کیا پاکستان میں انگریزی صرف اشرافیہ سیکھتے ہیں ؟
عثمان بھائی ایک محاورہ ہے کوّا چلا ہنس کی چال اور اپنی بھی بھول گیا. انگریزی علم وادب کا مطالعہ بُرا نہیں لیکن اسے ذریعہ تعلیم بنانا غلط ہے. باقی دلائل میں پہلے دے چکاہوں اگر آپ طبقاتی تفریق اور استحصال میں موجودہ نظامِ تعلیم کا رول سمجھ لیں تو آپ کو اپنے سارے سوالوں کےجواب باآسانی مل جائیں گے. پاکستان میں جہاں لوگ زندگی کی بنیادی سہولیات سے محروم ہیں. عوام زندگی کو قیدِ بامشقت کی طرح کاٹ رہے ہوں وہاں بدیسی زبان میں علوم سیکھنا عمومی طور پر ایک ناقابل حصول عیاشی بن کر رہ جاتا ہے. متعدد ریسرچز موجود ہیں جو زبان اور تعلیم کےباہمی ربط کو اُجاگر کرتی ہیں. اگر آپ نے کُچھ مختلف سمجھا ہے تو ہمیں بھی سمجھائیں کہ ہمارا بھی بھلا ہو
میری رائے میں انگریزی ذریعہ تعلیم کی سہولت اور انتخاب معاشرے کے تمام طبقات کو مہیا ہو تو طبقاتی فرق کم ہوگا۔ اگر مسئلہ رہ جائے گا تو صرف معیاری تعلیم کا۔عثمان بھائی ایک محاورہ ہے کوّا چلا ہنس کی چال اور اپنی بھی بھول گیا. انگریزی علم وادب کا مطالعہ بُرا نہیں لیکن اسے ذریعہ علم بنانا غلط ہے. باقی دلائل میں پہلے دے چکاہوں اگر آپ طبقاتی تفریق اور استحصال میں موجودہ نظامِ تعلیم کا رول سمجھ لیں تو آپ کو اپنے سارے سوالوں کےجواب باآسانی مل جائیں گے. پاکستان میں جہاں لوگ زندگی کی بنیادی سہولیات سے محروم ہیں. عوام زندگی کو قیدِ بامشقت کی طرح کاٹ رہے ہوں وہاں بدیسی زبان میں علوم سیکھنا عمومی طور پر ایک ناقابل حصول عیاشی بن کر رہ جاتا ہے. متعدد ریسرچز موجود ہیں جو زبان اور تعلیم کےباہمی ربط کو اُجاگر کرتی ہیں. اگر آپ نے کُچھ مختلف سمجھا ہے تو ہمیں بھی سمجھائیں کہ ہمارا بھی بھلا ہو
آپ کی سوچ مثبت ہے. ہندوؤں نے انگریزی کو تیزی سے اپنایا اُنہوں نے اس کا کل بھی فائدہ اُٹھایا اور آج بھی شائد وہ سائنس اور ٹیکنالوجی میں ہم سے آگے ہیں سافٹ وئیر ایکسپورٹس اور سپیس ٹیکنالوجی میں اُس کی کامیابیاں ہمارے سامنے ہیں لیکن پھر بھی انڈیا اور جاپان میں ناقابلِ عبور فرق ہے. میری ناقص سوچ یہ ہے کہ انگریزی میں بہت زور مار کر ہم شائد انڈیا کی برابری کر لیں لیکن اگر ہم اپنی زبان کو ذریعہ تعلیم بنا سکیں تو ممکن ہے ہم بھی جاپان, جرمنی, فرانس اور اٹلی جیسے ممالک کے برابر ہو پائیں.
