حمامِ قجر قزوین کے بزرگ ترین اور قدیم ترین گرم حمّاموں میں سے ایک ہے جو حالِ حاضر میں عجائب خانۂ مردُم شناسی میں تبدیل ہو چکا ہے۔ حمامِ قجر شاہ عباس صفوی کے حکم سے اور امیر گونہ خان قاجار قزوینی کے توسط سے ۱۰۵۷ ہجری میں تعمیر ہوا تھا۔ یہ حمام اپنے ابتدائی سالوں میں 'حمّامِ شاہی' کے نام سے معروف تھا۔
اثناعشری شیعوں کے امامِ ہشتم امام علی رضا کے فرزند 'حُسین' کا مقبرہ، جن کا انتقال ۲۰۱ ہجری میں ہوا تھا۔ یہ عمارت قدیم زمانے سے مردُمِ قزوین کی زیارتگاہ رہی ہے۔ اِس مقبرے کی عمارت اصالتاً ایلخانی دور سے تعلق رکھتی ہے، لیکن شاہ طہماسب صفوی کی دختر زینب بیگم کے حکم سے اِس کی تعمیرِ نو ہوئی تھی۔
