اردو محفل فورم

جولائی
31
https://www.docker.com/sites/default/files/vertical_large.png
by ابن سعید at ‏7:18 صبح
(293 مناظر / 4 پسندیدگیاں)
11 تبصرے

ڈاکر (Docker) ایک سافٹوئیر کنٹینرائزیشن پلیٹفارم ہے۔ اس کی مدد سے کسی بھی سافٹوئیر کو اس کی تمام ضروریات، انحصارات، و ترتیبات سمیت ڈبہ بند کر کے ہر جگہ اس کی یکساں کارکردگی کو یقینی بنایا جا سکتا ہے۔ گو کہ اس مقصد کے لیے ورچؤل مشین کا استعمال بھی کیا جا سکتا ہے، لیکن ورچؤل مشین کے بر عکس سافٹوئیر کنٹینر میں مکمل آپریٹنگ سسٹم شامل نہیں کیا جاتا، لہٰذا کنٹینرز نسبتاً کافی ہلکے پھلکے، سریع العمل، اور کم وسائل میں خاصے مؤثر ہوتے ہیں۔ حالانکہ کسی ایک مشین کے تمام کنٹینرز کے تمام پروسیسیز میزبان آپریٹنگ سسٹم میں براہ راست چل رہے ہوتے ہیں، لیکن ہر کنٹینر کچھ اس طرح ملفوف ہوتا ہے کہ اس کو اپنے سوا باقی کسی اور پروسیس یا اپنے محدود فائل سسٹم کے سوا خارجی فائل سسٹم کا ادراک نہیں ہوتا، الا یہ کہ اسے بتایا جائے۔ سافٹوئیر کنٹینر کی...
ستمبر
20
by ابن سعید at ‏2:30 صبح
(3,199 مناظر / 6 پسندیدگیاں)
43 تبصرے
کئی دفعہ محفلین کی جانب سے شکایات موصول ہوتی ہیں کہ انھیں گاہے گاہے بعض اراکین کی جانب سے ناگوار یا ناشائستہ رویوں کا سامنا کرنا پڑتا ہے اور کچھ کو یہ شکایت رہتی ہے کہ وہ محفل میں بعض اراکین یا بعض نوعیت کے مراسلوں سے کنارہ کشی چاہتے ہیں۔ چونکہ محفل بے شمار لوگوں کے اظہار خیال اور روابط کا ایک وسیع ذریعہ ہے لہٰذا اس میں مختلف نوعیت کے اراکین پائے جاتے ہیں۔ ایسے میں کچھ مطلق اصول بنانا کم و بیش محال ہے جو ہر موقع محل اور ہر فرد کے لیے قابل استعمال ہوں۔ البتہ محفل میں ہر رکن کو بے شمار ایسے اختیارات و آلات دستیاب ہیں جن کی مدد سے محفلین محفل کو کافی حد تک اپنی پسند کے مطابق ڈھال سکتے ہیں۔ ذیل میں ہم بعض معاملات بیان کرنے کی کوشش کر رہے ہیں جو اراکین کے مراسلوں پر ادارتی زاویہ نگاہ اور موقف کی وضاحت کے ساتھ ساتھ محفلین کو ان کے اختیارات اور ان کے مؤثر استعمال کو سمجھنے میں معاون ہو سکتے ہیں۔ :) :) :)

عمومی لڑیاں

مدیران کی نظروں میں عمومی لڑیوں میں کسی کے پیغام کی موزونیت کا معیار قدرے عمومی ہوتا ہے، مثلاً پیغام ناشائستگی، گالم گلوچ، پائریسی، منافرت، دھمکی، یا ایسے ہی...
جولائی
23
by محمد خلیل الرحمٰن at ‏11:09 صبح
(8,334 مناظر / 10 پسندیدگیاں)
132 تبصرے
اردو محفل کا سالانہ مشاعرہ 2016
شعر و ادب سے تعلق رکھنے والے احباب کو یہ جان کر خوشی ہوگی کہ اردو محفل کی گیارہویں سالگرہ کی تقریبات
جاری ہیں ۔ اس سلسلے میں اردومحفل کے عالمی مشاعرے
کا انعقادکیا جارہا ہے۔
شعراء کرام کو ، باقاعدہ دعوت نامہ ارسال کیا جائے گا البتہ محفلین سے گزارش ہے کہ وہ ذاتی طور پر اسی لڑی میں اپنی دلچسپی کا اظہار فرمائیں اور اپنی شرکت کا اعلان فرمائیں۔

