ذکر اُس پری وش کا

یوسف-2

محفلین
یوسف ثانی صاحب ، شمشاد بھائی نے بجا فرمایا یہ غ۔ن۔غ اصل میں غزل ناز غزل کا مخفف ہے ۔۔:blushing:
میرے آپ سے برادرانہ رشتے میں آپ انہیں بھابھی کہیے ،ویسے آپ میرے بھی بزرگ :daydreaming: ہیں تو عمر میں آپ غزل کو بہو رانی کہہ سکتے ہیں ۔۔:blushing:
( ارے ہاں آپ کی تحریر پر میں کوئی رائے نہ دوں گا ورنہ میری تو شامت آجانی ہے ۔ ہی ہی ہی ۔۔۔ )
:biggrin:
اوہ معاف کیجئے گا، مجھے معلوم نہیں تھا۔ ویسے آپ نے درست اندازہ لگایا، غزل ہماری بہو رانی بھی کہلا سکتی ہیں۔ یہ تصویر تو ہماری ’’جوانی‘‘ بلکہ ’’نوجوانی‘‘ کی ہے۔ اور اب اپنا حال استاد قمر جلالوی سے کچھ مختلف نہیں جو فرما گئے ہیں کہ:
بے وجہ خم نہیں میری کمر میں اے قمر
جھک کے ڈھونڈتا ہوں، جوانی کدھر گئی
اس وقت تو واقعی آپ کا کچھ نہ کہنا ہی آپ کے حق میں بہتر ہیں۔ کاش اس انشائیہ کے جواب میں میرا ہی تحریر کردہ انشائیہ’’شوہر کہیں جسے‘‘ محفوظ ہوتا تو آج یہاں شیئر کرتا تاکہ برخوردار مغزل کی طرح غزل بہو رانی کو بھی محظوظ ہونے کا موقع ملتا۔ :)
 

یوسف-2

محفلین
نہیں جناب اپنے بارے میں نہیں بلکہ یہ ہم نے آپ کی اس ریپلائی کے بارے میں کہا تھا
اور ہاں باقی تو آپ کو محمود نے واضح کر دیا ہے۔:)
جی معذرت خواہ کہ بہو رانی کو شناخت نہیں کرپایا۔:)
امید ہے کہ آپ بھی اس انشائیہ سے محظوظ ہوئی ہوں گی۔
 

یوسف-2

محفلین
کن ذمہ داریوں کی بات کر رہے ہیں جناب؟

ہمیں ہماری لائبریری کے لیے اتنا اچھا مواد مل رہا ہے، اور کیا چاہیے۔
میرا اشارہ کمپوزنگ کرنے یا کروانے کی طرف تھا ۔
جی پھر میں کوشش کرتا ہوں زیادہ سے زیادہ مضامین اسکین کرکے پوسٹ کرسکوں۔
 

مہ جبین

محفلین
یوسف ثانی بھائی یہ تحریر آج نظر سے گزری ہے
آپکا اندازِ تحریر بہت برجستہ و شگفتہ ہے ماشاءاللہ
سارے دل جلے شوہروں کی اچھی ترجمانی کی ہے :laughing3:
اب کوئی مجھے یہ بتائے کہ لطیفوں میں بیگم ظالم اور شوہر ہمیشہ مظلوم ہی کیوں ہوتا ہے؟؟؟؟؟؟؟؟؟؟:(
ایک سوال اور ہے کہ اس تحریر پر آپ کی اہلیہ محترمہ کا کیا ردِعمل تھا؟ ؟؟
 

یوسف-2

محفلین
یوسف ثانی بھائی یہ تحریر آج نظر سے گزری ہے
(×) کوئی بات نہیں۔ اس قسم کے ”آئینوں“ پر ویسے بھی خواتین کی نظر کم کم ہی پڑتی ہے :D

آپکا اندازِ تحریر بہت برجستہ و شگفتہ ہے ماشاءاللہ
(×) مہ جبین بہن! تعریف کا بہت بہت بہت شکریہ

سارے دل جلے شوہروں کی اچھی ترجمانی کی ہے :laughing3:
(×) ہا ہا ہا۔ گویا آپ بھی تصدیق کرتی ہیں کہ کہ سارے شوہر دل جلے ہوتے ہیں۔ :laughing:

اب کوئی مجھے یہ بتائے کہ لطیفوں میں بیگم ظالم اور شوہر ہمیشہ مظلوم ہی کیوں ہوتا ہے؟؟؟؟؟؟؟؟؟؟:(
(×) اس کی دو بنیادی وجہ ہے نمبر دو یہ کہ ایسے سارے لطیفے تجربہ کار شوہرون کی تخلیق ہوتے ہیں۔ اور نمبر ایک یہ کہ حقیقت میں بھی ایسا ہی ہوتا ہے۔ :laughing3: عورتیں خواہ کتنی ہی اچھی کیوں نہ ہوں، لیکن جب وہ بیوی کے عہدہ پر فائز ہوتی ہیں تو۔۔۔ وہ رحمۃ اللعالیمن صلی اللہ علیہ وسلم سے بھی ”خفا“ ہوجاتی ہیں۔۔۔ (غالباً) دور عمر رضی اللہ تعالیٰ عنہ کا واقعہ ہے کہ ایک صحابی اپنی بیوی کی ”بد زبانی“ سے تنگ آکر اس کی شکایت کرنے امیر المومنین کے گھر گئے۔ ابھی گھر پر دستک ہی دی تھی کہ اندر سے خاتوں خانہ کے ”شور شرابہ“ کی آواز سنائی دی۔ وہ یہ سوچ کر واپس مڑ گئے کہ یہاں بھی اپنے گھر والا معاملہ ہے، لہٰذا یہاں شکایت کرنے کا کیا فائدہ؟ اتنے میں امیر المونین دستک کے جواب میں باہر نکلے اور جاتے ہوئے صحابی کو آواز دی کہ دستک دے کر ملے بغیر واپس کیوں جارہے ہیں۔ صحابی کی بات سُن کر امیر المومنین مسکرائے اور بولے۔ بھئی یہ تو اُن کا ”حق“ ہے۔ (مفہوم)

