مختصر مختصر: دل کے ارماں آنسوؤں میں بہہ گئے...

فہد اشرف

محفلین
ارے فہد! کبھی بھی اس کا ترجمہ نہیں ہو سکتا، ہاں، اگر آپ پنجابی کلچر سے واقف ہوں تو اس کا لطف اٹھا سکتے ہیں۔ تاہم، ترجمہ حاضر ہے؛ خود پڑھ کر ذرا مزا نہیں آیا تاہم بھارت سے تعلق رکھنے والے دوست کی فرمائش کیسے ٹالی جائے؟ :)


بنیان لینے جاتے ہو
بنیان لے کے آتے ہو
پہننے لگو تو پہننے ہوتی نہیں، جو پہن لو تو پھر کسی طور اترتی نہیں
اور اگر اتر جائے تو پھر اس قابل نہیں رہتی کہ دوسری بار پہنی جا سکے
تاہم، جو بنیان میں آپ کو دوں گا
وہ پہنو گے تو پہنی جائے گی، اتارو گے تو بہ سہولت اترے گی
اتر گئی تو پھر بھی اس قابل رہے گی کہ دوسری بار پہننے کے قابل رہے
یہ بنیان ودھیا ہے،، یہ ٹاپ کلاس ہے
بڑوں کو بھی پوری آئے گی، گو کہ چھوٹوں کے ناپ کی بھی کہی جا سکتی ہے
چیز اگر اصلی ہو تو منہ سے خود بول اٹھتی ہے
اسے رسی پر ڈالا جائے تو دھوپ سے زیادہ سفید لگتی ہے
جتنی بار چاہیں آپ سے بدل بدل کر پہن لیں
اور اگر تنگ آ جائیں تو اسے بچوں کا جانگیا بنا لیں

پنجابی ورژن
بنَین لَین جاندے ہو
بنَین لے کے آندے ہو
پاندے ہو تے پیندی نئیں، پے جائے تے لہندی نئیں
لہہ جائے تے دوجی واری پان جوگی رہندی نئیں
بنَین میں دیاں‌گا
پاؤ گے تے پے جائے، لاہو گے تے لہہ جائے
لہہ جائے تے دوجی واری پان جوگی رہ جائے
بنَین میری ودھیا، بنَین میری ٹاپ دی
وڈیاں نوں پوری آوے، نِکیاں دے ناپ دی
چیز ہووے اصلی تے مونہوں پئی بولدی
دھُپ نالوں گوری لگے رسی اُتے ڈولدی
جِنّے ورہے چاہو تُسی ایس نوں ہنڈا لئو
فیر بھانویں بچیاں دا جانگیا بنا لئو

تاہم، عرض کرتا چلوں کہ پنجابی زبان میں جس رِدہم اور آہنگ کے ساتھ یہ لکھی گئی ہے اس کا مزہ اپنا ہے تاہم اس نظم کا تھیم یہی ہے کہ بنیان فروش اپنی تھکی ہوئی چیز کو بھی ودھیا اور ٹاپ کلاس کہہ کر فروخت کرتا ہے ۔۔۔!!!
بہت شکریہ فرقان بھائی
 

squarened

معطل
کراچی میں 4 افراد پر مشتمل ٹیم نے مردم شماری کا کام انجام دیا ہے۔1 بری فوج کا سپاہی،1 نیوی فوج کاسپاہی،1 سندھ پالیس کا سپاہی اور 1 کسی بھی سرکاری اسکول کا استاد پر مشتمل ٹیم نے اپنا کام سر انجام دیا۔

ایسا کسی مخصوص علاقہ میں ہوگا، ہمارے فلیٹس میں استاد صاحب کے ساتھ ایک پولیس والا اور ایک رینجرز والا بھی ڈیوٹی پر تھے مگر یہ دونوں نیچے ہی بیٹھے رہتے یا تھوڑا بہت ٹہل لیتے تھے، گھروں تک ساتھ نہیں گئے کسی بھی دن۔ خانہ شماری میں بھی ایسے ہی تھا، صبح ٨ بجے ہی پہنچ جاتے تھے فلیٹس میں

