آپ کے نام کا مطلب اور اثر

میرا نام "عبید الرحمٰن" ہے، مطلب "رحمان کا چھوٹا سا بندہ "
میری جسامت پر تواس نام کا کوئی اثر نہیں، لیکن عمل بہر حال" چھوٹا سا "ہی ہے۔
 

La Alma

لائبریرین
میرے نام کے کئی معانی ہیں.جن میں سے چند ایک درج ذیل ہیں :
نازک اندام، peace, صلح جو ، virtuous, flawless, محفوظ، سلامت، beloved, sweet heart وغیرہ
چونکہ یہ سب اچھی صفات ہیں اس لیے میں تو ہمیشہ یہ دعویٰ کرتی ہوں کہ میرے نام کا مجھ پر اثر ہے لیکن میرے گھر والے کسی صورت یہ ماننے کو تیار نہیں ہوتے .:):)
 

فلک شیر

محفلین
عبد سے مراد بندہ یعنی عبادت رکنے والا ہے۔ ممکن ہے یہ معنی درست ہوں۔

یہاں بھی اسی قسم کے معنی دیکھنے کو ملتے ہیں۔

میں کچھ دوستوں کو ٹیگ کر دیتا ہوں شاید اُن سے کچھ مدد ملے۔

فلک شیر
محمد وارث
سمیہ یا سمعیہ غالباً عمار یاسر رضی اللہ عنہ کی والدہ کا نام تھا، اسلام کی پہلی شہید خاتون تھیں۔ ایک دو لغات سے دیکھنے پہ پتہ چلا ہے، کہ اس کا معنی بلند مرتبہ، عالی، رفیع ، بلند ہمت کے ہیں۔ سمو اس کا کلمہ اشتقاق بہ ہے۔
 

محمداحمد

لائبریرین
اتباف کا کیا مطلب ہے؟ کیا یہ واقعی لفظ ہے؟

ایک شاعر ہیں ۔

اُن کا نام "آفتاب اکبر" ہے۔

اُنہوں نے "شعری ضرورت" یا "شہرت کی ضرورت" کے باعث اپنا نام "اتباف ابرک " کر لیا ہے۔

اللہ کرے کہ یہ بدعت مزید عام نہ ہو اور لوگ اپنے بچوں کا نام اس لایعنی نام پر رکھنا نہ شروع کر دیں۔
 

محمد وارث

لائبریرین
ایک شاعر ہیں ۔

اُن کا نام "آفتاب اکبر" ہے۔

اُنہوں نے "شعری ضرورت" یا "شہرت کی ضرورت" کے باعث اپنا نام "اتباف ابرک " کر لیا ہے۔

اللہ کرے کہ یہ بدعت مزید عام نہ ہو اور لوگ اپنے بچوں کا نام اس لایعنی نام پر رکھنا نہ شروع کر دیں۔
یقیناً کسی "نجومی" نے کہا ہوگا کہ اپنے نام کے حروف آگے پیچھے کرو گے تو شاعری میں شہرت ملے گی، شہرت تو خیر ملی یا نہیں لیکن خوبصورت نام کا ستیا ناس ضرور کر لیا! :)
 

محمداحمد

لائبریرین
یقیناً کسی "نجومی" نے کہا ہوگا کہ اپنے نام کے حروف آگے پیچھے کرو گے تو شاعری میں شہرت ملے گی، شہرت تو خیر ملی یا نہیں لیکن خوبصورت نام کا ستیا ناس ضرور کر لیا! :)

:):):)

مشہور تو کافی ہو گئے ہیں۔ اور سوشل میڈیا کی "نوجوان نسل" میں اُن کو بہت پسند کیا جاتا ہے۔

ایک زمانہ تھا کہ فیس بک کی ہر پانچویں (اسپانسرڈ) پوسٹ پر انہی کا کلام ہوتا تھا۔ :)
 

