اے میرے وطن

با ادب

محفلین
چمکیلی روپہلی صبح مارگلہ کی پہاڑیوں پہ پھیل چکی تھی ۔۔۔ آج سالانہ امتحانات کی وجہ سے جامعہ میں چھٹی تھی ۔ وہ دبے قدموں چلتی کمرے میں موجود اپنی کرسی پہ آن بیٹھی تھی ۔۔۔ اسے اپنی میلز چیک کرنی تھیں ۔۔ لاگ ان کرنے سے پہلے وہ جانتی تھی ان باکس میں کون سی میل موجود ہوگی اور اس کا متن کیا ہوگا ۔۔۔۔ ایسا ہی رشتہ تھا ان دونوں میں ۔۔۔ہزاروں میل کی دوری کے باوجود وہ ایک دوسرے کی ہر جنبش سے با خبر رہتے ۔ بغیر بات کیئے بغیر ملے ایک دوسرے کا احوال جانتے تھے ۔۔۔۔
ان باکس میں موجود تحریر سامنے جگمگا رہی تھی ۔۔۔۔۔ “ آپ سے شادی کرنا میری بہت بڑی خوش قسمتی ہوگی ” ۔
اس کے لبوں پہ تبسم پھیل جاتا ہے ۔۔۔ باقی کا دن اسی تبسم کی نذر کر کے وہ لاگ آؤٹ کرتی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ حیران نگاہوں سے اپنے چاروں طرف نظر دوڑاتی ہے ۔ ماحول پہ عجیب پر اسراریت چھائی ہوئی ہے ۔۔ تنگ و تاریک گلیوں سے گزر کے اس نے اس پرانے مندر تک کا سفر کیا تھا پاس سے گزرتے سادھو نے حیران نظر مندر کے بیچوں بیچ کھڑی اس الگ حلیے والی لڑکی پہ ڈالی ۔ لڑکی کو فیصلہ کرنے میں مشکل کا سامنا ہے کہ وہ اس بت کے قریب جائے یا دور کی نگاہ کو کافی قرار دے کے یہیں سے لوٹ جائے ۔
وہ یہ اس سب کا تصور کر کے یہاں نہیں آئی تھی ۔ مندر کے بائیں جانب ایک اور سادھو ننگ دھڑنگ آلتی پالتی مارے بیٹھا ہے ۔ وہ خوف سے اس دروازے کی جانب دیکھتی ہے جہاں سے اس کا بھائی ابھی نکل کے باہر گیا ہے اگر وہ لوٹ آیا اگر اس نے اس ننگے سادھو کو دیکھ لیا تو کیا وہ بہن بھائی آپس میں کبھی نگاہیں ملا پایئں گے ۔۔۔۔ اسی خوف کے پیش نظر وہ باھر کی جانب بھاگتی ہے ۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹی وی پہ شکریہ پاکستان کے حوالے سے شو چل رہا تھا اور وہ دونوں بہن بھائی زور و شور سے اینکر حضرات پہ تنقید کئیے جا رہے تھے ۔۔۔ اس قوم کہ کچھ آتا ہو یا نہ آتا ہو نقاد یہ بہترین ہیں ۔۔ ۔ قائد اعظم کے پاکستان کی کوئی بات ہوئی مہمانان میں سے ایک کی آنکھیں بھیگ گئیں ہچکی بندھ گئی ۔۔۔
کتنے ڈھکوسلے ہوتے ہیں نا ان کے ۔۔۔ تمھیں لگتا ہے واقعی انھیں پاکستان سے محبت ہے ؟ اتنی محبت کی آنکھیں بھر آیا کریں ؟؟؟