کراچی میں مردم شماری کے تجربہ پر یہ آرٹیکل بڑا دلچسپ تھا
When census officials came to my home, they didn’t know what a Parsi was - Blogs - DAWN.COM

اردو ورژن
کیا ہوا جب دو سپاہی اور ایک استاد 'پارسی' کے گھر گئے - Pakistan - Dawn News
 

عثمان

محفلین
پاکستان میں کوئی مردم شماری یاد نہیں کہ صرف 1972 والی کے دوران پاکستان میں تھا اور عمر کچھ چھوٹی تھی۔ یہاں دو مردم شماریاں دیکھی ہیں۔ دونوں بار فارم بذریعہ ڈاک گھر آیا اور اسے مکمل کر کے ڈاک میں واپس بھیج دیا
ہم تو یہاں آن لائن کرتے ہیں۔ :)
 

عثمان

محفلین
سنہ ۱۹۹۸ کی مردم شماری یاد ہے۔ گلی میں ایک جگہ میز کرسیاں بچھا کر اہلکاروں کے لیے انتظام کیا گیا تھا۔ ہر گھر سے کوئی فرد وہاں جا کر ان کے ساتھ فارم پر کرتا تھا۔ فارم میں غالباً ٹی وی اور ریڈیو کی ملکیت کے بارے میں بھی سوال تھا۔ اکثر لوگ انکار کر دیتے کہ ان کے پاس ٹی وی ہے کہ غالباً ٹی وی لائسنس بنوانے کا مسئلہ تھا۔
 

عثمان

محفلین
کوئی محفلین بتائے گا کہ فارم میں کیا کیا سوالات تھے؟ :)
معاف کیجیے گا کہ آپ کی تحریر میں یہ سوالات پوچھ رہا ہوں۔ پاکستان کی حالیہ مردم شماری پر ایک الگ سے دھاگہ ہو تو بہتر ہو۔ :)
 
کوئی محفلین بتائے گا کہ فارم میں کیا کیا سوالات تھے؟ :)
معاف کیجیے گا کہ آپ کی تحریر میں یہ سوالات پوچھ رہا ہوں۔ پاکستان کی حالیہ مردم شماری پر ایک الگ سے دھاگہ ہو تو بہتر ہو۔ :)
فارم تو نہیں دیکھا. اور اس پرچی کے سارے کالم بھی نہ دیکھ سکا.
مگر مختلف پرفارمے انٹرنیٹ پر گردش کرتے رہے ہیں. مذاہب کے حوالے سے، زبانوں کے حوالے سے، قومیت کے حوالے سے لوگوں کے اعتراضات کے ساتھ.
فی الوقت ذہن میں نہیں، یہاں محفل پر بھی کسی نے پوسٹ کی تھی زبانوں کے حوالے سے.
 
ایسا کسی مخصوص علاقہ میں ہوگا، ہمارے فلیٹس میں استاد صاحب کے ساتھ ایک پولیس والا اور ایک رینجرز والا بھی ڈیوٹی پر تھے مگر یہ دونوں نیچے ہی بیٹھے رہتے یا تھوڑا بہت ٹہل لیتے تھے، گھروں تک ساتھ نہیں گئے کسی بھی دن۔ خانہ شماری میں بھی ایسے ہی تھا، صبح ٨ بجے ہی پہنچ جاتے تھے فلیٹس میں

کراچی میں مردم شماری کے تجربہ پر یہ آرٹیکل بڑا دلچسپ تھا
When census officials came to my home, they didn’t know what a Parsi was - Blogs - DAWN.COM

