غزل برائے اصلاح ۔۔۔پتھر ہوں مگر سخت نہیں دیوار کی مانند۔۔۔ ذیشان نصر

سید عاطف علی نے کہا:

اچھا لکھا ہے ذیشان کافی عرصے بعد ۔ مگر مطلع کی بحر (وزن) درست نہیں ۔پہلے اسے درست کرنے کی ضرورت ہے۔

مزید نمائش کے لیے کلک کریں۔۔۔

متلاشی نے کہا:

بہت بہت شکریہ سید عاطف بھائی بے دھیانی میں مطلع واقعی بحر سے خارج ہو گیاہے ۔۔۔
یوں کر دیں تو کیسا رہے گا؟؟؟؟
پتھر ہوں نہیں سخت پہ دیوار کی مانند
نازک ہو نہیں نرم پہ گلزار کی مانند

مزید نمائش کے لیے کلک کریں۔۔۔

متلاشی نے کہا:

نازک ہوں مگر نرم نہیں گلزار کی مانند

مزید نمائش کے لیے کلک کریں۔۔۔

متلاشی نے کہا:

آمد نہیں واللہ یہ الہام ہے ذیشاں
نکلا ہے مرے نطق سے اشعار کی مانند

مزید نمائش کے لیے کلک کریں۔۔۔

نور سعدیہ شیخ نے کہا:

پتھر ہوں مگر سخت نہیں دیوار کی مانند
نازک ہوں مگر نرم نہیں گلزار کی مانند
واہ ۔۔۔ اگر اس میں تشبیہات کو تھوڑا اور بدل دیتے ۔۔۔۔۔۔۔۔شعر کلاسیکی ہوجاتا ہے ۔مگر اب بھی بہت بہت بہت عمدہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رہتا ہوں دلِ یار میں با صورتِ گل میں
چبھتا نہیں آنکھوں میں کسی خار کی مانند


گل ۔۔۔ اوپر بھی گل ۔۔نیچے بھی ۔۔

اس غزل سے یا مطلع سے ہٹا دیں ۔۔تو کمال و غضب کا شعر ہے ۔۔کیا فطرتی تشبیہ اور تمثیل بنائی ہے ۔واہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دشمن کی نگاہوں میں ہمیشہ ہوں کھٹکتا
کردار مرا صاف ہے گفتار کی مانند

بہت عمدہ ۔۔آپ کی غزلوں میں خیالات بہت عمدہ ہیں ۔۔۔ جیسے یہ خیال
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

باطل پہ قیامت کا سماں ہوتاہے طاری
چلتا ہے قلم جب مرا تلوار کی مانند

اس شعر نے تو پھڑکا دیا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اس قلزمِ الفت میں اتر کر کوئی دیکھے
وا ہوں گے دریچے کسی اسرار کی مانند
اچھا ہے ۔۔!
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قرباں جو ہوا عشق میں محبوب وہ ٹھہرا
افسوس تو سمجھا اسے اغیار کی مانند

اس شعر میں کہیں کمی ہے ۔۔درست بندھا نہیں ہے یا مجھے سمجھ نہیں آئی ۔۔اس کے باوجود جو کہنا چاہا یا جو میں سمجھ پائی ہوں وہ خیال اچھا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آمد نہیں واللہ یہ الہام ہے ذیشاں
نکلا ہے مرے نطق سے اشعار کی مانند
واہ۔۔شاعر اسرار کا ذکر نہ کرے وہ شاعر کیسا۔۔۔۔۔۔۔۔۔۔۔۔۔ !
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جمعہ23/جنوری2015
17:09:50 PM

مزید نمائش کے لیے کلک کریں۔۔۔

متلاشی نے کہا:

اس قدر تفصیلی تبصرے پر آپ کا شکر گذار ہوں ۔۔۔۔
اور ہاں آپ کی اصلاح بھی خوب ہے ۔۔۔ آپ نے درست سمت نشاندہی کی ۔۔۔۔ ابھی اس پر مزید محنت کی ضرورت ہے

مزید نمائش کے لیے کلک کریں۔۔۔

نور سعدیہ شیخ نے کہا:

شرمندہ کر دیا۔۔۔ میں نے ایمانداری والا کام کیا۔۔جہاں اچھا لگا وہ بھی بتایا اور جہاں لگا کہ کمی ہے وہ بھی اور یقین کریں۔۔ویسے اور کیا کیا خوب ہے ۔۔۔ ؟

مزید نمائش کے لیے کلک کریں۔۔۔

متلاشی نے کہا:

آپ کی تحاریر ، آپ کا تبصرہ کرنے کا انداز

مزید نمائش کے لیے کلک کریں۔۔۔