آزاد نظم : "Compulsion" : از : م۔م۔مغلؔ

مغزل

محفلین
"Compulsion"
--------------------------
( فاتح الدین بشیر محمودؔ بھائی کی محبتوں کی نذر)

اماوس شب اداسی سے بغلگیری کے لمحوں میں ۔۔
قلم تھاموں تو لگتا ہے ۔۔
بہت سے خواب لکھوں گا۔۔۔
روانی میں خود اپنے نام کی تکرار میں مستو ر سارے نام لکھوں گا۔۔
تمھارے نام لکھوں گا۔۔۔
کسی سرشار وعدے کوتھکن ملبوس لکھوں گا۔۔
سفر کے باب میں تاخیر کو رنجور لکھوں گا۔۔
تمھاری بات مانوں گا۔۔۔
محبت کودکھوں کے گواشوارے کی طرح
” فیصد“ تناسب کے کسی جَدوَل میں لکھوں گا۔۔
میں لکھوں گا کہ کیوں کر،کس قدر ، دریا ۔۔۔
سمندرہی کے سینے میں دھڑکتے ہیں۔۔
سمندر ہی کی جانب کیوں سفر آغاز کرتے ہیں ۔۔
یہ کب لب ریز ہوتے ہیں،
یہ کس ”فیصد“ تناسب سے بہم ، آمیز ہوتے ہیں۔۔۔
(اچانک چاپ سی اک معبدِ جاں سے ابھرتی ہے )
بہت سے دکھ خیالوں کے بد ن پہنے ہوئے،
رقصندہ رقصندہ مرے کمرے میں آتے ہیں۔۔
ادھورے خواب بھی بستر کی چاروں سمت جیسے ڈھیر ہوتے ہیں۔۔۔
بہت سے دکھ تو سلوٹ اور تکیے سے بھی ہم آمیز ہوتے ہیں۔
بہت سے دکھ کتابوں کی ورق گردانی کرتے ہیں ۔۔۔
میں یہ منظر ۔۔۔
کسی بوسیدہ کاغذ پر سپردِ حرف کرتا ہوں۔
بہت سے دکھ یقیں اور واہموں کے پاؤں میں زنجیر ہوتے ہیں۔۔
کئی دکھ تو !!!
ستاروں کی طرح تسخیر ہوتے ہیں ۔۔
میں سب تحریر کرتا ہوں ۔۔
مگرکچھ خواب پلکوں پر ستارے ٹوٹنے سے پیشتر تعبیر ہوتے ہیں۔۔۔
وہ کب تحریر ہوتے ہیں !!!

م۔م۔مغل ؔ

کلامِ خودبزبانِ خود (نظم ان دنوں کی ہے جب فاتح بھائی آپ سے فون پر ’’ تف بر تو “ سنی تھی)
(جو بہن بھائی تمباکو نوشی سے اللہ واسطے کا بیررکھتے ہیں وہ یہ ویڈیو نہ دیکھیں)
 

فاتح

لائبریرین
محبت کودکھوں کے گواشوارے کی طرح
”فیصد“ تناسب کے کسی جَدوَل میں لکھوں گا۔۔

مزید کچھ کہنے کی استطاعت نہیں۔۔۔۔
ویڈیو ہٹا دیں۔۔۔ برداشت نہیں ہو رہی۔
 

مغزل

محفلین
محبت کودکھوں کے گواشوارے کی طرح
”فیصد“ تناسب کے کسی جَدوَل میں لکھوں گا۔۔

مزید کچھ کہنے کی استطاعت نہیں۔۔۔۔
ویڈیو ہٹا دیں۔۔۔ برداشت نہیں ہو رہی۔

فاتح بھائی ۔۔ حوصلہ رکھیں۔۔۔ بس یہ عاجزانہ و حقیر سا نذرانہ تھا جو آپ کی نذر کیا۔۔۔
انہی دنوں کی نظم ہے جب آپ سے غزل ’’ تف بر تو ‘‘ سنی تھی۔۔۔
آپ کی تصویر پر کام کرتے ہوئے یاد آگئی تو حسبِ وعدہ آپ کی نذر کی۔۔
ویڈیو ہٹانے سے کیا ہوتا ہے فاتح بھائی ۔۔ خود فراری کا کچھ ماحصل نہیں۔۔
اچھے دن نہیں رہے تو ’’ نحسِ سیّارگاں ‘‘ کے دن بھی نہ رہیں گے ۔۔ انشا اللہ
خدا ہمیش کی خوشیوں سے ہمکنار فرمائے آمین۔۔
آپ کا ہمزاد:
م۔م۔مغلؔ
 