ارے نہیں ڈرامے کرتے ہیں ۔۔ آج باہر ملکوں میں جانے کا چانس ملے تو سب سے پہلے یہی دوڑیں لگائیں گے ۔۔۔
سنو ! تمھارا دل کبھی پاکستان کے لیئیے ایسے تڑپا ہے کہ آنکھ بھر آئے ۔۔۔۔
بھائی نے بہن سے سوال پوچھا ۔۔۔
دیکھو بھائی پاکستان ہمارا ملک ہے ٹھیک ہے ہم اس میں رہتے ہیں لیکن یہ آنکھ کیوں بھر آئے گی اتنا درد اتنی محبت آج تک میں نے محسوس نہیں کی ۔۔۔
باجی تمھیں نہیں لگتا ہمیں اس مملکت خداداد کی کوئی پرواہ نہیں کوئی قدر نہیں یہ ہماری نسل کو آسانی سے مل گیا ہم نے آنکھ کھولی تو پاکستان تھا ۔۔۔ شاید ہم اسکی اہمیت سے واقف نہیں ۔۔۔
اگر ہم نے آنکھ کھولی ہوتی اور کوئی بھی اور ملک ہوتا تو کیا ہوتا ؟؟؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ صبح لگ بھگ نو بجے کا وقت ھے تمام حضرات اپنے اپنے کام دھندوں پہ روانہ ہو چکے ہیں ۔ وہ کاموں سے فارغ ہو کے ٹی وی کے آگے آن بیٹھی ہے ۔۔ ٹی وی کے کھلتے ہی بریکنگ نیوز سامنے آتی ہے ۔۔۔ اسلام آباد سبزی منڈی میں دھماکہ ۔۔۔۔۔
دنیا گول گول گھومتی محسوس ہوتی ہے ۔۔۔ اس کے دونوں بھائی منڈی میں آڑھت کا کام کرتے تھے ۔۔۔ وہ ہر روز صبح فجر سے پہلے اٹھ کے منڈی جاتے اسی وقت باہر سے آنے والے مال کی آمد ہوتی اور بولیاں لگا کرتیں ۔
آج بھی وہ دونوں ابھی تک گھر نہیں لوٹے تھے ۔۔۔۔ موبائل فون ملاتی اس کی آنکھیں مسلسل بہتی چلی جا رہی تھیں ۔۔ بڑے بھائی کا فون مل چکا تھا وہ گھر کے قریب تھا لیکن چھوٹے کا کہیں کوئی اتا پتا نا تھا
دو گھنٹے گزر چکے تھے چھوٹا بھا ئی لا پتہ تھا ۔۔۔۔۔
دو گھنٹے ۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ اسے شادی کا عندیہ دے چکی تھی ۔۔ وہ دونوں بے حد خوش تھے زندگی مکمل لگنے لگی تھی ۔ کہیں کسی کمی کا احساس تک نہ تھا ۔۔۔ رمضان کی آمد آمد تھی ۔ ان کی شادی اگلے سال ہونا قرار پائی تھی ۔ دونوں کا متفقہ فیصلہ تھا ہم میں شادی تک کوئی رشتہ نہیں ہم رمضان میں ایک دوسرے سے بات نہیں کریں گے ۔ وہ اسی پہ خوش و خرم تھے کہ ذہنی ہم آہنگی کمال تھی وہ روح کے ساتھی تھے اور اتنا کافی تھا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مندر کے اندر بجتی گھنٹیاں اسے خود پہ ہنستی اپنا مذاق اڑاتی محسوس ہوتی ہیں ۔ وہ بھاگتی ہوئی مندر سے باہر آکر مندر کے صحن میں کھڑی ہوتی ہے ۔۔۔ عجیب و غریب رنگ لگائے لوگ تیز شوخ رنگوں میں ملبوس مرد جن کی آدھے جسم دھوتیوں سے ڈھانپے ہوئے ہیں ۔ باقی آدھے خوف میں مبتلا کیئے دیتے ہیں ۔ سانولے رنگوں پہ نارنجی لال رنگ لگائے لال لال آنکھوں سے اسے سر تا پیر جائزہ لیتی نظروں سے گھورتے ۔۔ انکے ننگے جسم میں موجود پسلیوں کی تعداد آرام سے گنی جا سکتی تھی ۔۔۔ سینے پہ موجود بال پسینے میں تر بتر ۔۔۔ پان چباتے مستانہ چال چلتے اس کی نگاہوں سے دور ہوئے جاتے تھے ان کی منزل مندر کے اندر بھگوان کے چرن تھی ۔۔
اسے لگتا وہ یہیں کھڑے چکرا کے گر پڑے گی ۔۔۔ دور سامنے سے اسکا بھائی آتا دکھائی دیا ۔۔۔ذرا ہمت بندھی ۔۔۔
بھائی کو سامنے پا کے ضبط تمام ہو چکا تھا ۔۔۔ دو آنسو آنکھوں کی باڑ پھلانگ گئے تھے ۔
ارے کیا ہوا ۔۔
گھر چلتے ہیں بھائی ۔۔۔
اتنی جلدی ۔۔
تم نے تو مندر اندر سے دیکھا بھی نہیں ۔۔
بھائی میری طبیعت خراب ہے مجھے نہیں دیکھنا ۔۔۔
اچھا ۔۔۔ کیا بی پی لو ہو رہا ہے ۔۔ چلو کچھ کھا لیتے ہیں ۔۔
وہ بھائی کے ساتھ نگاہیں جھکائے چل پڑتی ہے ۔۔۔ مندر کی صحن کے آگے ایک بڑا سا تالاب ہے جس میں طرح طرح کے لوگ اشنان کر رہے ہیں ۔۔۔۔ گدلا مٹیالا پانی ۔۔ ایک چھوٹے تالاب میں نہاتے اتنے سارے لوگ ۔۔۔ اسے ابکائیاں آنے لگیں ۔۔ وہ آنکھ بند کیئے تیز تیز قدم اٹھائے چلتی رہی ۔۔۔
یہ ایک ڈھابہ نما ہوٹل ہے ۔ جو مندر میں آنے والوں کے کھانے پینے کا بندو بست کرتا ہے ۔۔
سونا یہاں کھانا کھا لیں ۔
سونا ڈھابے کے مالک کو دیکھتی ہے جس کا چہرہ انھی رنگوں میں لتھڑا ہے جس کے بالوں سے پانی کے قطرے ٹپکتے ہیں وہ اسی تالاب سے نہا کے آیا ہے ۔ جو پان کی گلوری منہ میں رکھ کر کپڑوں سے ہاتھ صاف کرلیتا ہے ۔
بھائی ۔
جی ۔
یہ برتن پاک ہیں ؟
سونا ۔
بھائی اس کھانا پکانے والے نے ہاتھ دھوئے تھے ؟
سونا ۔۔۔۔
بسم اللہ پڑھی تھی ۔۔۔
سونا ۔۔۔
بھائی مجھے یہاں سے نکالیں میرا دم گھٹ رہا ہے ۔
تم مجھ سے ضد کر کے مجھے یہاں تک لائی ہو ۔۔۔
جو دیکھنا تھا دیکھ لیا اور کچھ نہیں دیکھنا ۔۔۔۔
گھر پہنچ کر وہ کتنی دیر خود پہ پانی بہاتی رہی ۔۔۔۔۔۔۔ اسے لگتا وہ گدلا پانی اس کے نتھنوں میں بس چکا ہے ۔۔ وہ مٹیالے وجود جن کی غلیظ نگاہیں اس کا احاطہ کرتیں وہ اس سے لپٹ کے آچکی ہیں ۔۔