دخل در معقولا ت کے لیے معذرت، لیکن آپ کے اخذ شدہ نتیجے سے تو یہ لگتا ہے کہ جاپان، جرمنی، فرانس اور اٹلی کی ان عظیم الشان ترقیوں اور کامیابیوں کا تمام راز صرف اپنی مادری زبان میں تعلیم کا نظام ہے؟ تو کیا پاکستان کے موجودہ سیاسی، سماجی، معاشی، اخلاقی، طبقاتی ، خراباتی اور منہدم نظاموں کے ہوتے ہوئے فقط مادری زبان کو ذریعہ تعلیم بنانے سے ہم "فور سی ایبل فیوچر" میں کوئی موہوم سی توقع بھی رکھ سکتے ہیں کہ ہم ان مذکورہ ممالک کے برابر آ کھڑے ہونگے؟
مگر یہ اقدام شائد اس منہدم نظام کے لیے آخری کیلوں میں سے ایک ہوگا۔ جس کے بعد نیے سرے سے تعمیر مضبوط بنیادوں پر کی جاسکے گی۔
موجود کو منہدم کرنا یا آخری کیل ٹھونکنا سب کو بہت اچھا لگتا ہے لیکن غالب امکان ہے کہ موجودہ نظام کو منہدم کرنے کے بعد نئے بہتر نظام کی جگہ کوئی نظام ہی نہ رہے
جی ہاں تخریب کے بعد تعمیر ہو سکتی ہے بشرطیکہ معمار ، بیمار اور بیکار نہ ہوں اور سوچ بچار اور اسباب مہیا پہلے سے کر رکھے ہوں، ویسے ایسی"مضبوط بنیادوں" پر تعمیر پاکستان میں ستر سال سے ہو رہی ہے ۔ ہمارے ہمسائے تھے، ان کو اپنا گھر توڑنے کا شوق تھا، ہر دو چار سال بعد گھر توڑ کر سوچتے تھے کہ اب کیسے اور کیا بناؤں، ان کا ذاتی معاملہ تھا، مصیبت یہ تھی کہ ملبے اور دھول مٹی سے ہماری ناک میں دم کیے رکھتے تھے
اصولی طور پر یہی بات پنجابی، سندھی اور سرائیکی وغیرہ کے حق میں بھی کہی جاسکتی ہے۔ آخر ترقی کسی مخصوص زبان کے ساتھ لازم تو نہیں۔ تاہم معاملہ ایک دستیاب اور چلتے نظام کو بہتر بنانے یا اسے اکھاڑ کر پہیہ ازسرنو ایجاد کرنے کے مابین ہے۔
جدید جمہوریت سے آپ لوگ نالاں ہیں۔ عدالتی نظام آپ کو پسند نہیں۔ جدید بیوروکریسی سے آپ بیزار ہیں۔ انگریزی نظام سے آپ کو نفرت ہے۔
جناب غلط اقتباس لیا ہے آپ نے۔
اقتباس اور پس منظر بالکل درست ہیں۔
آپ کے طرزِ عمل سے آپ کا پس منظر سمجھنا زیادہ آسان ہے۔
آپ کے تبصروں سے میرا خیال ہے کہ آپ کا تعلق پاکستان کے اس مکتبہ فکر سے ہے جو مغربی جمہوریت کی بجائے کسی مذہبی خلافت کا خواہاں ہے۔
”مغربی جمہوریت“کو مغرب میں رہنے دیجیے۔اپنی گفتگو پر آپ کی گرفت کمزور ہےنتیجتاً یہ بحث بھی۔شکریہ۔
کوئی قباحت نہیں بس ہر سطح پر انگلش کے اچھے معلم اور اس کے سیکھنے کا شوق رکھنے والے طلبا کی ضرورت ہو گی. جب کہ اپنی زبان اپنانے کی صورت میں ہر بچہ طالب علم اور تقریباً ہر بڑا معلم کا کردار ادا کرے گا اور تدریس کا دائرہ کار بہت بڑھ جائے گا. کہیں تو ہمیں بھی دوسروں کے تجربات سے سبق لینا ہو گا سارے اچھے برے تجربات سے گزرنا راستے زندگی سے زیادہ طویل کر دیتا ہے.
وارث بھائی کہتے ہیں کہ ایک مضبوط زنجیر اپنی سب سے کمزور کڑی جتنی ہی مضبوط ہوتی ہے. تو تعلیمی نظام پورے معاشرتی نظام کی بنیادی اور اہم ترین کڑیوں میں سے ایک ہے پورا معاشرتی نظام تو بہرحال نہیں ہے. نظامِ انصاف صحت مند معاشروں میں آکسیجن جتنا ضروری یے اس کی اہمیت سے کون انکار کر سکتا ہے. اسی طرح دفاعی نظام آپ کی بقا و فنا کے معاملات میں فیصلہ کن اہمیت رکھتا یے آپ کو کچھ سمجھانا سورج کو چراغ دکھانے جیسا عمل ہے. شاندار قوموں نے کبھی کسی ایک نظام کی کامیابی سے منزل نہیں پائی بلکہ ایک وننگ کمبینیشن اپنا کر اقوامِ عالم میں اپنا مقام بنایا ہے.
دس برس میں پاکستان کے سرکاری اردو میڈیم سکولوں میں پڑھا اور بہت مشکل اٹھائی۔
کیا کریں عثمان بات تو سچ ہے مگر بات ہے رسوائی کی. ہم پیٹ سے سوچنے والے لوگوں میں گھرے ہوئے ہیں اور شائد خود بھی ایسے ہی ہوں. ایک صاحب سے سُنا کہ اگر خُدا سے کوئی ایک دعا کے پورا کرنے کی یقین دہانی مل جائے تو صحت مانگنی چاہیے. اسی طرح معاشرے کی صحت کا سوچیں تو بلاتامل نظامِ انصاف کے درست ہونے کی دعا کرتے ہیں کہ یہ نظام ٹھیک ہوگا تو باقی خود ہی ٹھیک ہو جائیں گے. سو میں یہ کہوں گا کہ اگر ہماری عدالتیں ٹھیک کام کر رہی ہوتیں تو نہ پاکستان دو لخت ہوتا اور نہ ہی موجودہ حالت کو پہنچتا. ہمیں بروقت انصاف مل جائے تو سمجھیں سب کُچھ مل گیا.