اردو ورژن
کیا ہوا جب دو سپاہی اور ایک استاد 'پارسی' کے گھر گئے - Pakistan - Dawn News
اصولاً تو انہیں ساتھ جانا ہوتا ہے مگر ساتھ کام کرتے ہوئے کچھ اصول نرم کرلئے جاتے ہیں
 
ایسا کسی مخصوص علاقہ میں ہوگا، ہمارے فلیٹس میں استاد صاحب کے ساتھ ایک پولیس والا اور ایک رینجرز والا بھی ڈیوٹی پر تھے مگر یہ دونوں نیچے ہی بیٹھے رہتے یا تھوڑا بہت ٹہل لیتے تھے، گھروں تک ساتھ نہیں گئے کسی بھی دن۔ خانہ شماری میں بھی ایسے ہی تھا، صبح ٨ بجے ہی پہنچ جاتے تھے فلیٹس میں

کراچی میں مردم شماری کے تجربہ پر یہ آرٹیکل بڑا دلچسپ تھا
When census officials came to my home, they didn’t know what a Parsi was - Blogs - DAWN.COM

اردو ورژن
کیا ہوا جب دو سپاہی اور ایک استاد 'پارسی' کے گھر گئے - Pakistan - Dawn News
جی حساس علاقوں میں سیکورٹی زیادہ رکھی گئی تھی۔
 
کوئی محفلین بتائے گا کہ فارم میں کیا کیا سوالات تھے؟ :)
معاف کیجیے گا کہ آپ کی تحریر میں یہ سوالات پوچھ رہا ہوں۔ پاکستان کی حالیہ مردم شماری پر ایک الگ سے دھاگہ ہو تو بہتر ہو۔ :)
images.jpg

مردم شماری فارم کا عکاس
 

squarened

معطل
کوئی محفلین بتائے گا کہ فارم میں کیا کیا سوالات تھے؟ :)
معاف کیجیے گا کہ آپ کی تحریر میں یہ سوالات پوچھ رہا ہوں۔ پاکستان کی حالیہ مردم شماری پر ایک الگ سے دھاگہ ہو تو بہتر ہو۔ :)

پاکستان کی چھٹی مردم شماری، کیا کیا شمار ہوگا؟ - Pakistan - Dawn News

عدنان بھائی نے عکس پیش کیا ہے، مگر وہ واضح نہیں ہے۔ ڈان میں مکمل فارم دیکھا تھا

58ccfcb051c7f.jpg


مردم شماری کے کچھ مناظر

ملک میں 19 سال بعد چھٹی مردم شماری - Pakistan - Dawn News

فارم تو نہیں دیکھا. اور اس پرچی کے سارے کالم بھی نہ دیکھ سکا.
مگر مختلف پرفارمے انٹرنیٹ پر گردش کرتے رہے ہیں. مذاہب کے حوالے سے، زبانوں کے حوالے سے، قومیت کے حوالے سے لوگوں کے اعتراضات کے ساتھ.
فی الوقت ذہن میں نہیں، یہاں محفل پر بھی کسی نے پوسٹ کی تھی زبانوں کے حوالے سے.

پرچیوں پر اندراج تو بالکل غلط طریقہ ہے، اصل میں حکم تو انہیں گھر والوں کے سامنے خود بال پوائنٹ سے تمام ڈیٹا فل کرنے کا تھا، کراچی میں کچھ جگہ پنسل سے بھرنے کی شکایت شروع میں سامنے آئی تھی تو دوبارہ بھی ہدایات جاری کی گئیں تھیں

صرف اعتراضات نہیں ہوئے باقاعدہ کیسز عدالت میں چلے ہیں، سکھوں نے، معذوروں نے الگ الگ کیس کیے، زبانوں کے حوالے سے اعتراض تو ہوا مگر شاید عدالت کوئی نہیں گیا۔ یہ فارم پہلے پرنٹ ہوئے تھے اور اب نئے پرنٹ کرنا ممکن نہیں تھا

