شعر و شاعر (اشعار اور خالق)
- صاحب لڑی طارق شاہ
- تاریخ ابتداء
-
- ٹیگ
- شعر و شاعر ، طارق شاہ
طارق شاہ
محفلین
ہمسفر ہوتا کوئی تو بانٹ لیتے دُوریاں !
راہ چلتے لوگ کیا سمجھیں مِری مجبوریاں
مُسکراتی، خواب چُنتی، گُنگُناتی یہ نظر
کِس طرح سمجھیں مِری قسمت کی نامنظوریاں
حادِثوں کی بِھیڑ ہے چلتا ہُوا یہ کارواں
زندگی کا نام ہے لاچاریاں، مجبوریاں
پھر کسی نے آج چھیڑا ذکرِ منزِل اِس طرح
دِل کے دامن سے لِپٹنے آگئی ہیں دُوریاں
سردار انجؔم
طارق شاہ
محفلین
صبا چلنے کو ہے ، فصلِ بہاری آنے والی ہے
چمن میں موسمِ گُل کی سواری آنے والی ہے
نہ ہو بُلبُل اُداس اِتنا، کِھلیں گے پُھول بھی جلدی
یہی کُچھ دیر میں باغ و بہاری آنے والی ہے
خِزاں کی رُت میں ہے کُنجِ چمن خاموشیاں کتنی
کوئی دَم بس ہَوائے بیقراری آنے والی ہے
نہ توڑو پُھول تم، بُلبُل بہت غمگین بیٹھا ہے
چمن میں موسم ِ گُل کی سواری آنے والی ہے
شمس الدین بُلبُلؔ
(سندھی شاعری کا اکبر الٰہ آبادی)
(1857-1919)
سندھی کلام سے ترجمہ : سیّد مظہر جمیل
مصنف "جدید سندھی ادب"
۔میلانات۔ رُجحانات۔اِمکانات
اکیڈمی بازیافت
کتاب مارکیٹ، اُردو بازار ، کراچی۔ پاکستان
طارق شاہ
محفلین
"نیچرل کریما "
سے چند اشعار
۔۔
نہیں دُوسرا علم انگلش مثال
کہ ہم سُرخ گوہر نہ باشد سفال
پڑھو گے جو سندھی ، نہ پاؤگے زر
چرا می کشی بارِ محنت چو خر
اگر ہے کسی کو یہ سودائے خام !
بود میل طاعت بہ خاطر مُدام
کِرمنل قوائد ہیں سب بے گماں
کشاید درِ دولتِ جاوِداں
غلط ہے، جو سمجھو اِنھیں بے خبر
کہ بالائے طاعت نہ باشد ہُنر
جو سیکھے تُو قانُون کو دفع دار
کہ حاصل کُنی دولتِ پائیدار
اگر تم وکالت کا دو اِمتحاں
کہ روشن ز خورشید با ش جہاں
مقدمے بھی ہُوں جُھوٹے جُھوٹے دو ، چار
کہ اقلیمِ دولت شَوِی شہریار
کھڑے ہوکے پیشاب کر میرے یار !
کہ جنبت بود جائے پرہیزگار
شمس الدین بُلبُلؔ
(سندھی شاعری کا اکبر الٰہ آبادی)
(1857-1919)
سندھی کلام سے ترجمہ : سیّد مظہر جمیل
مصنف "جدید سندھی ادب"
۔میلانات۔ رُجحانات۔اِمکانات
اکیڈمی بازیافت
کتاب مارکیٹ، اُردو بازار ، کراچی۔ پاکستان