اُمید افزا اور ہمت بڑھانے والے اشعار

[محمد اسامہ سَرسَری]

آس کا دامن نہ چھوڑو یار، آسی دیکھنا
مشکلیں جو آج ہیں ہو جائیں گی آسان کل​

زبردست۔۔۔ پہلے آس۔۔۔ پھر آسی۔۔۔ پھر آسان۔۔۔ یعنی اس شعر میں تو آس ہی آس ہے۔

 

[محمد محبوب]

وقت اچھا بھی آئے گا ناصر
غم نہ کر زندگی پڑی ہے ابھی

ناصر کاظمی

 

[محمد محبوب]

اے رضا ہر کام کا اک وقت ہے
دل کو بھی آرام ہو ہی جائے گا
مولانا احمد رضا خان

 

[محمد علم اللہ]

پی جا ایام کی تلخی کو ہنس کر ناصر
غم کے سہنے میں بھی قدرت نے مزا رکھا ہے

 

[اوشو]

وہ مرد نہیں جو ڈر جائے حالات کے خونیں منظر سے
جس حال میں جینا مشکل ہو ، اس حال میں جینا لازم ہے​

 

[محمد علم اللہ]

سانجھ اب ہو چلی چو دیس، کہاں بیٹھے ہو
گھر چلو، یہ اب بھی یہ امّید بھلا کس کی ہے
اعجاز عبید

 

[محمد علم اللہ]

کشتیِ جاں تھی کہ سیلِ آب میں بہتی رہی
آندھیوں میں اک چراغِ بے سپر روشن رہا
اعجاز عبید

 

[محمد علم اللہ]

میں نہتّا ۔ بے سپر ۔ اسلحہ مرا صرف جلنے کی آرزو
میں چراغِ شب ہوں عجیب شے کہ غنیمِ شب سے لڑا کروں
اعجاز عبید

 

[اوشو]

وہ مرد نہیں جو ڈر جائے حالات کے خونیں منظر سے
جس حال میں جینا مشکل ہو ، اس حال میں جینا لازم ہے

 

[ساقی۔]

اے دل تجھے قسم ہے تو ہمت نہ ہارنا
دن زندگی کے جیسے بھی گزرے گزارنا

الفت کے راستے میں ملیں گے ہزار غم
بن جائے جان پر بھی تو غم سے نہ ہارنا

رونے سے کم نہ ہوں گی کبھی تیری مشکلیں
بگڑے ہوئے نصیب کو ہنس کر سوارنا

دنیا ستم کرے تو نہ کرنا کوئی گلہ
جو تیرے ہو چکے ہیں تو ان کو پکارنا​

 

[محمد یعقوب آسی]

بانگِ درا سے ایک خوبصورت شعر


نہیں ہے چیز نکمی کوئی زمانے میں
کوئی برا نہیں قدرت کے کارخانے میں

آپ کی اس خوب صورت بات پر ۔۔ علامہ صاحب کے کچھ بہت خوبصورت اشعار ۔۔

خدائے لم یزل کا دست قدرت تو، زباں تو ہے
یقیں پیدا کر اے غافل کہ مغلوب گماں تو ہے

پرے ہے چرخ نیلی فام سے منزل مسلماں کی
ستارے جس کی گرد راہ ہوں، وہ کارواں تو ہے

مکاں فانی، مکیں آنی، ازل تیرا، ابد تیرا
خدا کا آخری پیغام ہے تو، جاوداں تو ہے

حنا بند عروس لالہ ہے خون جگر تیرا
تری نسبت براہیمی ہے، معمار جہاں تو ہے

تری فطرت امیں ہے ممکنات زندگانی کی
جہاں کے جوہر مضمر کا گویا امتحاں تو ہے

جہان آب و گل سے عالم جاوید کی خاطر
نبوت ساتھ جس کو لے گئی وہ ارمغاں تو ہے

یہ نکتہ سرگزشت ملت بیضا سے ہے پیدا
کہ اقوام زمین ایشیا کا پاسباں تو ہے

سبق پھر پڑھ صداقت کا، عدالت کا، شجاعت کا
لیا جائے گا تجھ سے کام دنیا کی امامت کا

۔۔۔ آداب

 