مغزل

محفلین
بہت خوب۔ بہت ساری داد قبول کیجیے۔واہ وا ۔واہ وا۔ بھئی عمدہ
محبت ہے خلیلی صاحب آپ کی وگرنہ۔۔۔ محض فروگذاشت ہے اور محلِّ نظر بھی۔۔ جسے سپردِ قرطاس کردیا کرتا ہوں۔۔ عنایات کے لیے سراپا سپاس ہوں۔۔

ناعمہ عزیز بہن کو منسلک کیا جاتا ہے ۔۔
 

غ۔ن۔غ

محفلین
محمود اس نظم میں جتنی گہرائی ہے
جتنا کرب ہے
جتنی یاسیت ہے
اور جتنی دل پہ گزرنے والی اذیت ہے
وہ الفاظ سے بڑھ کر تمھارے اندازِ بیاں ، تاثرات ، اور کمالِ ادائیگی نے مزید ابھار دی ہے
مزید گہرائی اور اثر انگیزی ملی ہے اس نظم کو کہ تم نے اسے اپنی آواز میں سنایا ہے
رلا دیا ناں۔۔۔۔۔۔۔:-(
بہت ہی لاجواب۔۔۔۔۔۔۔
چلو اب پہلی فرصت میں فاتح بھائی کو کوئی پیار بھری اور ہنستی مسکراتی سی نظم یا غزل سنا دو یونہی اپنی آواز میں
اور وڈیو بھی یہاں لگادو تاکہ فاتح بھائی خوش ہوجائیں ( تو اور کیا اتنی اداس نظم سن کر تو میری آنکھیں بھی نم ہوگیئں اب کچھ سامان کرو ہمارے مسکرانے کا تم)
اور اس نظم کے لیے ڈھیر ساری داد :rose::rose::rose::rose: ، بولو قبول ہے ناں؟:blushing: :)
 

مغزل

محفلین
محمود اس نظم میں جتنی گہرائی ہے
جتنا کرب ہے
جتنی یاسیت ہے
اور جتنی دل پہ گزرنے والی اذیت ہے
وہ الفاظ سے بڑھ کر تمھارے اندازِ بیاں ، تاثرات ، اور کمالِ ادائیگی نے مزید ابھار دی ہے
مزید گہرائی اور اثر انگیزی ملی ہے اس نظم کو کہ تم نے اسے اپنی آواز میں سنایا ہے
رلا دیا ناں۔۔۔۔ ۔۔۔ :-(
بہت ہی لاجواب۔۔۔۔ ۔۔۔
چلو اب پہلی فرصت میں فاتح بھائی کو کوئی پیار بھری اور ہنستی مسکراتی سی نظم یا غزل سنا دو یونہی اپنی آواز میں
اور وڈیو بھی یہاں لگادو تاکہ فاتح بھائی خوش ہوجائیں ( تو اور کیا اتنی اداس نظم سن کر تو میری آنکھیں بھی نم ہوگیئں اب کچھ سامان کرو ہمارے مسکرانے کا تم)
اور اس نظم کے لیے ڈھیر ساری داد :rose::rose::rose::rose: ، بولو قبول ہے ناں؟:blushing: :)

غزل تم تو میرے ایک ایک حرف کی گواہ ہو ایک ایک حرف کی مالک بھی۔:angel:
خدا نہ کرے کہ تمھاری آنکھیں آنسوؤں کے ذائقے سے آشنا ہوں ۔۔ آمین ثم آمین
یہ کرب یاسیت حزن وملال سب زندگی کا حصہ ہیں ، ہم دونوں (مغزل) نے سانجھے دکھ گزارے ہیں ۔۔۔:worried:
داد پر شکریہ کہوں تو شرم آتی ہے کچھ نہ کہوں تو قدار کے منافی ہے ۔۔:idontknow:
جو میری سرکار کا حکم میں ضرور شامل کرتا ہوں بابا۔۔۔۔:rose: :blushing:
پھر یہ بھی کہ تمھاری اجاز ت سے یہ نظم فاتح بھائی کی نذر کی تھی ۔۔:redrose:
اس لیےمسکرانے والی غزل بھی کہہ کر لگاتا ہوں ۔۔ اب خوش ۔۔؟ :blushing:
رہی بات قبول کی تو وہ تو ۔۔ ہاہہاہا ۔۔ قبول قبول قبول کیا تو ہے ۔۔۔ :biggrin:
 

فاتح

لائبریرین
رہی بات قبول کی تو وہ تو ۔۔ ہاہہاہا ۔۔ قبول قبول قبول کیا تو ہے ۔۔۔ :biggrin:
میں بھی غزل صاحبہ کے مراسلے کے جواب میں آپ سے یہی کہنا چاہتا تھا کہ تین مرتبہ قبول کیجیے گا لیکن آپ والی بات کہ "اقدار کے منافی" تھا لیکن اب آپ نے خود ہی لکھ دیا تو ہم نے بھی اپنے دل کی بات کہہ دی۔ اللہ سدا خوش اور آباد رکھے۔ آمین!
بہرحال اب مسکرانے والا کلام بھی عطا کیجیے۔
 

