریف دورہ سعود ی عرب پر پہنچے تو جنرل راحیل شریف نے پروٹوکول کا انتہائی خیال رکھتے ہوئے تمام تر امور انجام دیئے ۔
ذرائع کا کہناہے کہ نوازشریف اور جنرل راحیل شریف سعودی عرب پہنچے تو گورنر ریاض نے وزیراعظم اور وفد کا ایئرپورٹ پر استقبال کیا جس کے بعد وزیراعظم نوازشریف وفد کے ہمراہ سعودی فرمانروا شاہ سلمان سے ملاقات کیلئے ان کی رہائش گاہ پہنچے ،مذکورہ تصویر میں دیکھا جاسکتاہے کہ اس موقع پر جنر ل راحیل شریف پروٹوکو ل کا خیال رکھتے ہوئے تیسری رو میں چلتے ہوئے نظر آئے جبکہ وزیراعظم نوازشریف سب سے آگے سعودی فرمانروا کے ساتھ چلتے ہوئے ملاقات کیلئے ہال میں داخل ہوئے۔
اس سے قبل دورہ سعودی عر ب پر روانگی کیلئے آج صبح آرمی چیف جنرل راحیل شریف نے وزیراعظم نوازشریف کا ایئرپورٹ پر پر تپاک استقبال کیا ،اس موقع پر نوازشریف نے راحیل شریف کو دعوت دی کہ وہ جہاز میں سوار ہوں جس پر راحیل شریف نے پروٹوکول کا خصوصی خیال رکھتے ہوئے وزیراعظم کو آگے چلنے کی درخواست کی لیکن نوازشریف ان کے ساتھ کندے سے کندھا ملاتے ہوئے جہاز کی سیڑھیاں چڑھے۔
آرمی چیف جنرل راحیل شریف نے مستقبل میں افواج پاکستان کے سربراہوں کیلئے پروٹوکول کا خیال رکھتے ہوئے مثال قائم کی ہے کہ وہ سیاسی قیادت کو آگے رکھیں کیونکہ یہ عوام کے منتخب نمائندے ہیں جنہیں عوام نے اپنے ووٹ کے ذریعے اقتدار دیا ہے ۔

http://dailypakistan.com.pk/national/18-Jan-2016/322263

 

[جاسمن]

سیسا جابر، 40 برس مرد کے بھیس میں مزدوری کرنے والی مصری خاتون
منیرہ عادل پير 11 جنوری 2016

http://www.express.pk/story/429895/



ماں کی عظمت و محبت کو لفظوں میں بیان کرنا ممکن نہیں۔ اپنی اولاد کے سکھ کے لیے خود تکلیفیں جھیلتی ہے اور مشقت برداشت کر کے اولاد کو آرام پہنچاتی ہے۔ اولاد کی بہترین راہ نمائی کرنے والی اور سب سے بڑھ کر اولاد کے لیے بہترین پناہ گاہ ماں ہی ہوتی ہے۔ رب کائنات نے ماں کو اتنا بڑا درجہ عطا کیا کہ اس کے پیروں تلے جنت رکھ دی۔
ہمیں اپنے ارد گرد ایسی بے شمار مائیں نظر آتی ہیں، جو صبح سے شام تک اولاد کی خاطر دفاتر میں کام کرنے سے لے کر دوسروں کے گھروں میں جھاڑو پونچھا کرتی ہیں، وہ گھرانے جہاں خواتین کے کام کرنے کو پسند نہیں کیا جاتا وہ خواتین بھی گھر بیٹھے اولاد کے بہتر مستقبل کے لیے معاشی خوش حالی کے لیے تگ و دو کرتی نظر آتی ہیں۔