[محمداحمد]

واہ واہ واہ

اس لڑی میں بھی خوب کلام پیش کیا گیا ہے جسے ہم نے کافی دنوں بعد دیکھا۔

 

[محمد یعقوب آسی]

واہ واہ واہ

اس لڑی میں بھی خوب کلام پیش کیا گیا ہے جسے ہم نے کافی دنوں بعد دیکھا۔

کچھ اپنا حصہ بھی ڈال دیجئے!۔

 

[محمداحمد]

وقت کی تیز تپتی ہوئی ریت پر پڑ گئے پاؤں میں آبلے دوستو
سانس اُکھڑا کیا، جسم ٹوٹا کیا، ہم نہ ہارے مگر حوصلے دوستو

مرتضیٰ برلاس​

 

[عبد الرحمن]

مجھے ڈرا نہیں سکتی فضا کی تاریکی
مری سرشت میں ہے پاکی و درخشانی
تو اے مسافر شب! خود چراغ بن اپنا
کر اپنی رات کو داغ جگر سے نورانی​

 

[ساقی۔]

موضوع نے ہمت بڑھا دی ہے اس لیے بے فکری سے اپنی نظم پیش کر سکتا ہوں۔

رات ہی تو ہے آخر
رات کٹ ہی جائے گی
تیرگی کے بڑھنے سے
راستے جو کھو جائیں
تم ذرا نہ گھبرانا
ڈر کے رک گئے جو تم
فیصلے پہ اپنے پھر
ہو گا تم کو پچھتاوا
رات ہی تو ہے آخر
رات کٹ ہی جائے گی
تیرگی کے پہلو سے
چاند پھر بھی نکلے گا
رات کے اندھیروں کی
موت بن کے چمکے گا
سوچ مت ذرا بھی یہ
راہ میں شکاری ہیں
حوصلے جواں رکھنا
منزلیں تمھاری ہیں​

 

[محمداحمد]

موضوع نے ہمت بڑھا دی ہے اس لیے بے فکری سے اپنی نظم پیش کر سکتا ہوں۔

لاجواب ! یعنی یہ کوشش کامیاب رہی۔

 

[محمداحمد]

موضوع نے ہمت بڑھا دی ہے اس لیے بے فکری سے اپنی نظم پیش کر سکتا ہوں۔

رات ہی تو ہے آخر
رات کٹ ہی جائے گی
تیرگی کے بڑھتے ہی
راستے جو کھو جائیں
تم ذرا نہ گھبرانا
ڈر کے رک گئے جو تم
فیصلے پہ اپنے پھر
ہو گا تم کو پچھتاوا
رات ہی تو ہے آخر
رات کٹ ہی جائے گی
تیرگی کے پہلو سے
چاند پھر بھی نکلے گا
رات کے اندھیروں کی
موت بن کے چمکے گا
سوچ مت ذرا بھی یہ
راہ میں شکاری ہیں
حوصلے جواں رکھنا
منزلیں تمھاری ہیں​

واہ واہ واہ

لاجواب ہے بھائی ۔۔۔۔!

زبردست۔۔۔!

ایسے ہی لکھتے رہیے۔

 

[ساقی۔]

لاجواب ! یعنی یہ کوشش کامیاب رہی۔

سو %

واہ واہ واہ
لاجواب ہے بھائی ۔۔۔ ۔!
زبردست۔۔۔ !
ایسے ہی لکھتے رہیے۔

اتنی داد ملی ہے اب تو لکھنا ہی پڑے گا۔

 

[عبد الرحمن]

ہم نے طے کی اس طرح سے منزلیں
گر پڑے گر کر اٹھے اٹھ کر چلے​