گیارہویں سالگرہ ایک دفعہ کا ذکر ہے۔۔۔۔۔۔۔۔۔۔

لاریب مرزا

محفلین
ایک دفعہ کا ذکر ہے ہم نے سوچا کہ کیوں نہ گھوم پھر کر دنیا کی سیر کی جائے۔ سو ہم نے ارادہ باندھا اور لگے اس تلاش میں کہ ہمارے لیے دنیا دیکھنے کا بہترین ذریعہ کیا ہو سکتا ہے؟؟ :question:

اتفاقاً ہی ہمیں ایک ٹرین نظر آ گئی جو بہت لمبی تھی اور باہر سے ہی بہت رنگا رنگ اور خوبصورت تھی، ہمارا جی للچایا کہ کیوں نہ اسی پر سوار ہوا جائے، یقیناً یہ ہمیں دنیا کی کچھ نہ کچھ سیر تو کرا ہی دے گی، اور باہر سے اتنی دلکش ہے تو یقیناً اندر سے بھی خوبصورت ہی ہو گی۔ :daydreaming: ایسی ٹرین اس سے پہلے ہم نے کبھی نہ دیکھی تھی اور مزے کی بات یہ تھی کہ یہ ہوا میں سفر کرتی تھی۔ ٹرین کے مختلف ڈبوں کے مختلف نام رکھے ہوئے تھے اور ہر ڈبہ اپنی مثال آپ تھا۔ کہیں لوگ گپ شپ میں مصروف تھے، کہیں انٹرویو چل رہےتھے، کہیں فلموں اور گانوں کی باتیں ہو رہی تھیں، کہیں ادبی محفل سجی تھی، کہیں لوگ اپنا اپنا کلام پیش کرتے دکھائی پڑے تو کہیں سائنسی علوم پر بحث چل رہی تھی۔ اور تو اور کہیں مختلف پکوان بھی پکائے جا رہے تھے، اور نت نئے پکوان کھانے کے ہم ویسے ہی بڑے دلدادہ۔۔ :D

ہم نے ذرا غور کیا تو معلوم پڑا کہ اندر جانے کے لیے ٹکٹ بھی لینا ہو گا۔ تو جناب، ہم بھی لگ گئے لائن میں، :loser: کافی انتظار کے بعد ہمیں ٹکٹ مل ہی گیا، ہم سجدہ شکر بجا لائے اور تعارف والے ڈبے سے ٹرین میں سوار ہو گئے۔ :peacesign:
یہ تھی۔۔۔۔۔۔۔۔۔۔ ہماری پیاری اردو محفل!! :daydreaming:

جتنا رنگا رنگ اور پرکشش ہم نے اردو محفل کو باہر سے پایا ، اندر آنے پر تو محفل کی چکا چوند نے ہمیں اپنا اسیر ہی کر لیا۔ :daydreaming: وہ دن اور آج کا دن، ہم اس ٹرین پر سوار جہاں دنیا کے مختلف حصوں کی سیر سے لطف اندوز ہوتے چلے آ رہے ہیں، وہیں اپنے جیسی رنگ برنگی مخلوق سے بات چیت کا سلسلہ بھی جاری رکھے ہوئے ہیں۔ :rolleyes:

ایک دفعہ کا ذکر ہے کہ ہم انگریزی کی معلمہ ہو گئے۔ پہلے ہی دن یہ حکم شاہی صادر کیا گیا کہ طالبات کے ساتھ پٹر پٹر انگریزی بولنی ہے۔ :heehee: ہم حکم تو بجا لائے اور ایسا لائے کہ یہ غلط فہمی جنگل میں آگ کی طرح پھیل گئی کہ ہمیں اردو بولنی نہیں آتی۔۔۔۔ اس الزام پہ ہمیں تو چنداں اعتراض نہ تھا اور ہم طالبات کی یہ غلط فہمی دور ہی نہ کرتے اگر ان کی اردو کی خستہ حالی محسوس نہ کر لیتے۔۔۔ :sad2:

اردو محفل کا حصہ بننے کے بعد ہمیں یہ بات بہت شدت سے محسوس ہوئی کہ اس پیاری زبان میں ایک بدیسی زبان کی بہت ملاوٹ ہو رہی ہے۔ اور یہ ملاوٹ ایسی کہ یوں لگنے لگتا جیسے اردو کا وجود ہی ختم ہوتا جا رہا ہے۔۔۔ :nailbiting: اس صورت حال نے ہمیں تو بہت پریشان کیا.. ہم نے اپنے ذہن میں ایک منصوبہ بنایا اور اس پر عمل درآمد کے لیے تیار ہو گئے۔ :thumbsup: اگلے دن ہم منصوبے کے تحت جماعت میں شور کرنے والی کچھ طالبات سے کچھ یوں گویا ہوئے..

