javediqbal26 نے کہا:
السلام علیکم ورحمۃ اللہ وبرکاتہ،
میں باقی ممبرز سے پوچھ لوں کہ کون کون ساتھ دے سکتے ہیں
پھر آپ کو فیڈ بیک دیتا ہوں
واقعی یہ مہوش بہن کاایک زبردست آئیڈیاہے ۔ میں دعاگوہوں کہ اللہ تعالی اس کوپائہ تکمیل پرپہچانے کی ہمت اورحوصلہ عطاء فرمائے (آمین ثم آمین)
میرے ذہین میں اس کے ساتھ ایک اوربھی آئیڈیاہے کہ اگراسی طرح ہم تمام حدیث کی کتابیں کوبھی ڈیٹابیس وائزرکھیں کہ جوکوئی بھی کسی بھی ٹاپک پرسررچ کرناچاہے تواس کے پاس تمام کتابوں کی احادیث سے جواب میسرآجائے اگراس آئیڈیاکوبھی ذہین میں رکھاجائے توپہلاکام توانشاء اللہ قرآن پاک کاہے اس کے بعداحادیث کی طرف بھی توجہ دی جائے توبہترہے۔
میرامطلب یہ ہے کہ جوسررچ کاسوفٹ ویئربنایاجائے وہ احادیث کوبھی مدنظررکھ کرایک دفعہ ہی بنالیاجائے توبہتر ہوگا(انشاء اللہ)
اورمیں اس کام میں درمے سخنے ہرطرح سے حاضرہو۔
والسلام
جاویداقبال
برادر، آپ کا خیال بالکل درست ہے اور قرانی ڈیٹا بیس جمع کرنے کا یہ پہلا مرحلہ عبور کرنے کے بعد حدیث ڈیٹابیس بنانا آسان ہو جائے گا۔
اسی غرض سے جب میں راجہ نعیم صاحب کے کنورٹر (عربی متن کو اردو یونیکوڈ قدروں میں تبدیل کرنا) پر زور دے رہی ہوں کیونکہ یہ مستقبل میں بہت اہم کردار ادا کرے گا۔ (نہ صرف حدیث کی تمام کتب، بلکہ اور بہت سی جگہ اسکا استعمال ہو گا)۔
جہاں تک احادیث کی کتب کا تعلق ہے (اللہ آپ کو جزائے خیر دے کہ آپ احادیث کو ضابطہ تحریر میں لانا چاہتے ہیں)، تو اس سلسلے میں ہم پہلے گفتگو کر چکے ہیں۔ مختصرا عرض ہے کہ بحث و گفتگو کے بعد ہم لوگ اس نتیجے پر پہنچے تھے کہ "مولانا وحید الزمان خانصاحب" کی کتب کو برقی صورت میں لایا جائے۔ اس کی کچھ اہم وجوہات مندرجہ ذیل تھیں:
1۔ سب سے اہم بات مولانا صاحب کے تراجم کا کاپی رائیٹ سے آزاد ہونا ہے۔
2۔ اس سے اہم بات یہ کہ مولانا وحید الزمان خانصاحب کی صداقت و ترجمے پر سب مکتبہائے فکر کا اتفاق ہے اور وہ سب کے نزدیک محترم ہیں۔
3۔ تیسری اہم بات یہ ہے کہ مولانا صاحب نے صحاح ستہ کی چھ کی چھ کتب کا ترجمہ کیا ہے۔ اس طرح پوری صحاح ستہ کے ترجمے میں ایک تسلسل رہے گا۔ اس کے مقابلے میں کوئی اور عالم چھ کی چھ کتب کا ترجمہ کرنے سے قاصر رہا ہے۔
4۔ چوتھی اہم بات مولانا کے وہ حواشی ہیں جو انہوں نے ترجمے کے ساتھ ساتھ تحریر کیے ہیں۔ مثال کے طور پر پہلے مرحلے میں صحیح بخاری کا صرف ترجمہ چلے گا، مگر وقت کے ساتھ ساتھ میری خواہش تو یہی ہے کہ تیسیر الباری کا اس میں اضافہ کر دیا جائے (تیسیر الباری مولانا صاحب کی طرف سے بخاری شریف کی شرح ہے)۔
اسی طرح دیگر تمام تراجم میں بھی مولانا مرحوم نے مفید اور اہم حواشی تحریر فرمائے ہیں۔
ان سب وجوہات کی بنا پر مولانا صاحب کی کتب کو دیگر تراجم پر فوقیت حاصل ہے اور حدیث ڈیٹابیس کے لیے آئیڈیل ہیں۔
مولانا صاحب کی کتب مارکیٹ میں عام میسر ہیں (کم از کم جب میں پاکستان گئی تھی تو مجھے کافی دکانوں پر نظر آیا تھا)۔ ورنہ آپ یہ کریں کہ کسی لائیبریری کے رکن بن جائیں اور وہاں سے یہ کتب لے آئیں۔
اس سلسلے کی باقی باتیں بعد میں، یا پھر اگر آپ واقعی ابھی یہ مشن شروع کرنا چاہتے ہیں تو الگ تھریڈ کھول لیں تاکہ کچھ مفید تجاویز اور مشورے دیے جا سکیں جو کہ اس سلسلے میں آپ کے لیے کارآمد ثابت ہوں گے۔ انشاء اللہ۔