مشاعرے میں نشت و برخاست کا مکمل تہذیبی پاس رکھتے ہوئے
صدرِ مشاعرہ، مہمانان خصوصی کی مسند بھی رہے گی۔
سامعین (قارئین ) داد ، پسند کی ناب سے ہی ادا کرپا ئیں گے، البتہ
تبصرہ جات کے لیے الگ لڑی کا اہتمام کیا جائے گا،
صدر و مہمانان باقاعدہ مشاعرے کےبارے میں اپنے تاثرات بھی بیان کریں گے
یوں ایک یادگار عالمی مشاعرہ محفل کے حسن کو چار چاند لگانے میں اپنا حصہ ملائے گا۔
درخواست ہے کہ شعراء کرام اپنی شمولیت سے
آگاہ فرماکر ہمیں ممنون و متشکر ہونے کا موقع دیں۔

انتظامیہ اردو محفل مشاعرہ:

مقدس (اسٹیج سکریٹری)
حسن محمود جماعتی (اسٹیج سکرٹری)
محمد بلال اعظم
محمد...
فروری
09
http://arifkarim.no/Public/c/JNN.jpg
by arifkarim at ‏10:44 شام
(9,053 مناظر / 3 پسندیدگیاں)
99 تبصرے
حسب وعدہ جمیل نوری نستعلیق 3 کا آٹو کشیدہ ورژن اردو محفل پر جاری کیا جا رہا ہے۔ یہ فانٹ کئی لحاظ سے بہت اہمیت کا حامل ہے۔کیونکہ تاریخ میں پہلی بار ان پیج سے باہر صارفین کو اردو متن میں آٹو کشیدہ لگانے کی سہولت حاصل ہو گئی ہے۔ یہی نہیں بلکہ آٹو کشیدہ کیساتھ ساتھ آٹو کرننگ کا دلچسپ ملاپ اردو پبلشنگ انڈسٹری میں ایک نیا سنگ میل ثابت ہوا ہے۔ اس کامیابی پر ہم خصوصاً مکرمی سید ذیشان اور عبدالمجید کے شکرگزار ہیں جنہوں نے اپنی روز مرہ کی مصروفیت کے باوجود اردو پبلشرز کیلئے اس اہم کام میں اپنا حصہ ڈالا۔
ساتھ ہی میں ہم اپنے 5 سالہ ایچ پی ایلیٹ بک لیپ ٹاپ کو بھی خراج تحسین پیش کرتے ہیں جو لاتعداد بار فانٹ کو کمپائل اور ٹیسٹ کرنے کے بعد بھی جوں کا توں ہے۔ یوں ہم امید کرتے ہیں کہ یہ آئندہ بھی اسی طرح مزید نئے فانٹس کی تکمیل کے دوران کام آتا رہے گا۔
اس ریلیز میں...
اکتوبر
09
http://i33.photobucket.com/albums/d51/simunaqv/transliteration.gif
by نبیل at ‏2:06 شام
(4,860 مناظر / 2 پسندیدگیاں)
37 تبصرے
السلام علیکم،
کئی سال قبل میں نے گوگل ٹرانسلٹریشن اے پی آئی کا استعمال کرکے رومن اردو سے یونیکوڈ اردو حاصل کرنے کا ایک طریقہ نکالا تھا۔ گوگل کے ٹرانسلیشن اے پی آئی کو بند کرنے کے باعث اب یہ طریقہ کام نہیں کرتا ہے۔ حال ہی میں اردو سپیچ ریکگنیشن پر تحقیق کے سلسلے میں اردو سے رومن متبادلات کی ایک لغت کی ضرورت پیش آ رہی ہے۔ اس لغت کو حاصل کرنے کا ایک طریقہ پہلے سے موجود رومن اردو الفاظ کو یونیکوڈ اردو میں کنورٹ کرکے ایک الٹی سمت میں استعمال کرنا بھی ہے۔ میرے ذہن میں رومن اردو کو یونیکوڈ اردو میں آسانی سے تبدیل کرنے کا ایک طریقہ آیا تھا جس پر میں نے کچھ تجربات کیے اور اس پوسٹ میں انہی تجربات کے نتائج پیش کر رہا ہوں۔...
اکتوبر
04
by نبیل at ‏2:11 شام
(5,736 مناظر / 7 پسندیدگیاں)
69 تبصرے
السلام علیکم،
میں یہاں پر ایک پرانے ہنوز غیر تکمیل شدہ پراجیکٹ پر ازسرنو کام کا آغاز کرنا چاہتا ہوں۔ ہمیں ایک اردو سے رومن اردو کنورٹر کی طویل عرصے ضرورت ہے۔ یہ بظاہر آسان نظر آنے والا لیکن درحقیقت ایک پیچیدہ کام ہے، اور اس کی عدم تکمیل کے باعث ایک اور نہایت اہم پراجیکٹ یعنی اردو سپیچ ریکگنیشن پر پراگریس کئی سال سے تعطل کا شکار ہے۔ میری کوشش ہوگی کہ مختلف ریسورسز کو اکٹھا کرکے اس بارے میں تحقیق کی جائے اور اردو سے رومن اردو میں ٹرانسلٹریشن کا نظام وضع کیا جائے۔ اس سے کئی مفید نتائج حاصل کیے جا سکیں گے۔