"طالبات!! خاموشی اختیار کیجیے، بصورت دیگر، ہم یہ جماعت چھوڑ کر چلے جائیں گے اور باوجود آپ کی لاکھ التجاؤں کے، یہاں قدم رنجہ نہ فرمائیں گے۔ " :ROFLMAO:

جماعت میں تو سب کو جیسے اینا کونڈا ہی سونگھ گیا (سانپ تو اکثر سونگھتا رہتا ہے)۔۔ :heehee: کچھ دیر کی سب سے سستی خاموشی کے بعد ایک صدا آئی!!
"میم آپ اردو بولتی ہیں تو بڑی نئی نئی لگتی ہیں۔ " :rollingonthefloor:

ہم نے کہا کہ آج کے بعد ہم آپ کو ہر تیسرے دن نئے نئے لگا کریں گے۔ ہمارے پیریڈ میں ہفتے میں دو دفعہ آخری پانچ منٹ میں خالص اردو بولی جائے گی۔ جس میں کوئی طالبہ انگریزی کا ایک بھی لفظ نہیں بولے گی۔ :happy: طالبات کو یہ کھیل بہت دلچسپ لگا اور اس طرح غیر محسوس طریقے سے ہم نے ان کے ذہن میں یہ بات بٹھائی کہ کم از کم اردو کو اردو کی طرح بولیں اور اس میں انگریزی کی ملاوٹ نہ کریں۔ :peacesign:

اسی دن جب ہم جماعت سے جانے لگے تو طالبات نے ضد کی کہ ہمیں خالص اردو میں کچھ اور بھی سنائیں نا ۔۔۔۔۔ :drooling: ہمارے ذہن میں اور تو کچھ نہ آیا، سو ہم نے کسی زمانے میں پڑھا ہوا یہ لطیفہ ہی سنا ڈالا۔۔۔

لکھنؤ میں دو بچے لڑ رہے تھے۔
پہلا بچہ: دیکھیے! اگر آپ ہماری بات نہیں مانیں گے تو ہم آپ کے والدِ محترم کی شان میں گستاخانہ کلمات پیش کریں گے۔
دوسرا بچہ:: حضور!! ہم بھی آپ کی گال پر ایسا طمانچہ بجا لائیں گے کہ گال گلاب کی مانند چمکنے لگے گا۔ :laughing:

طالبات ہوئیں ہنستے ہنستے بے حال اور ہم ہوئے انھیں دیکھ کر بے تحاشہ نہال :daydreaming:

شاید۔۔۔۔ اردو محفل کے رکن نہ ہوتے تو کبھی بھی اپنے اندر یا طالبات میں یہ سدھار لانے کی نہ سوچتے۔ :)

ہماری پیاری اردو محفل!! :daydreaming:

لیں جی!! اتنی پیاری اور راج دلاری سی اردو محفل ہو اور ہم محفل کی سالگرہ پر مبارکباد پیش نہ کریں۔ ناممکن!! لہٰذا اب باری ہے اردو محفل کو سالگرہ کی مبارکباد دینے کی.. :party::bomb1::birthdaycake::present:
images7_zpstdfboxzg.jpg

یہ رہا کیک!! :rolleyes:

MIvAhcRRHDBMDnpAveUJFKfqeSrlOjCSClJFeZInDFO4mMfl8oiHlWzxqWIpw95Yl7XSAR_JdYKyJsYPwgb8K6kLt6Iw384-h384-nc_zps0dlm470m.png

غباروں کے بغیر تو سالگرہ ہوتی ہی نہیں :rolleyes:

FB_IMG_1467140592054_zpskqz0twij.jpg


انتظامیہ اور تمام محفلین کو پیاری ، دلاری اور نیاری اردو محفل کی گیارہویں سالگرہ کی ڈھیروں ڈھیر مبارکباد!! ہماری دعا ہے کہ اردو محفل خوب پھلے پھولے اور محفل کی رونقیں ہمیشہ ہمیشہ برقرار رہیں۔ ہمارے ساتھ بھی اور ہمارے بعد بھی۔۔:lovestruck:
 