اصولاً تو انہیں ساتھ جانا ہوتا ہے مگر ساتھ کام کرتے ہوئے کچھ اصول نرم کرلئے جاتے ہیں

اصولا تو آرڈر تھے، مگر انہوں نے شاید ضرورت نہیں محسوس کی. اصل کام ان کا سیکیورٹی دینا تھا تو وہ نیچے بیٹھ کر ادھر ادھر دیکھ رہے ہوتے تھے۔
فلیٹس کیونکہ سب ایک جیسے بنے ہوئے ہیں تو استاد صاحب نے بھی شروع کے ہی کسی گھر سے معلومات لے کر سب میں بھر دی ہوں گی. خانہ شماری میں ہم سے صرف شناختی کارڈ مانگے، نمبر وغیرہ نوٹ کیا اور چلے گئے، پھر مردم شماری والے دن بھائی گھر میں موجود تھے تو ٥ منٹ سے بھی کم وقت میں سب کا ڈیٹا ان کے سامنے بھرا اور فارغ
 
آخری تدوین:

squarened

معطل
کراچی میں بہت سے لوگوں کو یہ شکایت کرتے سنا ہے کہ مردم شماری والے مردم بیزاری کرگئے ... یعنی آئے ہی نہیں

اگر وہ خواندہ افراد تھے تو ان کو سینسس کمشنر سے اس کی شکایت کر کے بروقت اطلاع کرنی تھی، اب تو خیر کچھ نہیں ہو سکتا کہ دونوں مراحل ختم ہوئے بھی بہت دن ہو چکے ہیں. مجھے خود بھی بے گھر افراد کی گنتی کے طریقۂ کار پر تحفظات ہیں. دونوں مراحل میں صرف ایک دن ان کی گنتی کے لیے رکھا گیا اور مخصوص علاقوں تک ہی محدود رہے ہیں اور کراچی میں رہنے والے اندازہ کر سکتے ہیں کہ ایسے سب کو شمار کرنا ممکن نہیں ہے
کراچی: رات کی تاریکی میں بے گھر افراد کی مردم شماری - Pakistan - Dawn News
خود اخبار میں رپورٹ ہو رہا ہے: "پولیس اور فوج کے اہلکاروں کو دیکھ کر کئی منشیات فروش اور بے گھر افراد بھاگ نکلے"
پھر تمام افراد کی گنتی تو نہ ہوئی

پھر بھی انہوں نے جتنی مردم شماری کی اس کا بھی صحیح اندراج ہو جائے تو بڑی بات ہے ورنہ کراچی میں تو ماضی میں یہی ہوتا رہا ہے

Roznama Dunya: کالم اور مضامین :- munir ahmed baloch : منیر احمد بلوچ:-مردم شماری جعلی نہیں اصلی :

مردم شماری ؟

اور اگر صحیح گنتی ہوگی تو پی.پی نے شور مچا دینا ہے کہ شہری آبادی میں غیر متوقع اضافہ ہوا ہے
 

عثمان

محفلین
پاکستان کی چھٹی مردم شماری، کیا کیا شمار ہوگا؟ - Pakistan - Dawn News

عدنان بھائی نے عکس پیش کیا ہے، مگر وہ واضح نہیں ہے۔ ڈان میں مکمل فارم دیکھا تھا

58ccfcb051c7f.jpg


مردم شماری کے کچھ مناظر

ملک میں 19 سال بعد چھٹی مردم شماری - Pakistan - Dawn News
بہت شکریہ ان لنکس کا۔ :)
مجھے نہیں علم تھا کہ پاکستان میں بھارت کی طرح "شیڈولڈ کاسٹ" بھی پائی جاتی ہیں۔
مکان کے زمرے میں تعمیر، توانائی اور پانی کے ذرائع کے سوالات تو قابل فہم ہیں۔ تاہم باورچی خانے کے بارے میں سوال سمجھ نہیں آیا کہ کیوں کیا گیا ؟
حیرت ہے کہ سالانہ آمدنی کی بابت کچھ نہیں پوچھا گیا۔ حالانکہ ملک میں دولت اور وسائل کی تقسیم کے حوالے سے یہ سوال بہت اہم ہے۔
 
