دُوری

فاطمہ شیخ

محفلین
پَلکاں دی جھالر چُک سجناں
تیری اَکھ دا تِل میں بن جانواں
میرے نال تُوں ویکھیں جگ سارا
تیری روح تک میں چانن ٹوراں
تینوں اوکھیاں راہواں توں موڑاں
توں سوں جانویں، میں جاگدی راں
تیرے اندر جھاتی ماردی راں
تیرے ہنجُو سارے پی جاواں
تیرے نال حیاتی جی جانواں
پَلکاں دی جھالر چُک سجناں
اکھاں نال اکھیاں کَھین تے دِے
دو گھڑیاں رل مِل بَیہن تے دِے
مینوں اپنے اندر رَیہن تے دِے
تیرا نور وی میں، تیری حور وی میں
بے بس، بے کل مجبور وی میں
رنجور وی میں، ہائے دُور وی میں
دُوری مینوں مار گئی سجناں
میں تِیتھوں ہار گئی سجناں
 
Top