وا جی وا.
مرزا صاحبہ نے تو سالگرہ کے آتے ساتھ ہی چهکا جڑ دیا. زبردست. اعلیٰ اور لاجواب

اک مہربانی کیجیے گا, اینا کونڈا وہیں جماعت میں رکهئے گا. محفل پر چنداں ضرورت نہیں, ایتهے اگے ای بڑے
 

غدیر زھرا

لائبریرین
ایک دفعہ کا ذکر ہے چہرہ رکھتی کتاب پر ہمیں ایک لڑکی ملی جس سے گفتگو سے آغاز میں ہی ہمیں اتنی گاڑھی اردو بولنے پر سوالوں کی زد میں لے لیا گیا کیسے بولتی ہیں مجھے بھی سیکھائیے ہم اپنی اردو بارے ادراک رکھتے شرمندہ شرمندہ سے بولے کہ محترمہ آپ مطالعہ کیجئے اردو ادب کے مطالعہ سے نہ صرف اردو زبان سیکھیں گی بلکہ اور بھی بہت کچھ پانے کے امکانات ہیں..ہمیں نہیں معلوم تھا کہ وہ اگلے ہی دن اشفاق صاحب کی کتب لیے آن موجود ہوں گی کہ لیجئے ہمارا "ٹاسک" شروع :) اس دن کے بعد سٹیٹس بھی اچانک اردو میں وارد ہونے لگے اور گاڑھی اردو سے ان کی گاڑھی چھننے لگی :sneaky: تبھی احساس ہو گیا تھا کہ یہاں "تلاش" اور سیکھنے کی لگن اپنے عروج پر ہے :love::love::love: اس کے بعد رابطہ تب ہوا جب علم ہوا کہ لاریب مرزا کو چھ ماہ ہو گئے ہیں محفل کی رکنیت اختیار کیے اور اب یہ حال ہے کہ ہم اتنی پیاری بہنا کی پیاری پیاری باتیں پڑھتے ہیں اور آج کی اتنی زبردست تحریر پر داد کو لفظ تلاشتے ہیں :love::love::love:
 

لاریب مرزا

محفلین
خوبصورت تحریر ہے لاریب، لازوال، لاجواب :)
تحریر کی پسندیدگی کے لیے شکریہ وارث بھائی!! :)

واہ، بہت عمدہ۔ زبردست لاریب بہن۔
اب لکھنا جاری رکھئے گا۔ :)
بہت شکریہ تابش بھائی!!
ہم پہلے بھی کہہ چکے ہیں کہ ہم نے لکھنا شروع کر دیا تو لکھنے والے لکھنا چھوڑ دیں گے۔ :D
یہ تو بس محفل کے لیے چند جذبے صفحہ قرطاس پر بکھیر دیے ہیں۔ :love:

واہ
بہت خوبصورت تحریر اردو محفل کی طرح
اردو محفل بلاشبہ بہت خوبصورت ہے۔ تحریر بھی آپ کو اچھی لگی جزاک اللہ!! :)
 

لاریب مرزا

محفلین
وا جی وا.
مرزا صاحبہ نے تو سالگرہ کے آتے ساتھ ہی چهکا جڑ دیا.
ارررے کل سارا دن ہم نے انتظار کیا کہ تقریبات ابھی شروع ہوں گی کہ ابھی۔ ہم سے تو مزید صبر نہ ہوا۔ ہم نے ہی پہل کر دی۔
کوئی تو شروع کرے گا ہی، گھبرائیں کیا؟؟ :)

زبردست. اعلیٰ اور لاجواب
پسندیدگی کے لیے شکریہ!!