بافقیہ

محفلین
"مریم" کا مطلب نیک لڑکی ہے. میں بہت پرہیزگار تو نہیں لیکن میرے نام کے مجھ پر اثرات یہ ہیں کہ میں بدی میں بھی نیکی تلاشتی ہوں . اگر میں کوئی برا کام کر رہی ہوں تو اس کے اندر ہی یا اس کے ساتھ کوئی نیک کام لازمی کروں گی.
عبرانی لفظ ہے جس کا مطلب ہے ’’ عبادت گزار ، نیک اور پاک باز ‘‘ ۔ عربی میں ’’القدِّيسة العذراء ‘‘ اور ایک جگہ ’’العابدۃ والخادمۃ للرب‘‘ بھی آیا ہے۔
میں بطور ترمیم اضافہ کررہاہوں۔ تحقیق کی تو پتہ چلا کہ یہ ایسا لفظ ہے جو عربی ، آرامی، عبرانی ، سریانی اور بہت سی قدیم زبانوں میں مستعمل ہے۔ اور ہر ایک زبان میں اس کے معنی بہت اعلی اور اہم ہیں۔ کسی میں بلندی، کسی میں اعلی خوشبو، کسی میں اللہ کی بندی جو صرف اسی کیلئے وقف ہو، اور کسی میں نہایت عابدہ زاہدہ خاتون۔۔۔
 
آخری تدوین:

بافقیہ

محفلین
السلام علیکم!میرے بیٹے کا نام عبدان هے اس کا مطلب بتا دیں اور یه بھی که یه صحیح هے یا نهیں.
محترمہ ! خوبصورت نام ہے۔ عربوں میں آج کل کافی چل رہا ہے۔ عبدان، حمدان، فہمان وغیرہ۔
آپ نے رحمن پڑھا ہوگا۔۔۔ یہ رحم سے بنا ہے۔ اور جب کسی فعل کے ساتھ ا - ن آجائے تو کثرت اور تاکید کے معنی دیتے ہیں۔
رحمٰن کے معنی ہیں : بہت زیادہ رحم کرنے والا۔
عبدان کے معنی: بہت زیادہ عبادت کرنے والا۔ بڑا عبادت گزار۔
 

بافقیہ

محفلین
شکریہ نیلم بہن۔۔۔
میرا نام سید عاطف علی ہے۔ سید کی ے پر تشدید اور اس کے نیچے دراصل زیر ہے جو عام طور پر زبر بول دیا جاتا ہے۔اس کے لفظی معنی سردار کے ہیں لیکن اس کا یہاں عرب ممالک میں عام استعمال محترم یا جناب کے طور پر کیا جاتا ہے۔میرے نام میں یہ خاندانی نام یعنی فیملی نیم ہے ۔غالبا" اسےہی کچھ لوگ ذات بھی کہتے ہیں۔عاطف کے معنی مہربانی اور رحمدلی اور دیکھ بھالی کرنے والے کے ہیں ۔۔۔ جیسا کہ اردو محاورہ سے واضح ہوتا ہے کہ آپ صللہ نے والدہ کے بعداپنے دادا عبدالمطلب کے سایہء عاطفت میں پرورش پائی۔۔۔ (کہیں کہیں عاطف کے معنی موڑنے والے اور پھیرنے والے کے بھی آتے ہیں )۔۔۔آخری علی نسبتی حصہ ہے علی کے معنی ہیں بلند۔
کیا آپ واقعی سیّد ہیں؟ کیوں کہ سیّد نام کے ساتھ جوڑنے کیلئے شریعت میں یہ شرط ہے کہ آپ کا نسبی تعلق حضور ﷺ سے ہو۔۔۔
 

سید عاطف علی

لائبریرین
کیا آپ واقعی سیّد ہیں؟ کیوں کہ سیّد نام کے ساتھ جوڑنے کیلئے شریعت میں یہ شرط ہے کہ آپ کا نسبی تعلق حضور ﷺ سے ہو۔۔۔
جی ہاں ۔ نام کا یہ حصہ اسی نسبت سادات سے ہے ۔ واللہ اعلم ۔
خاندان میں کسی کے پاس ایک شجرہ بھی محفوظ تھا (شاید ابھی بھی ہو) جو علی بن ابی طالب تک پہنچتا ہے۔باقی اللہ جانے کون کیا ہے ۔
ویسے سید ہونا خوشی کی بات تو ہو سکتی ہے فخر کی نہیں کہ یہ تو حضور ﷺکی تعلیم بھی نہیں ۔
 
Top