ایک سوال اور ہے کہ اس تحریر پر آپ کی اہلیہ محترمہ کا کیا ردِعمل تھا؟ ؟؟
(×) انہیں پتہ ہے کہ میں ایک لکھاری اور مزاح نگار ہوں، لہٰذا انہوں نے کوئی خاص ”لفٹ“ نہیں کرائی۔ حالانکہ موصوفہ اردو ایڈوانس کے ساتھ ڈبل گریجویٹ ہیں :D
 

مہ جبین

محفلین
بھائی یوسف ثانی صاحب !
آپکا بہت شکریہ تفصیل سے جواب دینے کا
جی نہیں سارے شوہر دل جلے نہیں ہوتے بلکہ صرف وہی ہوتے ہیں جو اپنے حال میں کبھی خوش نہیں رہتے
اللہ کا شکر ہے میرے شوہر ایسے نہیں ہیں ۔
یہ جو لطیفے بنانے والی پارٹی ہے ناں بس خواہ مخواہ اپنے آپ کو" مظلوم" ثابت کرنے پر تلی رہتی ہے حالانکہ دنیا جانتی ہے حقیقت اس کے برعکس ہی ہوتی ہے :)
اصل میں بھابھی کو پڑھتے پڑھتے عادت ہوگئی ہوگی اس طرح کی تحریروں کی اس لئے انہوں نے زیادہ توجہ نہیں دی ہوگی :)
 

Nadir Khan Sargiroh

محفلین
یوسف ثانی صاحب
۔
یوں تو طنز و مزاح میں ۔ ۔ ۔ بیگم ، بیوی اور اسی قبیل کے دیگرکردار، میرے پسندیدہ موضوعات نہیں ہیں ۔ لیکن اس کے باوجود میں نے آپ کی تحریر شروع سے آخر تک پڑھی۔ آپ کے اندازِ بیاں نے مجھے ایسا کرنے پرمجبور کیا۔
۔
آپ کا یہ مضمون پڑھتے ہوئے ذہن میں خیال ابھر رہا تھا کہ ۔ ۔ ۔ ذکرجب پری وش کا ہو رہا ہے تو ہمارے یوسفِ ثانی ، زلیخہ ثانیہ کا بھی ذکر کریں گے۔ لیکن ایسا نہیں ہوا۔ سِکھ والے لطیفے میں یوسف (ثانی) کی قبا سامنے سے چاک ہوتی نظر آئی۔

’’ دُنیا کا بیشتر مزاحیہ ادب بیوی کے گِرد، اور رومانوی ادب غیر بیوی کے گرد گھومتا ہے‘‘
آپ کا یہ جملہ بے حد پسند آیا۔ جس نے مجھے آپ کی دیگرتحریریں پڑھنے پر اُکسایا۔
'
مخلص
نادر شاہ ثانی
 

یوسف-2

محفلین
یوسف ثانی صاحب
۔
یوں تو طنز و مزاح میں ۔ ۔ ۔ بیگم ، بیوی اور اسی قبیل کے دیگرکردار، میرے پسندیدہ موضوعات نہیں ہیں ۔ لیکن اس کے باوجود میں نے آپ کی تحریر شروع سے آخر تک پڑھی۔ آپ کے اندازِ بیاں نے مجھے ایسا کرنے پرمجبور کیا۔
۔
آپ کا یہ مضمون پڑھتے ہوئے ذہن میں خیال ابھر رہا تھا کہ ۔ ۔ ۔ ذکرجب پری وش کا ہو رہا ہے تو ہمارے یوسفِ ثانی ، زلیخہ ثانیہ کا بھی ذکر کریں گے۔ لیکن ایسا نہیں ہوا۔ سِکھ والے لطیفے میں یوسف (ثانی) کی قبا سامنے سے چاک ہوتی نظر آئی۔

’’ دُنیا کا بیشتر مزاحیہ ادب بیوی کے گِرد، اور رومانوی ادب غیر بیوی کے گرد گھومتا ہے‘‘
آپ کا یہ جملہ بے حد پسند آیا۔ جس نے مجھے آپ کی دیگرتحریریں پڑھنے پر اُکسایا۔
'
مخلص
نادر شاہ ثانی
نادر شاہ ثانی صاحب!
بہت بہت شکریہ کہ آپ نے احقر کے اس انشائیہ کو پڑھا اور پسند کیا، باوجود اس کے کہ آپ کو بیوی، بیگم اور اسی قبیل کے کردار آپ کو پسند نہیں :eek:
دیگر تحریروں کے بارے میں آپ کی رائے کا انتطار رہے گا۔ ان شاء اللہ میں بھی آپ کی کتاب کا بقیہ نصف پڑھنے کی پوری کوشش کروں گا۔ (حساب برابر ہوجائے گا نا :D )
 
Top