اک مہربانی کیجیے گا, اینا کونڈا وہیں جماعت میں رکهئے گا. محفل پر چنداں ضرورت نہیں, ایتهے اگے ای بڑے
جی جی!! اینا کونڈا تو سکول میں ہی رکھیں گے۔ ادھر ہمارے پاس توپ ہے نا گولہ باری کے لیے :D
 

لاریب مرزا

محفلین
بلاشبہ بہت خوب صورت انداز میں اردو محفل کو خراج تحسین پیش کیا ۔۔۔
بلاشک!!
بات جو دل سے نکلتی ہے اثر رکھتی ہے :)
آپ کو تحریر اچھی لگی ، ہمیں خوشی ہوئی :)

بہت سی دعاؤں بھری داد و مبارکباد
بہت دعائیں
جزاک اللہ!! :)
 

لاریب مرزا

محفلین
بہت عمده بئی آپ نے بہت اچھا لکھا ہے ، اللّه کرے زور قلم اور ،
محمد تابش بھائی کی بات بهی قابلِ غور ہے .
بہت شکریہ یوسف بھائی!! :)
ذرا ہمارا جواب پڑھیں تابش بھائی کے مراسلے ہر ، وہ زیادہ قابلِ غور ہے۔ :heehee:

واہ بھئی واہ!
بہت ہی اچھی تحریر لاریب مرزا!
مثبت سوچ اور خوبصورت طرزِ تحریر
بے حد شکریہ جاسمن بہنا!! آپ کو پسند آئی، گویا ہماری محنت وصول ہوئی۔ :love:
 

لاریب مرزا

محفلین
ایک دفعہ کا ذکر ہے چہرہ رکھتی کتاب پر ہمیں ایک لڑکی ملی جس سے گفتگو سے آغاز میں ہی ہمیں اتنی گاڑھی اردو بولنے پر سوالوں کی زد میں لے لیا گیا کیسے بولتی ہیں مجھے بھی سیکھائیے ہم اپنی اردو بارے ادراک رکھتے شرمندہ شرمندہ سے بولے کہ محترمہ آپ مطالعہ کیجئے اردو ادب کے مطالعہ سے نہ صرف اردو زبان سیکھیں گی بلکہ اور بھی بہت کچھ پانے کے امکانات ہیں..ہمیں نہیں معلوم تھا کہ وہ اگلے ہی دن اشفاق صاحب کی کتب لیے آن موجود ہوں گی کہ لیجئے ہمارا "ٹاسک" شروع :) اس دن کے بعد سٹیٹس بھی اچانک اردو میں وارد ہونے لگے اور گاڑھی اردو سے ان کی گاڑھی چھننے لگی :sneaky: تبھی احساس ہو گیا تھا کہ یہاں "تلاش" اور سیکھنے کی لگن اپنے عروج پر ہے :love::love::love: اس کے بعد رابطہ تب ہوا جب علم ہوا کہ لاریب مرزا کو چھ ماہ ہو گئے ہیں محفل کی رکنیت اختیار کیے اور اب یہ حال ہے کہ ہم اتنی پیاری بہنا کی پیاری پیاری باتیں پڑھتے ہیں اور آج کی اتنی زبردست تحریر پر داد کو لفظ تلاشتے ہیں :love::love::love:
ہاہاہاہاہاہا۔۔۔ :ROFLMAO:
یہ اان دنوں کی بات ہے جب ہم طالب علم بھی نہیں ہوا کرتے تھے۔ اور اچھی اردو بولنے والوں کو رشک کی نظر سے دیکھا کرتے تھے۔ اب تو ہم بھی طالب علم ہو گئے ہیں۔ :D
آپ سے ملاقات بھی ایک بہت اچھا اتفاق تھا۔ اس وقت ہم نہیں جانتے تھے کہ آپ اردو محفل کا حصہ ہیں۔ یہاں آ کے تو ہم انگشت بدنداں ہیں کہ اردو ادب اصل میں ہے کیا۔ شکر ہے اچھی جگہ ہی پہنچے۔ :rolleyes:

تحریر کی پسندیدگی کے لیے شکریہ!! :love:
محفل کی سالگرہ کے موقع پر آپ کی طرف سے بھی ایک خوبصورت تحریر کا انتظار رہے گا۔ :)
 

لاریب مرزا

محفلین
بہت اعلیٰ لاریب بہنا۔ بہت ہی عمدہ ہلکی پھلکی شگفتہ سی تحریر لکھی ہے۔:):)
ہلکی پھلکی تحریر کی پسندیدگی کے لیے بھاری بھر کم شکریہ!! :)

ہم بہت سنجیدہ چہرہ بنا کر بھی بیٹھیں تو بھی ہم سے کچھ ایسی ہی تحریر سرزد ہوتی ہے۔ :heehee:
 
Top