تجھے دیکھا، غزل نئی لکھی

[راحیل فاروق]

تجھے دیکھا، غزل نئی لکھی
ایک پڑھ لی تو دوسری لکھی

حسن کو جانتا بھی تھا، جس نے
میری قسمت میں عاشقی لکھی؟

دل پہ تھا قرض تیرے ہونٹوں کا
ہم نے جو بات بھی سنی، لکھی

تو نے پھر سے بدل دیے کردار؟
یا کہانی ہی دوسری لکھی؟

نقشِ عالم برا بھلا کھینچا
لوحِ محفوظ پائے کی لکھی

دلِ ناداں کو باندھ رکھ راحیلؔ
ساری دنیا ہے اب پڑھی لکھی

راحیلؔ فاروق
۲۰۱۰-۱۱ء​

 

[محمد اسلم]

دلِ ناداں کو باندھ رکھ راحیلؔ
ساری دنیا ہے اب پڑھی لکھی

 

[فاخر رضا]

بہت اچھی لکھی ہے . کچھ اشعار سے سیاسی بو آرہی ہے.
تو نے پھر سے بدل دیے کردار؟
یا کہانی ہی دوسری لکھی؟
اسی طرح یہ شعر
نقشِ عالم برا بھلا کھینچا
لوحِ محفوظ پائے کی لکھی
جیسے حسرت موہانی کا اسٹائل تھا . مگر اس سے قطع نظر بہت اچھی غزل ہے

 

[محمد تابش صدیقی]

تجھے دیکھا، غزل نئی لکھی
ایک پڑھ لی تو دوسری لکھی

حسن کو جانتا بھی تھا، جس نے
میری قسمت میں عاشقی لکھی؟

دل پہ تھا قرض تیرے ہونٹوں کا
ہم نے جو بات بھی سنی، لکھی

تو نے پھر سے بدل دیے کردار؟
یا کہانی ہی دوسری لکھی؟

نقشِ عالم برا بھلا کھینچا
لوحِ محفوظ پائے کی لکھی

دلِ ناداں کو باندھ رکھ راحیلؔ
ساری دنیا ہے اب پڑھی لکھی

راحیلؔ فاروق
۲۰۱۰-۱۱ء​

پڑھ لوں اک بار، تو دوبارہ پڑھوں
تم نے کیسی یہ شاعری لکھی

 

[محمد تابش صدیقی]

تجھے دیکھا، غزل نئی لکھی
ایک پڑھ لی تو دوسری لکھی

یعنی باز نہیں آنا

 

[مریم افتخار]

 

[ڈاکٹرعامر شہزاد]

دل پہ تھا قرض تیرے ہونٹوں کا
ہم نے جو بات بھی سنی، لکھی

بہت اعلیٰ ۔۔ ڈھیروں داد

 

[اکمل زیدی]

دلِ ناداں کو باندھ رکھ راحیلؔ
ساری دنیا ہے اب پڑھی لکھی

بہت خوب ۔ ۔ ۔

 

[اکمل زیدی]

تجھے دیکھا، غزل نئی لکھی
ایک پڑھ لی تو دوسری لکھی

راحیل بھائی معذرت کے یہ ہم پر بھی گزری ہے مگر آپ کے اس شعر میں ردو بدل کے ساتھ

پہلے تجھے دیکھا ، غزل نئی لکھی
پھر دیکھی دوسری تو دوسری لکھی

 

[محمد تابش صدیقی]

راحیل بھائی معذرت کے یہ ہم پر بھی گزری ہے مگر آپ کے اس شعر میں ردو بدل کے ساتھ

پہلے تجھے دیکھا ، غزل نئی لکھی
پھر دیکھی دوسری تو دوسری لکھی

اصلاح
"تجھے دیکھا، غزل نئی لکھی"
اُسے دیکھا تو دوسری لکھی

 

[اکمل زیدی]

اصلاح
"تجھے دیکھا، غزل نئی لکھی"
اُسے دیکھا تو دوسری لکھی

سر جی ...یہ تو بگاڑ کو بڑھانے والی بات ہے آپ اصلاح کہہ رہے ہیں

 

[نوید ناظم]

نئی اور خوبصورت دونوں !!

 

[محمد تابش صدیقی]

راحیل بھائی سے معذرت کے ساتھ

 

[لاریب مرزا]

راحیل بھائی سے معذرت کے ساتھ

معذرت قبول نہ ہوئی تو آپ کی خیر نہیں

 

[لاریب مرزا]

بہت خوب راحیل فاروق بھائی!! بہت سی داد آپ کے لیے

 

[اکمل زیدی]

راحیل بھائی سے معذرت کے ساتھ

محفل کی صحبت کا اثر دیکھ رہے ہیں
رفتہ رفتہ تابش کا ہنر دیکھ رہے ہیں
اشعار میں کچھ عقدے بھی کھلے ہیں اکمل
گھر میں کیا ہوتا ہے حشر دیکھ رہے ہیں

 

[محمد تابش صدیقی]

معذرت قبول نہ ہوئی تو آپ کی خیر نہیں

زیادہ سے زیادہ غصہ میں لکھی ایک اور غزل پڑھنے کو مل جائے گی۔ سراسر فائدہ۔

 

[محمد تابش صدیقی]

محفل کی صحبت کا اثر دیکھ رہے ہیں
رفتہ رفتہ تابش کا ہنر دیکھ رہے ہیں
اشعار میں کچھ عقدے بھی کھلے ہیں اکمل
گھر میں کیا ہوتا ہے حشر دیکھ رہے ہیں

 

[الف عین]

خوب غزل ہے ماشاء اللہ

 

[کاشف اسرار احمد]

واہ واہ
پڑھ کر لطف آ گیا !
تھا ستارہ شناس وہ جس نے
تیری قسمت میں شاعری لکھی !
ڈھیروں داد ۔ ماشا اللہ