میں آج فقط مندر دیکھنے گئی تھی ۔۔۔اگر میں روز گھر سے سکول کے لیے نکلتی اور راستے میں مندر ہوتا ۔۔۔ ننگ دھڑنگ سادھو وہاں بیٹھا رہتا تو میری زندگی کیسی ہوتی ؟؟؟
یہ سوچ اسے منجمد کر چکی تھی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آٹھ اکتوبر 2005
وقت ۔۔ آٹھ بج کر پچاس منٹ
اسلام آباد ایک تیز جھٹکے کی لپیٹ میں آتا ہے اور مارگلہ ٹاور زمیں بوس ہوجاتا ہے ۔۔۔ کشمیر پہ قہر ٹوٹ پڑتا ہے ۔۔۔ قیامت خیز زلزلہ بہت سی زندگیاں اجاڑ ڈالتا ہے ۔۔۔۔
وہ کراچی میں ٹی وی کھول کے ساکت و جامد بیٹھا ہے ۔ اس نے کہا تھا اس رمضان ہم بات نہیں کریں گے ۔۔۔ اس کی ہمت نہیں پڑتی وہ فون ملائے اور اسلام آباد میں رہنے والی روح سے پوچھ لے تم زندہ ہو ۔۔۔۔
قیامت سی قیامت تھی ۔۔۔
اگر وہ زندہ نہ ہوئی تو ۔۔۔
کیا اب ہمیں کبھی نہ مل پائیں گے ؟
کیا میں اسے کھو چکا ہوں ۔۔۔
وہ چھ فٹ کا مرد آنسوؤں سے رو رہا تھا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دو گھنٹے ۔۔۔۔۔دو صدیاں بن کے بیتی تھیں ۔۔۔۔ بھائی کی زندگی موت کا پتہ نہ چلتا تھا ۔۔۔ کہرام مچا ہوا تھا ۔۔۔۔ ہمارا بھائی ۔۔۔۔
فون کی گھنٹی کسی صور کی طرح بجتی ہے ۔۔۔
نہیں میں فون سننا نہیں چاہتی ۔۔۔۔
وہ خوف کا شکار ہے ۔
فون بجتا رہتا ہے ۔۔۔
آخر اسے یہ ہمت پیدا کرنی ہے ۔۔۔ کوئی تو خبر آئے کوئی تو بتائے وہ کہاں کھو گیا ہے ۔۔۔
وہ فون کان سے لگاتی ہے ۔۔۔
باجی وہ مل گیا ۔۔۔
زندہ یا ۔۔۔۔۔۔۔۔۔
باجی کے حلق سے آواز نہیں نکلتی ۔
ارے بالکل زندہ ٹھیک ٹھاک ۔۔۔
یہ شاپ میں بیسمنٹ میں سویا تھا فون میں چارجنگ نہیں تھی تب ہی بند تھا ۔ اسے تو پتہ بھی نہیں دھماکہ ہوا ہے ۔۔۔۔
دو گھنٹے بعد زندگی کی نوید ۔۔۔۔۔ وہ اللہ کا شکر ادا کرتی ہے ۔۔۔ اس پاکستان کی سر زمین پہ جس کے لیئے کتنی بہنوں نے بھائی کھو دئییے ۔۔۔۔ اسکی دوست کی دادی جو آج بھی سفید بالوں والے سر کو ہلاتے اپنے بھائیوں کو یاد کرتی ہیں جو 47 کی تقسیم میں کھو گئے تھے آج تک ان کی کوئی خبر نہیں آئی ۔۔
اور جانے کتنی بہنیں جنھیں آج بھی اپنے بھائیوں کے زندہ یا مردہ ہونے کی خبر کا انتظار ہے ۔۔
اس سے دو گھنٹے نہیں گزارے گئے تھے یہ کتنی دہایوں سے منتظر بیٹھی تھیں ۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ روتے روتے فون ملاتا ہے ۔۔۔۔۔ اس دعا کے ساتھ کہ اسکی آواز سنائی دے جائے ۔۔۔ کاش وہ زندہ ہو ۔۔۔۔۔ اللہ کرے وہ زندہ ہو ۔۔۔۔
