بیٹیاں

[نایاب]

بشکریہ فیس بک​

یہ بیٹیاں کیسی ہوتی ہیں ؟​

یہ پیاروں جیسی ہوتی ہیں​

یہ بات بات پہ ہنستی ہیں​

یہ بات بات پہ روتی ہیں​

دل ہوتا ہے ان کا نازک سا​

یہ بھولی بھالی ہوتی ہیں​

بابا کی لاڈلی ہوتی ہیں​

ماں کی دلاری ہوتی ہیں​

گڑیوں سے کھیلتا بچپن ان کا​

اتنی جلدی کیسے بیت گیا ؟​

آنگن سونا کر جاتی ہیں​

بابا کا درد سمجھتی ہیں​

ماں کے آنسو پونچھتی ہیں​

یہ بیٹیاں ایسی ہوتی ہیں ۔​

 

[زبیر مرزا]

نایاب بہت عمدہ

 

[مقدس]

بہت اچھے نایاب بھیا

 

[شمشاد]

بیٹیاں تو پھر بیٹیاں ہوئی ناں نایاب بھائی۔

 

[حسیب نذیر گِل]

 

[محمد خلیل الرحمٰن]

بہت خوبصورت نایاب بھائی۔ بیٹیاں تو پھر بیٹیاں ہوتی ہیں۔بابا کی راج دلاری

 

[نایاب]

آج میری بٹیا رانی نے اپنا پہلا روزہ رکھا ۔۔۔۔۔۔۔۔
میں بہت خوش ہوا ۔ اور محفلین کو اپنی خوشیوں میں شامل کرنے کو دل چاہا ۔
یقین ہے کہ آپ سب اپنی دعاؤں سے نوازیں گے ۔

 

[امجد میانداد]

بہت عمدہ شئیرنگ نایاب بھائی، صدا خوش رہیں۔ آمین۔

 

[امجد میانداد]

آج میری بٹیا رانی نے اپنا پہلا روزہ رکھا ۔۔۔ ۔۔۔ ۔۔
میں بہت خوش ہوا ۔ اور محفلین کو اپنی خوشیوں میں شامل کرنے کو دل چاہا ۔
یقین ہے کہ آپ سب اپنی دعاؤں سے نوازیں گے ۔

ماشاءاللہ، اللہ غزل بیٹی کو صبر اور اپنی رضا عطا فرامائے آمین۔

 

[شمشاد]

ماشاء اللہ

اللہ تعالٰی سے دعا ہے کہ بٹیا رانی کو صبر و رضا کی نعمتوں سے نوازے۔

 

[زبیر مرزا]

ماشاءاللہ - اللہ تعالٰی بیٹیا کے علم میں عمرمیں رحمتیں اوربرکتیں شامل فرمائے

 

[فارقلیط رحمانی]

اللہ رب العزت! غزل بیٹی کی عمر میں، صحت و تندرستی میں، علم میں، فضل میں، رزق میں برکت عطا فرمائے۔
اور بیٹی کا پہلا روزہ قبول فرمائے ٖآمین۔

 

[عمر سیف]

ماشاءاللہ نایاب بھائی ۔۔ اللہ بیٹیا کو صحت تندرستی عطا کرے اور والدین کا فرمانبردار بنائے آنکھوں کی ٹھنڈک بنائے آمین

 

[سید زبیر]

یا اللہ غزل نایاب بٹیا کو کُل جہانوں کی نعمتوں ، سعادتوں سے سرفراز فرمادے ، میرے اللہ اسے اپنے والدین کے لیے باعث تکریم بنادے ، یا اللہ غزل بٹیا کو ایمان ، عزت صحت خوشیاں عطا فرما (آمین ثم آمین)

 

[نیلم]

ماشاءاللہ ،،اللہ بیٹی کے نصیب بہت اچھے کرئے آمین

 

[منصور مکرم]

اللہ تعالیٰ اسکی دنیا و اخرت راحت والے بنائے۔

 

[قیصرانی]

ماشاء اللہ

بٹیا رانی کو بہت بہت مبارک ہو

 

[محمد مسلم]

اﷲ بیٹی کو ایمان، صحت، تندرستی، اچھی قسمت اور بھی سب کچھ عطا کرے۔ آمین،
ویسے مجھے اپنے بچپن کی بات یاد آگئی ہے، تب بھی گرمیوں کے روزے تھے، مجھے پہلا روزہ رکھوایا گیا (بلکہ میں نے بھی کافی جہد سے اس کی اجازت لی تھی) جمعہ کا دن تھا، ہندوستان سے ایک بڑے بزرگ (شاید مولانا مسیح اﷲ خان صاحب رحمۃ اﷲ علیہ) تشریف لائے ہوئے تھے۔ جمعہ کے بعد والدِ محترم ہمیں ان کے پاس بغرضِ زیارت لے گئے، جب انہیں معلوم ہوا کہ بچے کا روزہ ہے تو میرے والد صاحب کو بہت ڈانٹا، اور ان کا کہنا تھا کہ جب روزے فرض ہو جائیں گے تب تو رکھنا ہی ہیں، ابھی سے بچوں کو کیوں رکھوا کر ان پر ظلم کر رہے ہو۔۔۔۔ اس لیے میں نے اپنے بچوں کو سردیوں کے روزے تو رکھنے دیے لیکن گرمیوں کے نہیں رکھنے دیے۔ بزرگوں کا ہر قول حکمت سے بھرپور ہوتا ہے۔
بہر حال ہماری بیٹی نے کمال کیا ہے جو اتنا سخت روزہ رکھا، اﷲ اس کا اجر و ثواب دے، یہ روزہ اس بات کی علامت ہے کہ والدین بھی ماشاء اﷲ سعادت مند ہیں۔

 

[عمرمختارعاجز]

بہت خوبصورت خوش رہیں سلامت رہیں یہ حقیقت ہے اس کو جھٹلایا نہیں جا سکتا ۔

 

[عائشہ عزیز]

آج میری بٹیا رانی نے اپنا پہلا روزہ رکھا ۔۔۔ ۔۔۔ ۔۔
میں بہت خوش ہوا ۔ اور محفلین کو اپنی خوشیوں میں شامل کرنے کو دل چاہا ۔
یقین ہے کہ آپ سب اپنی دعاؤں سے نوازیں گے ۔

ارے ماشاء اللہ
یہ خبر تو میں نے اب دیکھی
بہت خوب غزل گڑیا، پہلا روزہ مبارک ہو