آخری تدوین:

squarened

معطل
مجھے نہیں علم تھا کہ پاکستان میں بھارت کی طرح "شیڈولڈ کاسٹ" بھی پائی جاتی ہیں۔

پاکستان میں ہندو موجود ہیں تو شیڈولڈ کاسٹ بھی اپنا وجود رکھتی ہے، البتہ مردم شماری میں انہیں الگ سے شمار کرنے پر پاکستان ہندو کونسل کے سربراہ اور ممبر قومی اسمبلی ڈاکٹر رمیش کمار صاحب نے اس پر اعتراض کیا تھا کہ اس طرح ہندو آبادی کم شمار ہوگی
آدم شماری مہم سے خوفزدہ کیوں؟

مکان کے زمرے میں تعمیر، توانائی اور پانی کے ذرائع کے سوالات تو قابل فہم ہیں۔ تاہم باورچی خانے کے بارے میں سوال سمجھ نہیں آیا کہ کیوں کیا گیا ؟

تمام ہی سہولیات کا جائزہ لینے کی غرض سے۔ پاکستان مغربی ممالک میں دستیاب سہولتوں کے حساب سے بہت پیچھے ہے، آپ لوگ آنلائن یا ڈاک کے ذریعہ بھی یہ سب کر سکتے ہیں، مگر جب ہم کراچی جیسے بڑے شہر میں یہ دیکھتے ہیں کہ تقریبا ٥٠ فیصد آبادی کچی آبادیوں میں مقیم ہے، نالوں کے اوپر مکان بنے ہیں، پلوں کے نیچے رات بسر کرنے والے، فلاحی دسترخوانوں اور مزاروں پر کھانے والے لوگ موجود ہیں تو پھر باورچی خانہ کتنوں کو میسر ہے، یہ اہمیت رکھتا ہے

حیرت ہے کہ سالانہ آمدنی کی بابت کچھ نہیں پوچھا گیا۔ حالانکہ ملک میں دولت اور وسائل کی تقسیم کے حوالے سے یہ سوال بہت اہم ہے۔

جی، ڈان نے اس پر بھی رپورٹ مرتب کی تھی جس میں مزید چیزیں بھی ہیں
مردم شماری میں اور کیا کیا شمار ہونا چاہیئے تھا - Pakistan - Dawn News
ڈاکٹرز کی تنظیموں نے بیماریوں کا ڈیٹا جمع کرنے کی بھی پرزور اپیل کی تھی، مگر مسئلہ وہی آ گیا کہ فارمز پہلے پرنٹ ہوئے تھے اور لگتا ہے کسی خاص ہوم ورک کے بغیر ہی پرنٹ کر لیے گئے تھے۔ اب اللہ اللہ کر کے اتنے سال بعد اتنی معلومات بھی جمع ہو رہی ہیں تو عدالتوں نے بھی اسی کو غنیمت جانا ورنہ اگر روک دیا جاتا تو پھر شاید موجودہ حکومت کے پاس اتنا وقت نہیں رہ جاتا کہ وہ مکمل کر سکے. ابھی بھی کئی علاقوں کے اعتراضات تھے کہ پہلے افغان مہاجرین کو واپس بھیجا جائے ورنہ وہ مردم شماری ہونے نہیں دیں گے اور میرا نہیں خیال کہ تمام مہاجرین کو ایسے اٹھا کر واپس بھیجا جا سکتا ہے
 

squarened

معطل
محمد تابش صدیقی، بہت معذرت بھائی۔ آپ کے ارمانوں کے ساتھ میرے ہاتھوں آپ کی لڑی بھی کہیں اور بہہ گئی ہے . کوئی نئی لڑی بنی نہیں اس موضوع پر سو ہم نے اسی پر ہاتھ صاف کر لیے

