انور مسعود

رضوان

محفلین
سر درد ميں گولي يہ بڑي زود اثر ہے
پر تھوڑا سا نقصان بھي ھوسکتا ہے اس سے

ہو سکتي پيدا کوئي تبخير کي صورت
دل تنگ و پريشان بھي ہوسکتا ہے اس سے

ہوسکتي ہے کچھ ثقل سماعت کي شکايت
بے کار کوئي کان بھي ہوسکتا ہے اس سے

ممکن ہے خرابي کوئي ہوجائے جگر ميں
ہاں آپ کو يرقان بھي ہوسکتا ہے اس سے

پڑسکتي ہے کچھ جلد خراشي کي ضرورت
خارش کا کچھ امکان بھي ہوسکتا اس سے

ہوسکتي ہيں ياديں بھي ذرا اس سے متاثر
معمولي سا نسيان بھي ھوسکتا ہے اس سے

بينائي کے حق ميں بھي يہ گولي نہيں اچھي
ديدہ کوئي حيران بھي ہوسکتا ہے اس سے

ہوسکتا ہے لاحق کوئي پيچيدہ مرض بھي
گردہ کوئي ويران بھي ہوسکتا ہے اس سے

ممکن ہے کہ ہوجائے نشہ اس سے ذرا سا
پھر آپ کا چالان بھي ہوسکتا ہے اس سے
 

رضوان

محفلین
ہے آپ کے ہونٹوں پر جو مسکان وغيرہ
قربان گئے اس پہ دل وجان وغيرہ
بلي تو يو نہي مفت ميں بد نام ھوئي ہے
تھيلے ميں تو کچھ اور تھا سامان وغيرہ

بے حرص و غرض فرض ادا کيجئيے اپنا
جس طرح پولس کرتي ہے چالان وغيرہ

اب ہوش نہيں کوئي کہ بادام کہاں ہے
اب اپني ہتھيلي پہ ہيں دندان وغيرہ

کس ناز سے وہ نظم کو کہہ ديتے ہيں نثري
جب اس کے خطا ہوتے ہيں اوزان وغيرہ

ہر شرٹ کي بشرٹ بنا ڈالي ہے انور
يوں چاک کيا ہم نے گريباں وغيرہ
 

عبدالجبار

محفلین
مرد ہونی چاہیئے، خاتون ہونا چاہیئے

مرد ہونی چاہیے، خاتون ہونا چاہیے
اب گریمر کا یہی قانون ہونا چاہیے

رات کو بچے پڑھائی کی اذیت سے بچیں
ان کو ٹی وی کا بہت ممنون ہونا چاہیے

دوستو! انگلش ضروری ہے ہمارے واسطے
فیل ہونے کو بھی اک مضمون ہونا چاہیے

نرسری کا داخلہ بھی سرسری مت جانئیے
آپ کے بچے کو افلاطون ہونا چاہیے

صرف محنت کیا ہے، انور کامیابی کے لئے
کوئی “اوپر“ سے بھی ٹیلیفون ہونا چاہیے

(انور مسعود)​
 
Top