لیکن مصری خاتون سیسا جابر ایک ایسی ماں ہیں، جنہوں نے اپنی بیٹی کی بہترین پرورش کے لیے ایثار کی ایسی مثال قائم کی، جس کی رہتی دنیا تک مثال ملنا ناممکن ہے۔ سیسا جابر نے مرد کے بھیس میں 40 سال مزدوری کی۔ مصر کی اس عظیم ماں نے مردانہ روپ دھار کر اپنی اولاد کی کفالت کے لیے چار عشروں سے زاید عرصہ گزارا۔ سیسا جابر کو مصر کے صدر عبدالفاتح السیسی نے بھی ان کی خدمت کا اعتراف کرتے ہوئے انہیں اعلیٰ مصری اعزاز سے نوازا ہے۔ العربیہ ڈاٹ نیٹ کی رپورٹ کے مطابق 65 برس کی سیسا جابر القصر شہر کے اپنے آبائی قصبے میں سب سے زیادہ مددگار ماں بن گئی ہیں اور یوم ماں کے موقع پر انہیں وزارت سماجی یک جہتی کی جانب سے انہیں ’’کفالت‘‘ ایوارڈ بھی دیا جا چکا ہے۔
سیسا جابر کی داستانِ حیات جوں ہی منظر عام پر آئی، توں ہی دنیا بھر کے اخبارات میں شہ سرخیوں کی زینت بنی۔ وہ 21 برس کی عمر میں بیوگی سے دوچار ہو گئیں۔ کچھ دن بعد ان کے ہاں بیٹی کی ولادت ہوئی اور یوں وہ اپنی ایک بیٹی کے ساتھ بے یارومددگار رہ گئیں، لیکن اس ایثار پیشہ ماں نے اپنی اکلوتی بیٹی کے لیے انہوں نے مرد کا بھیس بدل کر کام کرنا شروع کر دیا۔ ان کا تعلق مصری معاشرے کے پس ماندہ حصے سے ہے جہاں خواتین کے کام کرنے کو پسند نہیں کیا جاتا۔ انہوں نے ڈھیلے ڈھالے روایتی مردانہ لباس پہن کر موچی، مزدور اور کاشت کاری کا کام کیا۔ ایک طرف جہاں یہ ایک عورت اور ایک ماں کی جدوجہد کی داستان ہے، تو دوسری طرف مردوں کے اس سماج کا المیہ بھی ہے،جہاں ایک اکیلی عورت کو اپنی اولاد کی بقا کی خاطر مرد کا روپ دھارنا پڑتا ہے۔

 

[جاسمن]

داڑھی میں موجود بیکٹیریا چہرے کی جلد کو بیماریوں سے محفوظ رکھتے ہیں: برطانوی تحقیق
لندن (آن لائن) برطانیہ میں کی گئی ایک تحقیق میں کہا گیا ہے داڑھی میں اینٹی بائیوٹک بیکٹیریا پائے جاتے ہیں جو انسان کو جلدی بیماریوں سے محفوظ رکھتے ہیں۔ محققین کے خیال میں شیو کرنے سے جلد پر خراشیں لگتی رہتی ہیں جس سے بیکٹیریا کی نشوونما میں مدد ملتی ہے دوسرے الفاظ میں داڑھیاں انفیکشن کیخلاف مزاحمت کرتی ہیں۔
http://www.nawaiwaqt.com.pk/international/23-Jan-2016/447257

 

[جاسمن]

مسجد الحرام میں مقام ابراہیم کی جدید سنگ مرمر سے تزئین مکمل، زائرین کو زیارت کی اجازت دے دی گئی
جدہ (صباح نیوز)مقام ابراہیم کی جدید سنگ مرمر سے تزئین مکمل زائرین کو زیارت کی اجازت دے دی گئی مسجد حرام و مسجد نبوی کے نگران ادارے نے کہا ہے کہ خادم الحرمین الشریفین شاہ سلمان بن عبدالعزیز کی ہدایت پرعمل درآمد کرتے ہوئے بیت اللہ میں مقام ابراہیم کے گرد نیا سنگ مرمر لگانے کا کام مکمل کر لیاگیا ہے۔
http://www.nawaiwaqt.com.pk/international/23-Jan-2016/447176