دوسری طرف جاتی گھنٹی ۔۔۔۔
کوئی فون اٹھاتا ہے ۔۔۔
اس کے والد ۔۔۔
وہ کسی خوف میں مبتلا کسی انہونی کے ڈر سے فون رکھ دیتا ہے ۔
دوبارہ ملانے کی ہمت نہیں ۔۔۔
ملک میں کہرام مچا ہے ۔۔۔۔۔
ہسپتالوں میں لاشوں اور زخمیوں کے ڈھیر لگے ہیں ۔۔۔۔۔ کتنے پیارے آنکھوں سے اوجھل ہوگئے ۔۔۔ کتنی اپنوں سے بچھڑ چکے ہیں ۔
اللہ میری ایمان ۔۔۔۔۔
پوری رات وہ اسی تکلیف سے گزر کے سحری کے وقت جب پورا ملک اشک بار ہے دعاؤں میں ڈوبا ہے وہ بھی دعا گو اسکا نمبر ملاتا ہے ۔۔۔۔
کیا اسکی آواز کبھی دوبارہ اس فون سے آئے گی ۔۔۔۔
دوسری جانب فون اٹھایا جا چکا ھے ۔
وہی زندگی سے بھر پور آواز مصنوعی غصے میں گویا ہے ۔ آپ نے کہا تھا رمضان میں فون نہیں کریں گے ۔۔۔
سی ایل آئی پہ نمبر دیکھا ۔۔۔
ہاں ۔۔۔
تم ٹھیک ہو ۔۔۔۔
آپ نے حالات دیکھے ہیں ملک کے ۔۔۔
تب ہی فون کیا ہے ۔۔۔
اگر ہم بچھڑ جاتے تو ؟؟
دل بند ہونے لگتا ہے ۔۔۔
جانتی ہو ایمان 47 کی تقسیم میں کتنے پیارے ایک دوسرے سے بچھڑ گئے تھے ۔۔۔۔۔
دونوں کی آنکھیں اشک بار ہیں ۔۔۔
آنسو گر کر اس مٹی میں جذب ہوتے ہیں جس کے لیے کتنی سہاگنوں کے سہاگ اجڑے ۔۔۔
کتنے گھر بکھر گئے ۔۔۔ کتنی قربانیاں دی گیئں ۔۔۔۔۔
سن لینا اور کہہ دینا آسان ہوتا ہے ۔۔۔ خود پہ بیت جانا اپنے اوپر سہہ جانا کتنا مشکل کوئی ان سے پوچھتا ۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اگر ہم نے آنکھ کھولی ہوتی اور کوئی بھی اور ملک ہوتا تو کیا ہوتا ؟؟؟
بولو نا باجی چپ کیوں ہوگئی ۔۔۔۔۔
باجی کی آنکھ سے ویسے ہی آنسو گرتے ہیں جیسے وہ مہمان قائد اعظم اور پاکستان کے تذکرے پہ رو پڑے تھے ۔۔۔۔
اگر ہم نے آنکھ کھولی ہوتی اور کوئی اور ملک ہوتا تو بہت مشکل ہوتی ۔۔۔۔میں تمھارے ساتھ اپنے سکول نا جا سکتی بھائی راستے میں سادھو بیٹھا ہوتا ۔۔۔۔
مجھے تقسیم میں سرحد پار کرنی ہوتی تو تم بچھڑ جاتے میں یہ دکھ برداشت نہ کر سکتی بھائی ۔۔۔۔۔۔
کسی اور جگہ آنکھ کھولی ہوتی تو یہ آزادی یہ قہقہے نا ہوتے بھائی ۔۔۔۔۔ یہ فخر یہ مان نہ ہوتا کہ اس ملک کو اسلام کے نام پہ حاصل کیا ۔۔۔۔ یہ غرور نہ ہوتا کہ اس مٹی سے ان قربانیوں کی خوشبو آتی ہے جو ہمارے پرکھوں نے دیں ۔۔۔
سلام پاکستان ۔۔۔
 
آخری تدوین:
Top