اصل تو ویسے بھی جب نتائج سامنے آئیں گے اور حلقہ بندیوں اور وسائل کی تقسیم کا معاملہ اٹھے گا جب شور مچے گا۔
 
محمد تابش صدیقی، بہت معذرت بھائی۔ آپ کے ارمانوں کے ساتھ میرے ہاتھوں آپ کی لڑی بھی کہیں اور بہہ گئی ہے . کوئی نئی لڑی بنی نہیں اس موضوع پر سو ہم نے اسی پر ہاتھ صاف کر لیے

اصل تو ویسے بھی جب نتائج سامنے آئیں گے اور حلقہ بندیوں اور وسائل کی تقسیم کا معاملہ اٹھے گا جب شور مچے گا۔
کوئی مسئلہ نہیں. فائدہ ہی ہو گیا ہے. :)
 

زیک

مسافر
مجھے نہیں علم تھا کہ پاکستان میں بھارت کی طرح "شیڈولڈ کاسٹ" بھی پائی جاتی ہیں۔

پاکستان میں ہندو موجود ہیں تو شیڈولڈ کاسٹ بھی اپنا وجود رکھتی ہے، البتہ مردم شماری میں انہیں الگ سے شمار کرنے پر پاکستان ہندو کونسل کے سربراہ اور ممبر قومی اسمبلی ڈاکٹر رمیش کمار صاحب نے اس پر اعتراض کیا تھا کہ اس طرح ہندو آبادی کم شمار ہوگی
حیرت اس بات پر ہے کہ انہیں علیحدہ مذہب کے طور پر رکھا گیا ہے۔
 

squarened

معطل
حیرت اس بات پر ہے کہ انہیں علیحدہ مذہب کے طور پر رکھا گیا ہے۔

ممکنہ طور پر پہلے سے ایسا فارم چل رہا ہوگا اور ایسا خود شیڈولڈ کاسٹ کے مطالبہ کی وجہ سے بھی ہو سکتا ہے(یہ صرف میرا اندازہ ہے). سندھ میں ہندوؤں کی اکثریت شیڈولڈ کاسٹ سے ہی تعلق رکھتی ہے بلکہ کچھ حلقے تو ایسے بھی ہیں جہاں وہ اب جرنل سیٹ پر الیکشن میں کھڑے بھی ہوتے ہیں۔ کچھ جگہ وہ وڈیروں کے ہاتھوں پریشان ہیں تو کچھ جگہ خود اپر کاسٹ والے بھی انہیں اپنا محکوم سمجھتے دیر نہیں لگاتے
 
کراچی اور سندھ شہری آبادی سندھ دیہی سے بہت زیادہ ہے۔ سندھی عرصہ ہوئے اقلیت میں تبدیل ہوچکے۔ کراچی میں کم از کم 30 قومی اسمبلی کے حلقے مزید بننے چاہیں۔ میرے خیال میں سندھ کی مجموعی آبادی اب پنجاب سے زیادہ ہے
 

squarened

معطل
حیرت اس بات پر ہے کہ انہیں علیحدہ مذہب کے طور پر رکھا گیا ہے۔

ایک اور ممکنہ وجہ نوکریوں میں کوٹہ بھی ہو سکتا ہے. کچھ ایسی سرکاری آسامیاں ہیں جن کے لیے اقلیتی امیدوار طلب کیے جاتے ہیں اور اونچی ذات کے ہندو بھی وہ کام نہیں کرتے ہیں جبکہ شیڈولڈ کاسٹ والے کرتے ہیں.
یہ بھی میرا ذاتی خیال ہے باقی اصل وجہ محکمۂ شماریات ہی بتا سکتا ہے
 
Top