آپ کے پسندیدہ اشعار!

[فہد اشرف]

پرتوِ خور سے ہے شبنم کو فنا کی تعلیم
میں بھی ہوں ایک عنایت کی نظر ہونے تک
غالب

کیا خورشید کو خور ضرورت شعری کے بنا پر لکھا گیا ہے یا خور لفظ لغت میں موجود ہے؟

 

[محمد وارث]

کیا خورشید کو خور ضرورت شعری کے بنا پر لکھا گیا ہے یا خور لفظ لغت میں موجود ہے؟

خور، خورشید کا مخفف ہے اور عام استعمال ہو سکتا ہے۔ لغت میں ان معنوں یعنی آفتاب کے طور پر بھی موجود ہے!

 

[محمد وارث]

طاعت میں تا رہے نہ مے و انگبیں کی لاگ
دوزخ میں ڈال دو کوئی لے کر بہشت کو
غالب

 

[فرقان احمد]

جب دہر کے غم سے اماں ملی، ہم لوگوں نے عشق ایجاد کیا
کبھی شہرِ بُتاں میں خراب پھرے، کبھی دشتِ جُنوں آباد کیا

ابن انشا

 

[محمد وارث]

کیا فرض ہے کہ سب کو ملے ایک سا جواب
آؤ نہ ہم بھی سیر کریں کوہِ طور کی
غالب

 

[کاشفی]

خدا جب تک نہ چاہے آدمی سے کچھ نہیں ہوتا
مجھے معلوم ہے میری خوشی سے کچھ نہیں ہوتا
(مخمور دہلوی)

 

[کاشفی]

موت اس کی ہے کرے جس کا زمانہ افسوس
یوں تو دنیا میں سبھی آئے ہیں مرنے کے لیے
(شاعر: مجھے معلوم نہیں یعنی کے آئی ڈونٹ نو)

 

[کاشفی]

حقیقت کو چھپایا ہم سے، کیا کیا اُس کے میک اَپ نے
جسے لیلیٰ سمجھ بیٹھے تھے وہ لیلیٰ کی ماں نکلی
(راغب مُراد آبادی)

 

[کاشفی]

میں اس کے سامنے سے گزرتا ہوں اس لیے
ترک تعلقات کا احساس مر نہ جائے
(فنا نظامی کانپوری)

 

[کاشفی]

میں دل پہ جبر کروں گا تجھے بھلا دوں گا
مروں گا خود بھی تجھے بھی کڑی سزا دوں گا
(محسن نقوی)

 

[محمد وارث]

ہر چند ہو مُشاہدۂ حق کی گفتگو
بنتی نہیں ہے بادہ و ساغر کہے بغیر
غالب

 

[فہد اشرف]

ہے ننگِ سینہ دل اگر آتش کدہ نہ ہو
ہے عارِ دل نفس اگر آذر فشاں نہیں
غالب

 

[کاشفی]

اُٹھو یہ منظر شب تاب دیکھنے کے لیے
کہ نیند شرط نہیں خواب دیکھنے کے لیے
(عرفان صدیقی، لکھنؤ)

 

[La Alma]

درد معراج کو پہنچتا ہے
جب کوئی ترجماں نہیں ملتا​

 

[لاریب مرزا]

غم سے اب ہو گی براہ راست میری گفتگو
دوستو! تیمار دارو! غمگسارو! تخلیہ!

(رحمان فارس)

 

[عائشہ صدیقہ]

پاگل پن میں آ کر پاگل کچھ بھی تو کر سکتا ہے
خود کو عزت دار سمجھنے والے مجھ سے دور رہیں

فیض عالم بابر

 

[لاریب مرزا]

پاگل پن میں آ کر پاگل کچھ بھی تو کر سکتا ہے
خود کو عزت دار سمجھنے والے مجھ سے دور رہیں

فیض عالم بابر

خوفناک عزائم معلوم ہوتے ہیں۔

 

[عائشہ صدیقہ]

خوفناک عزائم معلوم ہوتے ہیں۔

حوصلے بلند ہیں

 

[لاریب مرزا]

حوصلے بلند ہیں

خوب!! یہ تو اچھی بات ہے۔

 

[عرفان سعید]

جاں فزا ہے بادہ جس کے ہاتھ میں جام آ گیا
سب لکیریں ہاتھ کی گویا رگِ جاں ہو گئیں

غالب