مغزل

محفلین
میں بھی غزل صاحبہ کے مراسلے کے جواب میں آپ سے یہی کہنا چاہتا تھا کہ تین مرتبہ قبول کیجیے گا
لیکن آپ والی بات کہ "اقدار کے منافی" تھا لیکن اب آپ نے خود ہی لکھ دیا تو ہم نے بھی اپنے دل کی بات کہہ دی۔ اللہ سدا خوش اور آباد رکھے۔ آمین!
بہرحال اب مسکرانے والا کلام بھی عطا کیجیے۔
فاتح بھائی تین بار ہی قبول کیا ہے ۔۔ ہاہہاہا۔۔۔
دعاؤں کے لیے ہم (مغزل) سراپا سپاس ہیں ۔ اللہ آپ کو دنیاوی دینوی اخروی فلاح اور سکونِ قلب عطا کرے آمین۔
جی ضرور فاتح بھائی ۔۔ غزل ( غ۔ن۔غ ) کی خواہش ہے سو حکم ہے سو میں ضرور شامل کروں گا۔۔ کچھ طبیعت بہتر ہوجائے تو ۔۔:angel:
 

مغزل

محفلین
فاتح صاحب۔۔ بہت خوب۔ میں آج ہی اس محفل میں شامل ہوا ہوں اور مختلف قسم کی شاعری پڑھ کر بہت خوش ہوا ہوں۔
شکریہ ذیشان صاحب ( zeesh )۔ اردو محفل میں صمیمِ قلب سے خوش آمدید، امید ہے مراسلت کاشرف حاصل رہے گا۔
آپ سے التماس گزار ہوں کہ ’’ تعارف ‘‘ کی لڑی میں اپنا مفصل تعارف عطا کیجے ۔
دعاؤں کا طالب:
م۔م۔مغلؔ
 

حماد

محفلین
محاورۃ کہا جاتا ہے کہ تعریف کیلئے الفاظ نہیں مل رہے۔ سچ پوچھئے، نظم پانچ بار پڑھ چکا ہوں اور شاید چھ بار سن چکا ہوں۔ مگر اس پر دردنظم کے شایان شان کچھ کہنے سے قاصر ہوں۔ دل کی عجیب کیفیت ہے!
 

مغزل

محفلین
محاورۃ کہا جاتا ہے کہ تعریف کیلئے الفاظ نہیں مل رہے۔ سچ پوچھئے، نظم پانچ بار پڑھ چکا ہوں اور شاید چھ بار سن چکا ہوں۔ مگر اس پر دردنظم کے شایان شان کچھ کہنے سے قاصر ہوں۔ دل کی عجیب کیفیت ہے!
حماد بھائی محض آپ کی محبت اور چشمِ عنایت ہے وگرنہ من آنم کہ من دانم۔ ۔۔
دل کی عجیب کیفیت ہی تو نظم کی محّرک بنی ہے ۔۔ یوں سمجھیے نظم کا حق ادا ہوگیا۔۔ سلامت باشید روز بخیر
 

غ۔ن۔غ

محفلین
فاتح صاحب۔۔ بہت خوب۔ میں آج ہی اس محفل میں شامل ہوا ہوں اور مختلف قسم کی شاعری پڑھ کر بہت خوش ہوا ہوں۔
zeesh
ذیشان بھائی یہ مغزل (م۔م۔مغل ) یعنی محمود کی نظم ہے اور فاتح بھائی کی نذر کی ہے محمود نے اپنی یہ نظم
میں آپ کے مراسلے سے یہ سمجھی ہوں کہ شاید آپ اسے فاتح بھائی کی نظم سمجھے اس لیے سوچا آپ کی تصحیح کرلوں
امید ہے آپ نے برا نہیں مانا ہوگا
 

مغزل

محفلین
مغزل
نہیں zeesh بھائی محمود نے برا نہیں مانا کیونکہ آپ نے نادانستگی میں ایسا کیا
محمود بولو ناں ہاں:)
ہاں ، ہاں ، ہاں ۔۔:biggrin: (غزل ۔۔۔۔ ہی ہی ہی ۔۔اب خوش ؟؟؟ )
--------------
جی ذیشان بھائی ۔۔۔ میں نے کوئی برا نہیں منایا۔۔ سچی میں ۔۔۔:rose:
یوں بھی میرے تمام حرف غزل ( غ۔ن۔غ ) کی ملکیت ہیں تو ملکیت کا خیال رکھنے میں ہی آپ کو وضاحت کی گئی ہے ۔۔سلامت رہیں
 
Top