اردو سے رومن اردو کنورژن کی ضرورت

اردو سے رومن اردو کنورژن جہاں دوسرے تحقیقی مقاصد کےلیے مفید ثابت ہوگی، وہاں یہ اردو کے ان شائقین کے لیے بھی فائدہ مند ثابت ہوگی جو اردو رسم الخط نہیں پڑھ سکتے۔ دوسرے ایک مرتبہ اردو ٹو رومن اردو کنورژن کا نظام وضع ہو جائے تو اس سے الٹی جانب یعنی رومن اردو سے یونیکوڈ اردو میں ٹرانسلٹریشن کا کام نہایت آسان ہو جائے گا۔ اور سب سے زیادہ اہمیت اصل میں اس چیز کی ہے کہ ہم بالآخر اردو سپیچ ریکگنیشن پر کام میں پیشرفت...
ستمبر
05
by عبد القدوس نعمانی at ‏6:58 صبح
(1,913 مناظر / 2 پسندیدگیاں)
13 تبصرے
السلام علیكم دوستو
ہندی ڈکٹیشن ایک ایسی ویب سائٹ ہے جسمیں آپ کو الفاظ ٹرین کروانے کی ضرورت نہیں پڑتی
آپ بولتے جائیں سافٹ ویئر لکھتا جائے گا اس کے بعد اس کو آپ ہندی سے اردو کنورٹ کرلیں اب ٹائپنگ کرنا آسان ہو جائے گا اب نہ خریدنے کی ضرورت اور نہ انسٹال کرنے کا مسئلہ تو آئیے شروع کرتے ہیں اور دیکھتے ہیں کیا ہوتا ہے
یہ لکھا ہوا اسی میں بول کر لکھا ہے
http://www.hindidictation.com/Index1.html یہاں سے لکھا ہوا
کاپی کر کے http://uh.learnpunjabi.org/default.aspx سے کنورٹ کرلیں
اگست
21
by ابن سعید at ‏9:40 صبح
(10,439 مناظر / 9 پسندیدگیاں)
80 تبصرے
السلام علیکم!

چند گھنٹے قبل اردو محفل کو زین فورو کے حالیہ نسخے (1.4.0 Beta3) پر اپگریڈ کر دیا گیا ہے۔ یہ اسٹیبل اور سپورٹیڈ نسخہ نہیں ہے لیکن ڈیویلپمنٹ انسٹینس پر اس کے پچھلے دو نسخوں کی تنصیب، ٹیسٹنگ، اور بگ رپورٹنگ کے بعد اس قابل پایا گیا کہ اسے عمومی استعمال کے لیے نصب کیا جا سکے۔ واضح رہے کہ ہر بڑی اپگریڈ کے بعد کافی ساری چیزیں تبدیل ہو جاتی ہیں اور ان کو اردو کے مطابق ڈھالنے میں خاصی توانائی اور خاصہ وقت صرف ہوتا ہے۔ مثلاً اس اپگریڈ کے بعد کئی سارے ایڈ آن فارغ کر دیے گئے، کچھ نئے ایڈ آن ضرورت کے مطابق شامل کیے جائیں گے۔ کئی مقامات پر اردو ایڈیٹر شامل کیا گیا، بے شمار نئے تراجم شامل کیے گئے، اور اب بھی کئی مقامات پر ترجمے مفقود ہو سکتے ہیں جن کے لیے احباب سے درخواست کی جاتی ہے کہ بر وقت اطلاع دیں تاکہ تراجم شامل کیے جا سکیں۔ :) :) :)

اس اپگریڈ کے بعد کچھ نئے اضافے دیکھنے کو ملیں گے۔ ان میں سے کچھ کا مختصر بیان درج ذیل ہے:
  • کوائف نامے کے مراسلے: اس اپگریڈ سے قبل تک اراکین کے کوائف ناموں کے مراسلے بہت زیادہ منظر عام پر نہیں آتے تھے۔ گو کہ ہم نے ان کو سامنے لانے...