برائے اصلاح و تنقید

[آئی کے عمران]

احباب السلام علیکم!

میرے ایک دوست جناب شوزیب کاشر کی ایک نعت برائے اصلاح و تنقید



جانِ جاں ، جانِ جہاں ، روحِ زمن، شاہِ زمن

سیم تن، نوری جسد، پھول بدن، شاہِ زمن


پرتوِ نورِ خداداد وجودِ مسعود

گلبدن، ماہ لقا، غنچہ دہن ، شاہِ زمن


کبھی منت کشِ جوشبوئے عَرَق عُود و عطر

کبھی ممنونِ کرم مُشکِ ختن، شاہِ زمن


نطق ما ینطق فرمود کا مصداق رہا

ہے سند آپ کا ہر ایک سخن ، شاہِ زمن


جانِ گُل، ختمِ رسل، گنجِ سُبُل، ہادئ کُل

سربسر جُود و عنایت کی بھرن، شاہِ زمن


آپ کے عارض و دندان و لب و رُخ پہ فدا

گُل ، گہر ، مہرِ سما ، لعلِ یمن ، شاہِ زمن


دستِ قدرت میں ہے عالم کا نظام الاوقات

ناظمِ ارض و سما، ملکِ عدن، شاہِ زمن


امتی امتی کہتے ہیں مٹا دیتے ہیں

اپنی امت کے غم و رنج و محن، شاہِ زمن


آپ کے فیض نظر پر ہے زمانہ قائم

آپ کے صدقے سے ہے چرخِ کہن شاہِ زمن


آپ سے پہلے مدینہ تو فقط یثرب تھا

کر گئے دشت و بیاباں کو چمن،شاہِ زمن


آپ سے پہلے رسولوں کی ضرورت تھی مگر

قصرِ اسلام بہ تو مہر شدن، شاہِ زمن


شوزیب کاشرؔ